غزل برائے اصلاح: کہوں بات جو میرے سردار کھل کر

[عمران سرگانی]

سر الف عین عظیم شاہد شاہنواز محمّد احسن سمیع :راحل: بھائی اصلاح فرما دیجئے۔۔۔

فعولن فعولن فعولن فعولن

کہوں بات جو میرے سردار کھل کر
گلے میں نہ پڑ جائے دستار کھل کر

بہت جلد وہ چھوڑ جائے گا مجھکو
نظر آ رہے ہیں اب آثار کھل کر

اشاروں میں یوں بات کرنا نہیں ٹھیک
کیا کر محبت کا اظہار کھل کر

میں ماں کی دعا ساتھ لے کر چلا ہوں
مجھے راستہ دے گی دیوار کھل کر

مرے ساتھ عمران کوئی نہیں ہے
کیے کر زباں کے یہاں وار کھل کر

شکریہ

 

[محمد احسن سمیع راحلؔ]

کہوں بات جو میرے سردار کھل کر
گلے میں نہ پڑ جائے دستار کھل کر

کروں بات تجھ سے جو سردار کھل کر
گلے آ پڑے گی یہ دستار کھل کر

اشاروں میں یوں بات کرنا نہیں ٹھیک
کیا کر محبت کا اظہار کھل کر

اشاروں میں باتیں مناسب نہیں ہیں
۔۔۔۔۔

میں ماں کی دعا ساتھ لے کر چلا ہوں
مجھے راستہ دے گی دیوار کھل کر

"میں ماں" کا تنافر زبان پر کھٹک رہا ہے۔ یوں سوچ کر دیکھیں
مرے ساتھ ہیں میری ماں کی دعائیں

مرے ساتھ عمران کوئی نہیں ہے
کیے کر زباں کے یہاں وار کھل کر

دوسرے مصرعے میں چونکہ فعل مستقبل کا صیغہ استعمال کر رہے ہیں اس لئے پہلے مصرعے میں "کوئی نہیں ہے" کہنا درست نہیں، کیونکہ یہاں بھی امکان مستقبل میں ظاہر کرنا ضروری ہے۔ اس کو یوں کردیں۔
مرے ساتھ عمران کوئی نہ ہوگا
۔۔۔۔۔۔۔۔۔۔۔۔۔
ماشاءاللہ اچھی کاوش ہے۔ بحر تو ویسے ہی روانی میں یکتا ہے، مجھے آپ کی زمین بھی بہت پسند آئی۔ اختصار کے لئے معذرت۔

دعاگو،
راحل۔

 

[عمران سرگانی]

کروں بات تجھ سے جو سردار کھل کر
گلے آ پڑے گی یہ دستار کھل کر


اشاروں میں باتیں مناسب نہیں
۔۔۔۔۔


"میں ماں" کا تنافر زبان پر کھٹک رہا ہے۔ یوں سوچ کر دیکھیں
مرے ساتھ ہیں میری ماں کی دعائیں


دوسرے مصرعے میں چونکہ فعل مستقبل کا صیغہ استعمال کر رہے ہیں اس لئے پہلے مصرعے میں "کوئی نہیں ہے" کہنا درست نہیں، کیونکہ یہاں بھی امکان مستقبل میں ظاہر کرنا ضروری ہے۔ اس کو یوں کردیں۔
مرے ساتھ عمران کوئی نہ ہوگا
۔۔۔۔۔۔۔۔۔۔۔۔۔
ماشاءاللہ اچھی کاوش ہے۔ بحر تو ویسے ہی روانی میں یکتا ہے، مجھے آپ کی زمین بھی بہت پسند آئی۔ اختصار کے لئے معذرت۔

دعاگو،
راحل۔

بہت شکریہ محترم یقینا اردو آپکی مادری زبان ہے اس کی باریکیوں کو زیادہ بہتر جانتے ہو۔۔۔

 

[عمران سرگانی]

کروں بات تجھ سے جو سردار کھل کر
گلے آ پڑے گی یہ دستار کھل کر

بہت جلد وہ چھوڑ جائے گا مجھکو
نظر آ رہے ہیں اب آثار کھل کر

اشاروں میں باتیں ، مناسب نہیں ہے
کیا کر محبت کا اظہار کھل کر

مرے ساتھ ہیں میری ماں کی دعائیں
مجھے راستہ دے گی دیوار کھل کر

میں نفرت کروں یا کروں میں محبت
ہمیشہ میں کرتا ہوں اظہار کھل کر

ترے پاس دنیا کی خبریں ہیں ، جیسے
پڑا ہو مرے آگے اخبار کھل کر

مرے ساتھ عمران کوئی نہیں ہے
کیے کر زباں کے یہاں وار کھل کر

 

[عمران سرگانی]

کروں بات تجھ سے جو سردار کھل کر
گلے آ پڑے گی یہ دستار کھل کر


اشاروں میں باتیں مناسب نہیں ہیں
۔۔۔۔۔


"میں ماں" کا تنافر زبان پر کھٹک رہا ہے۔ یوں سوچ کر دیکھیں
مرے ساتھ ہیں میری ماں کی دعائیں


دوسرے مصرعے میں چونکہ فعل مستقبل کا صیغہ استعمال کر رہے ہیں اس لئے پہلے مصرعے میں "کوئی نہیں ہے" کہنا درست نہیں، کیونکہ یہاں بھی امکان مستقبل میں ظاہر کرنا ضروری ہے۔ اس کو یوں کردیں۔
مرے ساتھ عمران کوئی نہ ہوگا
۔۔۔۔۔۔۔۔۔۔۔۔۔
ماشاءاللہ اچھی کاوش ہے۔ بحر تو ویسے ہی روانی میں یکتا ہے، مجھے آپ کی زمین بھی بہت پسند آئی۔ اختصار کے لئے معذرت۔

دعاگو،
راحل۔

آخری مصرعے کیے کر کی جگہ تو کرنا کر دیا ہے۔۔۔

 

[محمد احسن سمیع راحلؔ]

میرے خیال میں پہلی صورت زیادہ بہتر تھی، مفہوم واضح تھا، اب بیان الجھتا محسوس ہورہا ہے۔

دراصل میں "کئے کر" کو "کئے گر" پڑھ رہا تھا، یعنی میری دانست میں شعر یوں تھا
مرے ساتھ عمران کوئی نہ ہوگا
کئے گر زباں کے یہاں وار کھل کر

 

[عمران سرگانی]

میرے خیال میں پہلی صورت زیادہ بہتر تھی، مفہوم واضح تھا، اب بیان الجھتا محسوس ہورہا ہے۔

دراصل میں "کئے کر" کو "کئے گر" پڑھ رہا تھا، یعنی میری دانست میں شعر یوں تھا
مرے ساتھ عمران کوئی نہ ہوگا
کئے گر زباں کے یہاں وار کھل کر

اضافہ دیکھیے
میں نفرت کروں یا کروں میں محبت
ہمیشہ میں کرتا ہوں اظہار کھل کر

ترے پاس دنیا کی خبریں ہیں ، جیسے
پڑا ہو مرے آگے اخبار کھل کر

 

[عمران سرگانی]

محترم محمّد احسن سمیع :راحل: صاحب وٹس ایپ پر ایک گروپ تشکیل دیا ہے۔ اگر آپ کو اچھا لگے تو ضرور جوائن کیجئے۔۔۔
علم عروض از عمران سرگانی

 

[عمران سرگانی]

یہ کیسا ہے ؟؟؟

یہ رمز و کنایہ مناسب نہیں ہے
کیا کر محبت کا اظہار کھل کر

 

[محمد احسن سمیع راحلؔ]

اضافہ دیکھیے
میں نفرت کروں یا کروں میں محبت
ہمیشہ میں کرتا ہوں اظہار کھل کر

ترے پاس دنیا کی خبریں ہیں ، جیسے
پڑا ہو مرے آگے اخبار کھل کر

پہلے شعر کے الفاظ و معانی اس سے قبل کے ایک شعر سے ٹکرا رہے ہیں۔
دوسرا شعر میں نہیں سمجھ سکا۔

 

[محمد احسن سمیع راحلؔ]

یہ کیسا ہے ؟؟؟

یہ رمز و کنایہ مناسب نہیں ہے
کیا کر محبت کا اظہار کھل کر

میرے خیال سے پہلے والی صورت ہی مناسب ہے، غزل کے عمومی آہنگ سے زیادہ میل کھاتی ہے۔ واللہ اعلم

 

[عمران سرگانی]

میرے خیال سے پہلے والی صورت ہی مناسب ہے، غزل کے عمومی آہنگ سے زیادہ میل کھاتی ہے۔ واللہ اعلم

بہت شکریہ بھائی۔۔۔

 

[عمران سرگانی]

پہلے شعر کے الفاظ و معانی اس سے قبل کے ایک شعر سے ٹکرا رہے ہیں۔
دوسرا شعر میں نہیں سمجھ سکا۔

اس شعر کو یوں کر دیا ہے

تری ہر خبر ہے مرے پاس ، جیسے
پڑا ہو مرے آگے اخبار کھل کر

 

[عمران سرگانی]

غزل

کروں بات تجھ سے جو سردار کھل کر
گلے آ پڑے گی یہ دستار کھل کر

بہت جلد وہ چھوڑ جائے گا مجھکو
نظر آ رہے ہیں اب آثار کھل کر

اشاروں میں باتیں ، مناسب نہیں ہے
کیا کر محبت کا اظہار کھل کر

مرے ساتھ ہیں میری ماں کی دعائیں
مجھے راستہ دے گی دیوار کھل کر

تری ہر خبر ہے مرے پاس ، جیسے
پڑا ہو مرے آگے اخبار کھل کر

میں نفرت کروں یا کروں میں محبت
ہمیشہ ہی کرتا ہوں اظہار کھل کر

مرے ساتھ عمران کوئی نہیں ہے
کیے جا زباں کے یہاں وار کھل کر

 

[محمد احسن سمیع راحلؔ]

اس شعر کو یوں کر دیا ہے

تری ہر خبر ہے مرے پاس ، جیسے
پڑا ہو مرے آگے اخبار کھل کر

عمران بھائی، شعر تکنیکی اعتبار سے تو درست ہے، مگر معنی کے اعتبار سے غزل کے دیگر اشعار کے کمتر معیار کا ہے، یوں لگ رہا ہے جیسے کسی طرح بس اخبار کا قافیہ لانا مقصود ہو۔ میری بات اگر ناگوار محسوس ہوئی تو اس کے لئے معذرت۔

میں نفرت کروں یا کروں میں محبت
ہمیشہ میں کرتا ہوں اظہار کھل کر

دوسرے مصرعے میں ’’ہمیشہ میں‘‘ کو ’’ہمیشہ ہی‘‘ کردیں، اس طرح بیان میں تاکید پیدا ہوجائے گی۔

مقطعے کو اگر یوں ہی برقرار رکھنا چاہتے ہیں تو دوسرے مصرعے میں ’’کئے کر‘‘ کو ’’کیا کر‘‘ کہیں۔ ’’کئے کر‘‘ تبھی اچھا لگتا جب غزل کا عمومی آہنگ ہی پوربی یا اودھی لہجے کا ترجمان ہوتا۔ اگر ’’کئے‘‘ ہی لانا ہے تو اس کو ’’کئے جا‘‘ کردیں۔

دعاگو،
راحلؔ

 

[عمران سرگانی]

عمران بھائی، شعر تکنیکی اعتبار سے تو درست ہے، مگر معنی کے اعتبار سے غزل کے دیگر اشعار کے کمتر معیار کا ہے، یوں لگ رہا ہے جیسے کسی طرح بس اخبار کا قافیہ لانا مقصود ہو۔ میری بات اگر ناگوار محسوس ہوئی تو اس کے لئے معذرت۔


دوسرے مصرعے میں ’’ہمیشہ میں‘‘ کو ’’ہمیشہ ہی‘‘ کردیں، اس طرح بیان میں تاکید پیدا ہوجائے گی۔

مقطعے کو اگر یوں ہی برقرار رکھنا چاہتے ہیں تو دوسرے مصرعے میں ’’کئے کر‘‘ کو ’’کیا کر‘‘ کہیں۔ ’’کئے کر‘‘ تبھی اچھا لگتا جب غزل کا عمومی آہنگ ہی پوربی یا اودھی لہجے کا ترجمان ہوتا۔ اگر ’’کئے‘‘ ہی لانا ہے تو اس کو ’’کئے جا‘‘ کردیں۔

دعاگو،
راحلؔ

بہت شکریہ بھائی۔۔۔ تدوین کر دی۔۔۔
پہلے شعر دیکھ لیتا ہوں۔۔۔ حذف کرنا پڑا تو دیر نہیں لگاؤ گا