غزل برائے اصلاح

[ارشد چوہدری]

بحر ۔۔۔۔۔ہزج مثمن اخرب سالم (مفعول مفاعیلن مفعول مفاعیلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مفعول مفاعیلن ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مفعول مفاعیلن
۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ سے محبّت ہے ٭٭٭ تو اپنا چلن بدلو
دنیا کی روش سمجھو٭٭٭ اپنا تم ذہن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو خونِ جگر شامل ٭٭٭ تیرا بھی چمن میں تو
پھر بھی جو ضرورت ہو ٭٭٭ تو تم یہ چمن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مومن کی وراثت ہے ٭٭٭ ساری ہی زمیں یارو
حالات جو ہوں نازک ٭٭٭ تو اپنا وطن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ کا گھر ہے یہ ٭٭٭ جو تیرا ہے دل بندے
دنیا کی طرف جائے ٭٭٭ تیرا جی تو من بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا کی محبّت میں ٭٭٭ بھولو نہ خدا کو تم
تم نے جو کیا رب سے ٭٭٭ اپنا نہ وچن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا کی چمک ارشد ٭٭٭ دھوکہ ہے یہ تو بس اک
دیکھو نہ طرف اس کی ٭٭٭ اپنی یہ لگن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اس کے قوافی بھی درست ہیں اور مصرعوں کا تقسیم ہونا بھی ۔
اللہ سے محبّت ہے ٭٭٭ تو اپنا چلن بدلو
دنیا کی روش سمجھو٭٭٭ اپنا تم ذہن بدلو
۔۔۔۔۔۔ ذہن قافیہ تو اس بحر میں آ ہی نہیں سکتا، ہ ساکن ہے درست تلفظ میں

ہو خونِ جگر شامل ٭٭٭ تیرا بھی چمن میں تو
پھر بھی جو ضرورت ہو ٭٭٭ تو تم یہ چمن بدلو
۔۔۔۔۔۔۔۔۔۔۔۔۔۔۔اسے شتر گربہ کہتے ہیں کہ ایک ہی شعر میں تو اور تم یا آپ استعمال کیے جائیں کیونکہ ردیف ہی 'تم' والی ہے، تو ہر جگہ اسی لحاظ سے صیغہ رکھو ۔ 'تیرا بھی ۔۔۔' کی جگہ 'سمجھو جو چمن اپنا' زیادہ بہتر ہے

مومن کی وراثت ہے ٭٭٭ ساری ہی زمیں یارو
حالات جو ہوں نازک ٭٭٭ تو اپنا وطن بدلو
۔۔۔۔۔۔۔ اچھا شعر ہے، اس کو یوں کہو روانی کی خاطر
مومن کی وراثت ہے اللہ کی زمیں ساری
حالات جو نازک ہوں ۔۔۔

اللہ کا گھر ہے یہ ٭٭٭ جو تیرا ہے دل بندے
دنیا کی طرف جائے ٭٭٭ تیرا جی تو من بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الفاظ بدل کر شتر گربہ کا سقم دور کر دیں

دنیا کی محبّت میں ٭٭٭ بھولو نہ خدا کو تم
تم نے جو کیا رب سے ٭٭٭ اپنا نہ وچن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔وچن اردو میں استعمال کم ہی ہوتا ہے بہرحال جب َاستعمال کردیا ہے تو شاید چل جائے

دنیا کی چمک ارشد ٭٭٭ دھوکہ ہے یہ تو بس اک
دیکھو نہ طرف اس کی ٭٭٭ اپنی یہ لگن بدلو
لگن؟ کن معنوں میں لے رہے ہیں، میری سمجھ میں نہیں آیا۔ شاید چلن بہتر ہو
دنیا کی چمک ارشد ٭٭٭دھوکہ ہے اسے سمجھو
اس سمت نہ مڑ جاؤ٭٭٭ اپنا یہ چلن بدلو
بہتر ہو

 

[ارشد چوہدری]

بہت بہت شکریہ محترم اپنے ریکارڈ میں تبدیلیاں کر لوں گا

 

[الف عین]

تبدیل شدہ ایک بار پھر یہاں پوسٹ کر دیں

 

[ارشد چوہدری]

تبدیل شدہ
۔۔۔۔۔۔۔۔۔۔۔۔۔۔۔
اللہ سے محبّت ہے ٭٭ تو اپنا چلن بدلو
دنیا کی روش سمجھو ٭٭ انداز کہن بدلو (اندازِ رہن بدلو )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو خونِ جگر شامل ٭٭ سمجھو جو چمن اپنا
پھر بھی جو ہو لازم ٭٭ تو اپنا یہ چمن بدلو (پھر بھی جو ضرورت ہو تم اپنا یہ چمن بدلو )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مامن کی وراثت ہے ٭٭ اللہ کی زمیں ساری
حالات جو نازک ہوں ٭٭تو اپنا وطن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ کا گھر ہے ٭٭یہ سینے میں جو تیرا دل
دنیا میں ہو مائل ٭٭ہے لازم یہ ہی من بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا کی محبّت میں ٭٭ بھولو نہ خدا کو تم
تم نے جو کیا رب سے ٭٭ اپنا نہ وچن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا کی چمک ارشد ٭٭ دھوکہ ہے اسے سمجھو
اِس سمت نہ مڑ جاؤ ٭٭ اپنا یہ چلن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اللہ سے محبّت ہے ٭٭ تو اپنا چلن بدلو
دنیا کی روش سمجھو ٭٭ انداز کہن بدلو (اندازِ رہن بدلو )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ رہن؟ مطلب گروی؟ بہر حال کہن ہی بہتر ہے اگرچہ شعر میں ربط کی کمی ہے

ہو خونِ جگر شامل ٭٭ سمجھو جو چمن اپنا
پھر بھی جو ہو لازم ٭٭ تو اپنا یہ چمن بدلو (پھر بھی جو ضرورت ہو تم اپنا یہ چمن بدلو )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ثانی مصرعے میں نصف کی نشاندہی کی نشانی غلط جگہ ہے ۔ بہتر یوں رہے گا
پھر بھی ہو اگر لازم.
مامن کی وراثت ہے ٭٭ اللہ کی زمیں ساری
حالات جو نازک ہوں ٭٭تو اپنا وطن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست
اللہ کا گھر ہے ٭٭یہ سینے میں جو تیرا دل
دنیا میں ہو مائل ٭٭ہے لازم یہ ہی من بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ روانی سخت متاثر ہے
دنیا کی محبّت میں ٭٭ بھولو نہ خدا کو تم
تم نے جو کیا رب سے ٭٭ اپنا نہ وچن بدلو
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک ۔
دنیا کی چمک ارشد ٭٭ دھوکہ ہے اسے سمجھو
اِس سمت نہ مڑ جاؤ ٭٭ اپنا یہ چلن بدلو
درست