غزل برائے اصلاح

[ارشد چوہدری]

بحر متقارب مثمن سالم (فعولن فعولن فعولن فعولن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ امّت مباحات میں کھو گئی ہے
شریعت روایات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ دنیا مفادات کی ہو گئی ہے
طریقت کرامات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہیں ہے حقیقت کسی کی سمجھ میں
حقیقت بیانات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہاں لوگ سارے تو یکجا نہیں ہیں
یہ دنیا تضادات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ اپنوں میں پیسہ لٹاتے ہیں سارا
حکومت مراعات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوالات پھیلے ہیں دنیا میں اتنے
یہ دنیا سوالات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہاں سے ہے آئی یہ لوگوں میں دولت
یہ دنیا حسابات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہیں ہے رہائی کی کوئی بھی صورت
ذہانت حوالات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نہیں ہے محبّت کسی بھی لوگوں
محبّت مفادات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اگر چاہتے ہو محبّت خدا سے
یہ ارشد مناجات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اس غزل میں اندازِ بیان واقعی بہت بہتر ہے
مشہور مصرع ہے
یہ امت روایات میں کھو گئی
'ہے' کے اضافے سے مختلف ہو گئی ہے لیکن اسی مصرع کی طرف توجہ مبذول کر دیتی ہے
صرف کچھ ہی اشعار میں بہتر روانی کے لیے درستی کی ضرورت ہے
یہ اپنوں میں پیسہ لٹاتے ہیں سارا
یہ کون؟ 'سب' بہتر ہو گا
کہاں سے ہے آئی یہ لوگوں میں دولت
کہاں سے یہ آئی ہے ۔۔۔ بہتر ہو گا
اور یہ تینوں اشعار
نہیں ہے رہائی کی کوئی بھی صورت
ذہانت حوالات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حوالات میں کون گیا ہے اور کس نے ڈال دیا؟
نہیں ہے محبّت کسی بھی لوگوں
محبّت مفادات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ للوگوں نہیں، لوگو کا محل ہے لیکن یہ لفظ بھی بھرتی کا ہے یوں کہو
کہیں سچی الفت نہیں مل سکے گی
اگر چاہتے ہو محبّت خدا سے
یہ ارشد مناجات میں کھو گئی ہے
۔۔۔ کیا کھو گئی، محبت؟ خدا سے محبت چاہنا بمعنی محبت کرنا چاہنا یا یہ کہ خدا محبت کرے؟
تخلص کی نشست بھی بدل دینا بہتر ہے

 

[ارشد چوہدری]

استادِ محترم آپکے حکم کے مطابق تبدیلیاں کر دی ہیں
2-- حوالات والا شعر نکال دیا ہے
3-- مقطع تبدیل کر دیا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سب اپنوں میں پیسہ لٹاتے ہیں سارا
حکومت مراعات میں کھو گئی ہے
۔۔۔۔۔۔۔۔۔۔۔۔۔۔۔۔۔۔
کہاں سے یہ آئی ہے لوگوں میں دولت
یہ دنیا حسابات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہیں سچی الفت نہیں مل سکے گی
محبّت مفادات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مقطع
تم ارشد خدا کی محبّت کو ڈھونڈو
یہ دل کے حجابات میں کھو گئی ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اب درست ہو گئی ہے غزل