غزل برائے اصلاح

[ارشد چوہدری]

افاعیل--مفعول فاعلاتُ مفاعیل فاعلن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اکثر وہ رات بھر ہی جگاتا رہا مجھے
سونے دیا نہ اُس نے ہلاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میرا خدا تو مجھ پہ سدا مہربان تھا
ساری مصیبتوں سے بچاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری وہ چاہتوں کو بھلاتا رہا سدا
میری جفا کی بات سناتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اُس نے کہا تھا مجھ سے وفادار میں نہیں
ایسی ہی بات کر کے ستاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا رہا وفا ہی بھلایا نہیں مجھے
کرتا نہیں تھا بات کھپاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد اسی سے پیار تو کرتا رہا سدا
روٹھا کبھی جو میں تو مناتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

اکثر وہ رات بھر ہی جگاتا رہا مجھے
سونے دیا نہ اُس نے ہلاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وہ ساری ساری رات جگاتا.... بہتر مصرع لگتا ہے

میرا خدا تو مجھ پہ سدا مہربان تھا
ساری مصیبتوں سے بچاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست ، ویسے 'مہرباں رہا' بہتر ہو گا بلکہ اس طرح 'تو' سے بھی دامن بچایا جا سکے گا
مجھ پر ہمیشہ میرا خدا مہرباں رہا

میری وہ چاہتوں کو بھلاتا رہا سدا
میری جفا کی بات سناتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'وہ میری چاہتوں' بہتر نہیں؟

اُس نے کہا تھا مجھ سے وفادار میں نہیں
ایسی ہی بات کر کے ستاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرا مصرع جم نہیں رہا، نکال ہی دیں شعر کو

کرتا رہا وفا ہی بھلایا نہیں مجھے
کرتا نہیں تھا بات کھپاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھپانا محاورے کا مطلب جو میں سمجھتا ہوں اس لحاظ سے غلط استعمال ہے، پتہ نہیں وہاں کیا مطلب لیا جاتا ہے؟

ارشد اسی سے پیار تو کرتا رہا سدا
روٹھا کبھی جو میں تو مناتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مفہوم کے اعتبار سے دو لخت ہے، یوں ہو تو درست
ارشد مجھی سے پیار وہ کرتا رہا سدا
یا
ارشد مجھی کو ٹوٹ کے وہ چاہتا رہا، جو اس سے بھی بہتر ہے

 

[ارشد چوہدری]

تصحیح کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ ساری ساری رات جگاتا رہا مجھے
سونے دیا نہ اس نے ہلاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھ پر ہمیشہ میرا خدا مہرباں رہا
ساری مصیبتوں سے بچاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری وفا کی بات بُھلاتا رہا سدا
میری جفا کی بات سناتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میری وفا پہ شک تو ہمیشہ اسے رہا
ایسی ہی کر کے بات ستاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا رہا وفا ہی بھلایا نہیں کبھی
تُرشی سے کر کے بات جلاتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد مجھی کو ٹوٹ کے وہ چاہتا رہا
روٹھا کبھی جو میں تو مناتا رہا مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔