غزل برائے اصلاح

[ارشد چوہدری]

بحر- مضارع مثمن اخرب مکفوف محذوف (مفعول فاعلاتُ مفاعیل فاعلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھ سے مجھے ہے پیار یہ اُس نے کہا مجھے
ہے تجھ پہ اعتبار یہ اُس نے کہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملنا مجھے ہے تم سے ملاقات ہو کبھی
ملنا ہے بار بار یہ اس نے کہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جانا نہ دور مجھ سے ہے موسم بہار کا
دل کو ملا قرار یہ اُس نے کہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھ سے کہا تھا تم نے ملیں گے بہار میں
آئی ہے اب بہار یہ اُس نے کہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری وفا کو تم سے بھلایا نہ جا سکا
کرنا پڑے گا پیار یہ اُس نے کہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاہا کسی کا پیار مگر وہ نہ مل سکا
ہوتے رہے ہیں خوار یہ اُس نے کہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد کسی کے پیار کی لذّت نہ چکھ سکا
کر لو مجھی سے پیار یہ اُس نے کہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

تکنیکی طور پر مکمل درست ہے غزل، مبارک ہو
مفہوم کے اعتبار سے یہ یقینی پتہ نہیں چلتا کہ پہلے مصرع میں بھی جو کہا گیا ہے وہ 'اسی' کا کہنا ہے؟ یا کچھ شاعر کا اپنا بیان بھی ہے؟ جیسے
مجھ سے کہا تھا تم نے ملیں گے بہار میں
آئی ہے اب بہار یہ اُس نے کہا مجھے
آخری تینوں اشعار دو لخت ہیں یا ربط اگر کچھ ہے تو میری رسائی نہیں ہو سکی