غزل برائے اصلاح

[ارشد چوہدری]

بحر - مضارع مثمن اخرب مکفوف محذوف (مفعول فاعلاتُ مفاعیل فاعلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبوب ہے تجھے جو مجھے بھی وہی تو ہے
محبوب نے یہ بات مجھے اب کہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وعدہ کیا تھا تجھ سے نبھائیں گے پیار ہم
میری وفا میں یار کمی کچھ رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے لئے ہے دل نے کہا بے وفا نہیں
تیری وفا کی بات تھی دل نے کہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرے ہے دل میں بات جو کہنا پڑے گی سب
کوئی تو دل میں بات ابھی بھی رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس سے مجھے وفا نہ ملی تو کیا ہوا
باہر گئی نہ بات یہ گھر میں رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد کا پیار چھوڑ کے جانا کہیں نہیں
تیرے لئے سزا بھی تو اس نے سہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

محبوب ہے تجھے جو مجھے بھی وہی تو ہے
محبوب نے یہ بات مجھے اب کہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وہی قافیہ غلط ہے اس میں پیش آتا ہے قافیہ زبر کا متقاضی ہے

وعدہ کیا تھا تجھ سے نبھائیں گے پیار ہم
میری وفا میں یار کمی کچھ رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یار بھرتی کا لفظ ہے
شاید مری وفا میں کمی...

تیرے لئے ہے دل نے کہا بے وفا نہیں
تیری وفا کی بات تھی دل نے کہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرع سمجھ نہیں سکا

تیرے ہے دل میں بات جو کہنا پڑے گی سب
کوئی تو دل میں بات ابھی بھی رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ یہ بھی سمجھ نہیں سکا۔ ابھی بھی کی جگہ اب بھی درست ہے

اس سے مجھے وفا نہ ملی تو کیا ہوا
باہر گئی نہ بات یہ گھر میں رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شاید کیا سوالیہ کو پھر کیا بمعنی did کی طرح فعو باندھا گیا ہے

ارشد کا پیار چھوڑ کے جانا کہیں نہیں
تیرے لئے سزا بھی تو اس نے سہی تو ہے
۔۔۔۔۔۔۔۔۔۔۔۔۔۔۔۔۔۔۔۔ درست
جانا نہیں کہیں زیادہ بہتر نہیں ہو گا؟

 

[ارشد چوہدری]

تبدیلیوں کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اچھی ہے سب سے بات جو امر و نہی تو ہے
یہ ہے خدا کی بات جو میں نے کہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وعدہ کیا تھا تجھ سے نبھائیں پیار ہم
شائد مری وفا میں کمی کچھ رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نکلی ہے دل سے بات کہ وہ بے وفا نہیں
تیری وفا کی بات تھی دل نے کہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہنا پڑے گا تجھ چھپانا نہیں ہے کچھ
تیرے ہے دل میں بات جو اب بھی رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کچھ بھی کہا نہیں ہے جو تجھ سے ملی جفا
باہر گئی نہ بات یہ گھر میں رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد کا پیار چھوڑ کے جانا نہیں کہیں
تیرے لئے ہی اس نے سزا بھی سہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اچھی ہے سب سے بات جو امر و نہی تو ہے
یہ ہے خدا کی بات جو میں نے کہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ردیف دونوں مصرعوں میں بے معنی ہو کر رہ گئی ہے 'تو' استعمال کرنے کے کچھ اصول ہوتے ہیں بات چیت میں، وہی شاعری میں بھی اپنائے جاتے ہیں۔ پوری غزل میں 'تو' اضافی ہی لگتا ہے

وعدہ کیا تھا تجھ سے نبھائیں پیار ہم
شائد مری وفا میں کمی کچھ رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'پیار' پھر فعول ہو گیا ہے شاید میں سمجھا نہیں پایا ہوں کہ کیا، کیاری. پیار، پیاس سب محض کا کاری، پار، پاس تقطیع ہوتے ہیں 'نبھائیں گے پیار' سے درست ہو جائے گا

نکلی ہے دل سے بات کہ وہ بے وفا نہیں
تیری وفا کی بات تھی دل نے کہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

کہنا پڑے گا تجھ چھپانا نہیں ہے کچھ
تیرے ہے دل میں بات جو اب بھی رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔' تجھ کو' لکھنا تھا شاید
دوسرے مصرع میں پہلا 'ہے' زائد ہے ۔ اچھی زبردستی ہے محبوب کے ساتھ، وہ نہیں کہنا چاہےتو!

کچھ بھی کہا نہیں ہے جو تجھ سے ملی جفا
باہر گئی نہ بات یہ گھر میں رہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

ارشد کا پیار چھوڑ کے جانا نہیں کہیں
تیرے لئے ہی اس نے سزا بھی سہی تو ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

 

[ارشد چوہدری]

محترم معذرت خواہ ہوں ۔دونوں جگہ الفاظ لکھنا بھول گیا تھا۔ آئندہ پوسٹ کرنے سے پہلے دوبارہ چیک کر لیا کروں گا۔

 

[ارشد چوہدری]

الف عین

 

[الف عین]

یعنی 'نبھائیں گے' کا 'گے' چھوٹ گیا تھا؟ تب وہ شعر بھی درست ہے
اور 'تجھ کو' والا بھی
لیکن باقی؟