غزل برائے اصلاح

[ارشد چوہدری]

بحر۔۔۔ مضارع مثمن اخرب مکفوف محذوف ( مفعول فاعلاتُ مفاعیل فاعلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہو سکے تم سے جتنا بھی رب کو ادھار دے
دنیا کی زندگی کو تُو حق پر گزار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خوشیوں کو راحتوں کوکسی پر نثار کر
لوگوں کے کام آ تُو کسی کو قرار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنے لئے تو جیتے ہیں سب لوگ ہی یہاں
دنیا کے خار چُن تُو کسی کو بہار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جانا نہ تم یہاں سے محبّت لئے بِنا
ایسی ہی زندگی ہو جو تجھ کو سنوار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد یہ زندی تو سدا کے لئے نہیں
جانا تو ہے مگر نہ تُو ایسے گزار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

ہو سکے تم سے جتنا بھی رب کو ادھار دے
دنیا کی زندگی کو تُو حق پر گزار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرعہ بحر سے خارج
جتنا بھی تجھ سے ہو سکے، رب کو ادھار دے

خوشیوں کو راحتوں کوکسی پر نثار کر
لوگوں کے کام آ تُو کسی کو قرار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرا مصرع روانی چاہتا ہے، تو تخاطب والا کو تُ کر دینا اچھا نہیں

اپنے لئے تو جیتے ہیں سب لوگ ہی یہاں
دنیا کے خار چُن تُو کسی کو بہار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وہی تخاطبی تو والا مسئلہ ہے ۔

جانا نہ تم یہاں سے محبّت لئے بِنا
ایسی ہی زندگی ہو جو تجھ کو سنوار دے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پھر شتر گربہ؟

ارشد یہ زندی تو سدا کے لئے نہیں
جانا تو ہے مگر نہ تُو ایسے گزار دے
۔۔۔۔۔۔۔۔۔۔۔۔۔۔۔۔ جانا ہے سب کو، تو نہ پر ایسے گزار دے
ایک تجویز۔۔