غزل برائے اصلاح

[ارشد چوہدری]

بحر ۔۔( مضارع مثمن اخرب مکفوف محذوف ) مفعول فاعلاتُ مفاعیل فاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرا خیال دل سے بُھلایا نہ جا سکا
مجھ سے تو تیرے پاس بھی آیا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا کے غم میں ہی میں تو کھویا رہا صنم
دنیا کا غم کبھی بھی بُھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلتا ہی رہا ہے دیا تیری یاد کا
مجھ سے کبھی دیا یہ بُجھایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیسے کہوں تجھے بے وفا تو نہیں تھے تم
مجھ سے ہی تیرا وصل تو پایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پایا نہ تیرا وصل نہ دنیا ہی مل سکی
دکھ کا خیال بھی یہ بُھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ میری ہی خطا تھی اگر بخش دے مجھے
احساس میرا مجھ سے چُھپایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھ بِن رہا ہوں میں تو ادھورا ہی جانِ من
مجھ سے تو گھر بھی اپنا بنایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد تجھے بُھلا نہ سکا ہے سنم کبھی
مجھ سے تو تیرا غم ہی بُھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

مطلع ٹھیک ہے
دنیا کے غم میں ہی میں تو کھویا رہا صنم
دنیا کا غم کبھی بھی بُھلایا نہ جا سکا
پہلا مصرع روانی چاہتا ہے جیسے
دنیا کے غم میں کھویا رہا زندگی تمام
جلتا ہی رہا ہے دیا تیری یاد کا
مجھ سے کبھی دیا یہ بُجھایا نہ جا سکا
پہلا مصرع بحر سے خارج
جلتا رہا ہے روز دیا تیری یاد کا
مجھ سے کبھی دیا یہ بُجھایا نہ جا سکا
یا پھر پہلے مصرع میں 'چراغ ' لانے کی کوشش کریں
ذیل کے سبھی اشعار مفہوم کے اعتبار سے کمزور ہیں
کیسے کہوں تجھے بے وفا تو نہیں تھے تم
مجھ سے ہی تیرا وصل تو پایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بے وفا کی ے گرائی نہیں جاتی
پایا نہ تیرا وصل نہ دنیا ہی مل سکی
دکھ کا خیال بھی یہ بُھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ میری ہی خطا تھی اگر بخش دے مجھے
احساس میرا مجھ سے چُھپایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھ بِن رہا ہوں میں تو ادھورا ہی جانِ من
مجھ سے تو گھر بھی اپنا بنایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد تجھے بُھلا نہ سکا ہے سنم کبھی
مجھ سے تو تیرا غم ہی بُھلایا نہ جا سکا

 

[ارشد چوہدری]

دوبارا
۔۔۔۔۔۔۔۔۔۔۔
دنیا کے غم میں کھویا رہا زندگی تمام
دنیا کا غم کبھی بھی بھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جلتا رہا چراغ تو تیری ہی یاد کا
مجھ سے کبھی دیا یہ بُجھایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیری وفا کا میرا یہ دل بھی گواہ ہے
مجھ سے ہی تیرا وصل تو پایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پایا نہ تیرا وصل نہ دنیا ہی مل سکی
صدمہ یہی تو مجھ سے بھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم بھی بھلا دو میرے خطاؤں کو جانِ من
مجھ سے تو تیرا غم بھی چھپایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھ سے رہا ہوں دور مگر بن نہ سکا کچھ
تیرے بنا تو گھر بھی بنایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد رہا اداس ہی تیرے بنا سدا
مجھ سے تجھے کبھی بھی بھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

ہی، یہ، تو زبردستی داخل کرنے سے بچیں، یہ مشورہ کئی بار دے چکا ہوں لیکن اب بھی یہی سقم نظر آتا ہے
دنیا کے غم میں کھویا رہا زندگی تمام
دنیا کا غم کبھی بھی بھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرا مصرع یوں کر دیں
لیکن اسے مدام بھلایا نہ جا سکا
اس طرح دنیا کا غم کا دہرایا جانا بھی درست ہو جائے گا کبھی بھی بھ میں بھ کی تکرار سے بھی بچا جا سکتا ہے

جلتا رہا چراغ تو تیری ہی یاد کا
مجھ سے کبھی دیا یہ بُجھایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تو سے یہاں بھی بچیں
جلتا رہا چراغ تری یاد کا سدا

تیری وفا کا میرا یہ دل بھی گواہ ہے
مجھ سے ہی تیرا وصل تو پایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تیرا وصال مجھ سے ہی پایا نہ جا سکا

پایا نہ تیرا وصل نہ دنیا ہی مل سکی
صدمہ یہی تو مجھ سے بھلایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بس اک یہی تھا صدمہ بھلایا نہ جا سکا

تم بھی بھلا دو میرے خطاؤں کو جانِ من
مجھ سے تو تیرا غم بھی چھپایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شتر گربہ بھی ہے، بھی بھلا میں بھ کی تکرار بھی اچھی نہیں
تم بھول جاؤ میری ۔۔۔
مجھ سے تمہارا غم ۔۔۔

تجھ سے رہا ہوں دور مگر بن نہ سکا کچھ
تیرے بنا تو گھر بھی بنایا نہ جا سکا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرع بحر سے خارج ہو گیا 'بن نہ کچھ سکا' کر دیں

ارشد رہا اداس ہی تیرے بنا سدا
مجھ سے تجھے کبھی بھی بھلایا نہ جا سکا
۔۔۔۔۔۔۔۔۔۔۔۔۔۔۔۔ روانی کی خاطر
ارشد بہت اداس رہا میں ترے بغیر /بنا
اور دوسرے مصرعے میں مفہوم بدل دیا جائے تو یوں کہیے
تجھ کو بھلا کے چین بھی پایا نہ جا سکا
مختصر یہ کہ میں یہ چاہتا ہوں کہ سبھی مبتدی کاتا اور لے دوڑی کرنے کی بجائے کچھ وقت گزاریں اور خود ہی غور کرتے رہیں کہ کس طرح الفاظ کا استعمال بہتر کیا جا سکتا ہے کہ بھرتی کے الفاظ سے پیچھا چھڑایا جا سکے، کوئی لفظ دونوں مصرعوں میں دہرانے سے بچا جا سکے۔ مجھ سے یہ نہیں ہوتا کہ مکمل شعر تبدیل کر کے اپنا شعر ہی تھوپ دوں!