غزل برائے اصلاح

[ارشد چوہدری]

بحر رمل مثمن مشکول مسکّن ( مفعول فاعلاتن مفعول فاعلاتن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سالوں سے کر رہا تھا ، میں انتظار تیرا
سالوں کے بعد پایا ، ہے یہ پیار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مدہوش ہو گیا ہوں ، تیرا پیار پا کر
سر سے کبھی نہ اُترے ، ایسا خمار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بڑی ہے ظالم ، ہم کو لڑا رہی ہے
داؤ پہ اب لگا ہے ، سارا وقار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کس نے کہا ہے تجھ سے ، میرا پیار جھوٹا
دنیا کی بات سُن کر ، کھویا قرار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرا پیار کیسا ، لے دل کی تُو گواہی
ہونا تو چاہئے دل ، پر اعتبار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرا رہے گا ارشد ، یہ بات تم نہ بھولو
جنّت میں رہ رہا ہوں ، پا کر پیار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

یہ بار بار کہہ چکا ہوں کہ 'پیار' محض 'پار' تقطیع ہوتا ہے پَ یار نہیں۔
سالوں سے کر رہا تھا ، میں انتظار تیرا
سالوں کے بعد پایا ، ہے یہ پیار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دونوں مصرعوں میں 'سالوں' اچھا نہیں یوں کہیں
سالوں سے کر رہا تھا ، میں انتظار تیرا
مدت/عرصے کے بعد پایا میں نے یہ پیار تیرا

مدہوش ہو گیا ہوں ، تیرا پیار پا کر
سر سے کبھی نہ اُترے ، ایسا خمار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرے مصرعے میں بات مکمل نہیں ہوئی ۔یوں بہتر ہو گا
مدہوش ہو گیا ہوں میں تیرا پیار پا کر
سر سے کبھی نہ اُترے ، وہ ہے خمار تیرا

دنیا بڑی ہے ظالم ، ہم کو لڑا رہی ہے
داؤ پہ اب لگا ہے ، سارا وقار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تخاطب کس سے ہے ؟

کس نے کہا ہے تجھ سے ، میرا پیار جھوٹا
دنیا کی بات سُن کر ، کھویا قرار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دونوں مصرعوں میں ربط کے لیے جو، جس وجہ سے وغیرہ جیسے الفاظ ضروری ہیں۔ روانی بھی بہتر نہیں

میرا پیار کیسا ، لے دل کی تُو گواہی
ہونا تو چاہئے دل ، پر اعتبار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دل... پر۔ ٹوٹ گیا نا! روانی بھی الفاظ بدلنے سے بہتر ہو سکتی ہے

تیرا رہے گا ارشد ، یہ بات تم نہ بھولو
جنّت میں رہ رہا ہوں ، پا کر پیار تیرا
... تیرا اور تم؟
پیار تو ہر جگہ پ یار ہی باندھا گیا ہے جو ظاہر ہے کہ غلط ہے

 

[ارشد چوہدری]

استادِ محترم السلام علیکم ؛ سمجھنے کے لئے چند باتیں عرض کر رہا ہو ں تاکہ آئندہ غلطی نہ ہو
1-- میں پیار کو ( پ یا ر ) تقطیع کرتا ہوں یعنی ( ہجہ کوتاہ + ہجہ بلند + ہجہ کوتاہ ) آپ جس طریقے سے تقطیع کرتے ہیں ،وہ بتا دیں تاکہ آئندہ اس طریقے سے تقطیع کروں اور پیار پار ہونے سے بچ جائے ۔
2-- پیار کے ہم وزن دوسرے الفاظ ( حصار ، نثار ، وقار ، قرار وغیرہ ) صحیح تقطیع ہوتے ہیں کیونکہ ان پر آپ نے تنقید نہیں کی۔ہالانکہ وہ بھی اسی طریقے سے تقطیع کرتا ہوں
برائے مہربانی رہنمائی فرمائیں کہ میں کہاں غلطی کر رہا ہوں۔ باقی روانی کے متعلق آپ ٹھیک فرماتے ہیں کہ الفاظ بدلنے سے روانی بہتر ہو سکتی ہے ۔

 

[ارشد چوہدری]

الف عین

 

[الف عین]

پیار کو پار ہی ہونا چاہیے یعنی ہجا بلند، ہجا کوتاہ بر وزن یاد خار۔ عروض کی اصطلاح میں فاع۔ جب کہ آپ فعول کے طور پر کر رہے ہیں

 

[ارشد چوہدری]

شکریہ محترم

 

[ارشد چوہدری]

تصحیح کے بعد دوبارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سالوں سے کر رہا تھا میں انتظار تیرا
عرصے کے بعد پایا میں نے یہ پیار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مدہوش ہو گیا ہوں میں تیرا پیار پا کر
سر سے کبھی نہ اُترے وہ ہے خمار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دنیا بڑی ہے ظالم ہم کو لڑا رہی ہے
دل تو مگر ابھی بھی ہے طرفدار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھٹکا رہی ہے دنیا میرا پے پیار جھوٹا
دنیا کی سُن کے باتیں کھویا قرار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیسا ہے پیار میرا پوچھا کرو یہ دل سے
پورا اگر ہے دل پر تو اعتبار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرا رہے گا ارشد یہ بات تم نہ بھولو
جنّت میں رہ رہا ہوں پایا ہے پیار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

سالوں سے کر رہا تھا میں انتظار تیرا
عرصے کے بعد پایا میں نے یہ پیار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

مدہوش ہو گیا ہوں میں تیرا پیار پا کر
سر سے کبھی نہ اُترے وہ ہے خمار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

دنیا بڑی ہے ظالم ہم کو لڑا رہی ہے
دل تو مگر ابھی بھی ہے طرفدار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ طرفدار وزن میں نہیں آتا
بھٹکا رہی ہے دنیا میرا پے پیار جھوٹا
دنیا کی سُن کے باتیں کھویا قرار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دنیا کا بھٹکانا اور پیار کا جھوٹا ہونا دو الگ الگ باتیں ہیں بے ربط سی

کیسا ہے پیار میرا پوچھا کرو یہ دل سے
پورا اگر ہے دل پر تو اعتبار تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شاید یہی بات اس طرح بہتر کہی جا سکتی ہے
کیسا ہے پیار پوچھو یہ اپنے دل سے
دل پر اگر مکمل ہے اعتبار تیرا

تیرا رہے گا ارشد یہ بات تم نہ بھولو
جنّت میں رہ رہا ہوں پایا ہے پیار تیرا
... کیا یہ مراد ہے کہ پیار پا کر ایسا محسوس ہوتا ہے کہ جیسے جنت میں ہوں؟
تم اور تو کا شتر گربہ تو ہے ہی