غزل برائے اصلاح

[ارشد چوہدری]

بحر -- جمیل مربع سالم (مفاعلاتن مفاعلاتن )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تجھے میں دوں گا پیار جتنا
نہیں ملے گا کہیں بھی اتنا
۔۔۔۔۔۔۔۔۔۔۔۔۔۔۔۔۔۔۔۔۔۔
کبھی جو دیکھا تھا خواب تم نے
کروں گا پورا وہ میں ہی سپنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھے ہے اب تک وہ یاد سب کچھ
حیا سے جا کے وہ تیرا چھپنا
۔۔۔۔۔۔۔۔۔۔۔۔۔۔۔۔۔۔۔۔۔
صدا تماری میں سُن رہا ہوں
اسی کو کہتے ہیں کان بجنا
۔۔۔۔۔۔۔۔۔۔۔۔۔۔۔۔۔۔۔۔۔
تجھے میں اپنا سمجھ رہا ہوں
وفا سے پیچھے نہ تم بھی ہٹنا
۔۔۔۔۔۔۔۔۔۔۔۔۔۔۔۔۔۔۔۔
تجھے بھی آئے گی یاد میری
پڑیں گے تارے تمہیں بھی گننا
۔۔۔۔۔۔۔۔۔۔۔۔۔۔۔۔۔۔۔۔۔۔
مجھے ہے اب تھ بھی یاد ارشد
وہ آ کے مجھ سے کبھی لپٹنا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[سید عاطف علی]

تجھے میں دوں گا پیار جتنا

چوہدری صاحب آپ جتنا بھی پیار دیں ، اس پیار پر ضرور گرفت ہو گی ۔
دوسرے یہ کہ قافیہ کمزور ہے ۔
تیسرے یہ کہ شتر گربگی غالب ہے ۔

 

[فاخر]

چوہدری صاحب آپ جتنا بھی پیار دیں ، اس پیار پر ضرور گرفت ہو گی ۔

پیار کا تو یہی تقاضا ہے کہ اس پر گرفت نہ کی جائے ؛بلکہ ’’بک رہا ہے جنوں میں کیا کیا کچھ ‘‘ کے مصداق صرف نظر کرنی چاہیے۔البتہ نصیحتِ مشفقانہ کرنی چاہیے ۔چودھری صاحب کا عشق ’’اردو غزل ‘‘ ہے ؛ اس لیے مشفقانہ نصیحت نہیں ؛بلکہ ہدایت کرنی چاہیے ۔
بھائی! کچھ تو عمر کا لحاظ کرنا ہوگا اور وہ ہمارے بڑے بھی ہیں ۔

 

[سید عاطف علی]

پیار کا تو یہی تقاضا ہے کہ اس پر گرفت نہ کی جائے ؛بلکہ ’’بک رہا ہے جنوں میں کیا کیا کچھ ‘‘ کے مصداق صرف نظر کرنی چاہیے۔البتہ نصیحتِ مشفقانہ کرنی چاہیے ۔چودھری صاحب کا عشق ’’اردو غزل ‘‘ ہے ؛ اس لیے مشفقانہ نصیحت نہیں ؛بلکہ ہدایت کرنی چاہیے ۔
بھائی! کچھ تو عمر کا لحاظ کرنا ہوگا اور وہ ہمارے بڑے بھی ہیں ۔

بھئی یہ پیار جنون تک تب ہی پہنچتا ہے جب اس پر ہر طرف سے گرفت ہوتی ہے۔اور تب ہی جاکر یہ صف نظر کیے جانے کا مستحق ہوتا ہے ۔

 

[الف عین]

عاطف بھائی نے ویسے بھی ارشد صاحب کی بزرگی کے لحاظ میں قافیے کو محض کمزور کہا ہے۔ میں تو کہتا ہوں کہ قافیہ ہے ہی نہیں! اس لیے مزید اصلاح کی ضرورت نہیں سمجھتا۔ قافیہ درست کر کے دوبارہ کہیں

 

[ارشد چوہدری]

تبدیلیوں کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمہیں میں عزّت وقار دوں گا
سدا ہی تجھ کو پیار دوں گا
-----
رکھوں گا تم کو میں دور غم سے
تمہیں میں خوشیاں ہزار دوں گا
--------
ہوں آج تیرا رہوں گا کل بھی
تجھے میں دل کا قرار دوں گا
-----------
رہے گا تجھ کو نہ ڈر بھی کوئی
میں اس طرح کا حصار دوں گا
------------
چلو گے تم بھی اُٹھا کے سر کو
تجھے میں اتنا وقار دوں گا
---------------
نثار تجھ پر یہ دل ہے میرا
یہ جان بھی تجھ پہ وار دوں گا
---------


مطلع اس طرح بھی ہو سکتا ہے
۔۔۔۔۔۔۔۔۔۔۔۔۔۔۔۔۔۔۔
تجھے ہمیشہ میں پیار دوں گا
میں زندگی کو سنوار دوں گا
یہی ہے ارشد کا تجھ سے وعدہ
تجھے میں پورا نکھار دوں گا
-----------

 

[ارشد چوہدری]

الف عین

 

[الف عین]

تمہیں میں عزّت وقار دوں گا
سدا ہی تجھ کو پیار دوں گا
----- پیار کا تلفظ ؟ اتنی گفتگو کے بعد بھی!

رکھوں گا تم کو میں دور غم سے
تمہیں میں خوشیاں ہزار دوں گا
-------- شتر گربہ

ہوں آج تیرا رہوں گا کل بھی
تجھے میں دل کا قرار دوں گا
----------- درست

رہے گا تجھ کو نہ ڈر بھی کوئی
میں اس طرح کا حصار دوں گا
------------ رہے گا تجھ کو نہ خوف کوئی
میں تجھ کو ایسا حصار.... بہتر ہو گا

چلو گے تم بھی اُٹھا کے سر کو
تجھے میں اتنا وقار دوں گا
--------------- شتر گربہ

نثار تجھ پر یہ دل ہے میرا
یہ جان بھی تجھ پہ وار دوں گا
--------- درست

مطلع اس طرح بھی ہو سکتا ہے
۔۔۔۔۔۔۔۔۔۔۔۔۔۔۔۔۔۔۔
تجھے ہمیشہ میں پیار دوں گا
میں زندگی کو سنوار دوں گا
.... وہی پَ یار کی غلطی

یہی ہے ارشد کا تجھ سے وعدہ
تجھے میں پورا نکھار دوں گا
----------- پورا کس طرح؟