غزل برائے اصلاح

[ارشد چوہدری]

محنت سے نہیں تھکتا ٭ حالات تھکاتے ہیں
ملتے ہیں جو انساں کو ٭ صدمات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتے ہو بُرائی تو ٭ ڈرتے ہو پکڑ سے بھی
انساں کو یہ ایسے ہی ٭ خطرات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتی ہے خیالوں میں ٭ تلخی تو جو ہوتا ہے
بندوں کو تو ایسے ہی ٭ جذبات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر روز جو مرتے ہیں ٭ انساں کے وہ اپنے ہیں
دنیا کو یہ ایسے ہی ٭ لمحات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انساں کا یہ خدشہ بھی ٭ چِھن جائے نہ کچھ میرا
انساں کو یہ ایسے ہی ٭ خدشات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لوگوں کو جو کرتے ہیں ٭ محروم کمائی سے
لوگوں کو تو ایسے ہی ٭ حضرات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم چھوڑ کے ارشد یہ ٭ سب باتیں کرو رب کی
انساں کو یہ دنیا کے ٭ حالات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

مطلع ماشاء اللہ درست ہی ہے
باقی اشعار میں کچھ نہ کچھ مسئلہ ہے
کرتے ہو بُرائی تو ٭ ڈرتے ہو پکڑ سے بھی
انساں کو یہ ایسے ہی ٭ خطرات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ انسان کو ایسے ہی بہتر ہو گا

آتی ہے خیالوں میں ٭ تلخی تو جو ہوتا ہے
بندوں کو تو ایسے ہی ٭ جذبات تھکاتے ہی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جذبات تھکاتے ہیں؟ اور وہ بھی خیالوں کے! تلخی کے جذبات ممکن ہیں لیکن پہلے
مصرع کا فاعل تو خیال ہے، پھر 'تو جو ہوتا ہے ' کا ٹکڑا سمجھ میں نہیں آتا

ہر روز جو مرتے ہیں ٭ انساں کے وہ اپنے ہیں
دنیا کو یہ ایسے ہی ٭ لمحات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وہ اپنے؟ کون؟ لمحات سے تعلق؟

انساں کا یہ خدشہ بھی ٭ چِھن جائے نہ کچھ میرا
انساں کو یہ ایسے ہی ٭ خدشات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلے مصرع کا پہلا ٹکڑا ہی دوسرا مصرع ہے اگر محض چھن جانے کا خطرہ ہے تو اسے واضح کریں، جیسے
وہ مال جو گھر میں ہے چھن جائے کہیں میرا
انساں کو یہ ۔۔۔

لوگوں کو جو کرتے ہیں ٭ محروم کمائی سے
لوگوں کو تو ایسے ہی ٭ حضرات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کون حضرات؟ واضح نہیں اور کس طرح؟

تم چھوڑ کے ارشد یہ ٭ سب باتیں کرو رب کی
انساں کو یہ دنیا کے ٭ حالات تھکاتے ہیں
کیا چھوڑ کر؟ شعر بھی واضح نہیں

 

[جاسمن]

معصوم۔
یہ شاعری پڑھتے ہی یہ لفظ ذہن میں آتا ہے۔
ماشاءاللہ بہت پیارے خیالات ہیں۔

 

[جاسمن]

استادِ گرامی کی محنت دیکھ کے بہت خوشی ہوتی ہے۔
نہ صلہ کی تمنا نہ ستائش کی خواہش۔
اللہ آپ کو دنیا و آخرت کی سب نعمتوں، رحمتوں، برکتوں سے مالامال کرے۔ آمین!

 

[ارشد چوہدری]

تبدیلیوں کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔
2-- کرتے ہو بُرائی تو ڈرتے ہو پکڑ سے بھی
انسان کو ایسے ہی خطرات تھکاتے ہیں
------------------------
3--مظلوم ہو جب انساں اور کر نہ سکے کچھ بھی
انساں کو دکھی دل کے جذبات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ مال جو گھر میں ہے چھن جائے کہیں میرا
انساں کو یہ ایسے ہی خدشات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرنا نہ کسی کی دل آزاری کبھی بھی تم
لوگوں کو یہ ایسے ہی لمحات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایسے بھی ہیں ہتھیا لیتے ہیں جو کمایا تھا
دنیا کو یہ ایسے ہی حضرات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بہہ جائے اگر پانی میں جو بھی بنایا تھا
محرومی کے ایسے ہی لمحات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوتا ہے دکھی ارشد حالاتِ زمانہ سے
اُس کو تو یہ ایسے ہی حالات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

آخری چار پانچ اشعار میں 'کو ایسے ہی' مشترک ہے اور جہاں جہاں 'یہ ایسے ہی' ہے، ان میں یہ بھرتی کا لفظ لگتا ہے
دل آزاری اور 'لیتے' دو مختلف حصوں میں اچھا نہیں لگتا
لمحات کا قافیہ اب بھی دونوں شعروں میں فٹ نہیں ہوتا

 

[ارشد چوہدری]

تبدیلی دوبارا سے
۔۔۔۔۔۔۔۔۔۔۔۔۔۔۔۔۔۔۔۔۔۔۔
کرنا نہ کسی کی دل آزاری کبھی بھی تم
انسان کو جھوٹے الزامات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایسے بھی ہیں ہیں ہتھیا لیتے ہیں جو کمایا تھا
لُٹتے ہیں جو اُن کو یہ حضرات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بہہ جائے اگر پانی میں جو بھی بنایا تھا
نقصان کا ہو احساس تو جذبات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوتا ہے دکھی ارشد حالاتِ زمانہ سے
اُس کو تو زمانے کے حالات تھکاتے ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

الزامات پھر ٹوٹ گیا ہے
میرے خیال میں الزامات اور حضرات کو 'غزل بدر' کر دیں
یہ شعر
بہہ جائے اگر پانی میں جو بھی بنایا تھا
نقصان کا ہو احساس تو جذبات تھکاتے ہیں
محض احسا وزن میں آتا ہے
جذبات احساس کے؟ مگر اظہار بیان سے واضح نہیں
اسے یوں کیا جا سکتا ہے
پانی میں وہ بہہ جائے جو کچھ کہ بنایا تھا
نقصان کے اس دکھ کے جذبات ستاتے ہیں
مقطع چل سکتا ہے