غزل برائے اصلاح

[ارشد چوہدری]

بحر -- ہزج مثمن سالم (مفاعیلن مفاعیلن مفاعیلن مفاعیلن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے تم یاد آتے ہو بُھلایا جا نہیں سکتا
تماری یاد کو دل سے مٹایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمارے پاس ہوتے تو منا لیتے تمہیں مل کر
بہت ہی دور رہتے ہو منایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبّت کا دیا طوفاں میں بھی جلتا ہی رہتا ہے
ہواؤں سے کبھی اس کو بجایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبّت دل سے اُٹھتی ہے یہ کرنے سے نہیں ہوتی
کسی کے دل میں یہ جذبہ بسایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمارا حق ہے کہنے کا کہو جو کچھ بھی کہنا ہے
کبھی جذبوں کو ایسے دبایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی کی یاد میں انساں کو ہنسنا بھول جاتا ہے
کسی کا غم کبھی دل سے بھلایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سبھی دنیا اگر چاہے کسی کو دے نہیں سکتی
خدا نے جو دیا ہے وہ گھٹایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے تم سے محبّت ہے یہ کہتا ہے تجھے ارشد
تمارے پیار کو دل سے چرایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[ارشد چوہدری]

الف عین

 

[الف عین]

مجھے تم یاد آتے ہو بُھلایا جا نہیں سکتا
تماری یاد کو دل سے مٹایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ایک ہی بات ہے مطلع کے دونوں مصرعوں میں

ہمارے پاس ہوتے تو منا لیتے تمہیں مل کر
بہت ہی دور رہتے ہو منایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک ہے لیکن منانا دونوں مصرعوں میں دہرایا جانا اچھا نہیں لگتا
تمہیں مل کر سے بات واضح نہیں ہوتی 'تم سے' کا محل ہے

محبّت کا دیا طوفاں میں بھی جلتا ہی رہتا ہے
ہواؤں سے کبھی اس کو بجایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بجایا یا بجھایا؟ ٹھیک ہے شعر

محبّت دل سے اُٹھتی ہے یہ کرنے سے نہیں ہوتی
کسی کے دل میں یہ جذبہ بسایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

تمارا حق ہے کہنے کا کہو جو کچھ بھی کہنا ہے
کبھی جذبوں کو ایسے دبایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔دوسرا مصرع بحر سے خارج

کسی کی یاد میں انساں کو ہنسنا بھول جاتا ہے
کسی کا غم کبھی دل سے بھلایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کسی کی یاد میں انسان ہنسنا بھول جاتا ہے
بہتر ہو گا

سبھی دنیا اگر چاہے کسی کو دے نہیں سکتی
خدا نے جو دیا ہے وہ گھٹایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پہلا مصرع واضح بھی نہیں اور رواں بھی نہیں

مجھے تم سے محبّت ہے یہ کہتا ہے تجھے ارشد
تمارے پیار کو دل سے چرایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔ چرایا؟ لیکن بھلایا سے تمہارا پسندیدہ مضمون ہو جائے گا، کچھ اور سوچیں یا مقطع ہی بدل دیا جائے

 

[ارشد چوہدری]

تصحیح کے بعد
۔۔۔۔۔۔۔۔۔۔۔۔۔۔۔۔۔۔۔۔
مجھے تم یاد آتے ہو بھلایا جا نہیں سکتا
ہمیں جو غم ملا ہے دِکھایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہمارے پاس ہوتے تو کسی صورت منا لیتے
یہاں سے دور ہو اتنی کہ جایا جا نہیں سکتا یا (پرائے دیس رہتے ہو کہ جایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبّت کا دیا طوفاں میں بھی جلتا ہی رہتا ہے
ہواؤں سے کبھی اس کو بُجھایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محبّت دل سے اُٹھتی ہے یہ کرنے سے نہیں ہوتی
کسی کے دل میں یہ جذبہ بسایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمارا حق ہے کہنے کا کہو جو کچھ بھی کہنا ہے
کسی کی سوچ پر پہرہ بٹھایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمارا رب نہ چاہے تو یہ دنیا دے نہیں سکتی
خدا نے جو دیا ہے وہ گھٹایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کسی کی یاد میں انسان ہنسنا بھول جاتا ہے
کسی کا غم کبھی دل سے بھلایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تماری یاد ارشد کے ہمیشہ دل میں رہتی ہے
کسی اور کو تو اس دل میں بسایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

مجھے تم یاد آتے ہو بھلایا جا نہیں سکتا
ہمیں جو غم ملا ہے دِکھایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'وہ دکھایا جا ....،' سے وزن میں آتا ہے لیکن شتر گربہ ہے، مجھے/ہمیں میں
شعر دو لخت بھی لگتا ہے، غم دکھانا بھی محاورے کے خلاف ہے

ہمارے پاس ہوتے تو کسی صورت منا لیتے
یہاں سے دور ہو اتنی کہ جایا جا نہیں سکتا یا (پرائے دیس رہتے ہو کہ جایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جایا جا؟ اچھا نہیں

محبّت کا دیا طوفاں میں بھی جلتا ہی رہتا ہے
ہواؤں سے کبھی اس کو بُجھایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

محبّت دل سے اُٹھتی ہے یہ کرنے سے نہیں ہوتی
کسی کے دل میں یہ جذبہ بسایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹھیک

تمارا حق ہے کہنے کا کہو جو کچھ بھی کہنا ہے
کسی کی سوچ پر پہرہ بٹھایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

تمارا رب نہ چاہے تو یہ دنیا دے نہیں سکتی
خدا نے جو دیا ہے وہ گھٹایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ میرے خیال میں پہلے مصرع میں جو کہنا چاہ رہے ہیں وہ اس طرح ادا ہو سکتا ہے
تمہارا رب نہ چاہے تو کوئی کچھ دے نہیں سکتا
مگر دوسرے مصرعے میں گھٹایا کا قافیہ اس وقت درست ہو گا جب کچھ یوں ہو
بڑھا کر دے جو وہ، اس کو گھٹایا......
حالانکہ یہ صورت بھی مجھے پسند نہیں

کسی کی یاد میں انسان ہنسنا بھول جاتا ہے
کسی کا غم کبھی دل سے بھلایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ 'کسی کا' دونوں مصرعوں میں اچھا نہیں
وہ غم جو دل میں گھر کر لے، بھلایا.....

تماری یاد ارشد کے ہمیشہ دل میں رہتی ہے
کسی اور کو تو اس دل میں بسایا جا نہیں سکتا
۔۔۔۔۔۔۔۔۔۔۔۔۔۔۔۔۔۔۔۔۔۔ کسی ' ارکو' اچھا نہیں لگتا
کسی کو اور اب دل میں..... بہتر ہو گا