غزل برائے اصلاح

[ارشد چوہدری]

افاعیل ---مفعول فاعلاتن مفعول فاعلاتن)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یہ زندگی ہماری ہے ہو جہاد جیسے
بے دین بن کے جینا تو ہے فساد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوتے ہیں لوگ دشمن نیکوں کے اس طرح سے
آباء میں ہو ان کے ابنِ زیاد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔
کردار کی حفاظت کرنی پڑے گی ایسے
بد کاری سے تمہیں ہو کوئی عناد جیسے
۔۔۔۔۔۔۔۔۔۔۔۔۔۔۔۔۔۔
کرتے رہو ہمیشہ لوگوں کے ساتھ نیکی
وہ ساتھ دیں گے تیرا اُن کا مفاد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتے رہو ہمیشہ رب کا شکر ہی ارشد
کرتے ہیں لوگ پا کر کوئی مراد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

۔یہ زندگی ہماری ہے ہو جہاد جیسے
بے دین بن کے جینا تو ہے فساد جیسے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔ 'ہے ہو' اور 'تو' کی وجہ سے روانی متاثر ہے.۔ یوں کر دیں
یہ زندگی ہماری ہو اک جہاد جیسے
بے دین بن کے جینا بھی ہے فساد جیسے

ہوتے ہیں لوگ دشمن نیکوں کے اس طرح سے
آباء میں ہو ان کے ابنِ زیاد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔ واہ. اچھا شعر ہے
پہلے مصرع میں الفاظ کی نشست الٹ دیں تو شاید بہتر ہو

کردار کی حفاظت کرنی پڑے گی ایسے
بد کاری سے تمہیں ہو کوئی عناد جیسے
۔۔۔۔۔۔۔۔۔۔۔۔۔۔۔۔۔۔ ایسے جیسے قافیے کا احساس دلانے ہیں الفاظ کی نشست بدل دیں

کرتے رہو ہمیشہ لوگوں کے ساتھ نیکی
وہ ساتھ دیں گے تیرا اُن کا مفاد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شتر گربہ ہے

کرتے رہو ہمیشہ رب کا شکر ہی ارشد
کرتے ہیں لوگ پا کر کوئی مراد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شکر کا تلفظ غلط باندھا ہے
رب کا ہی شکر

 

[سفیر آفریدی]

کرتے ہیں پاکر لوگ مراد جیسے

 

[ارشد چوہدری]

تبدیلیوں کے بعد
۔۔۔۔۔۔۔۔۔۔۔۔۔۔۔۔۔۔۔۔۔
یہ زندگی ہماری ہو اک جہاد جیسے
بے دین بن کے جینا بھی ہے فساد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیکوں کے اس طرح سے ہوتے ہیں لوگ دشمن
آباء میں ہو اُن کے ابنِ زیاد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرنا پڑے گی ایسے کردار کی حفاظت
بکاری سے تمہیں ہو کوئی عناد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتے رہو اگر تم لوگوں کے ساتھ نیکی
ہوں گے وہ ساتھ ایسے ان کا مفاد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رب کا شکر ہی ارشد کرتے رہو ہمیشہ
کرتے ہیں لوگ پا کر کوئی مراد جیسے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

باقی تو درست ہو گئی ہے غزل
آخری شعر میں بات سمجھ نہیں سکے شاید
اب بھی شکر شُ کَ ر تقطیع ہو رہا ہے
کرتے رہو ہمیشہ رب کا شکر ہی ارشد
کو میں نے یوں تبدیل کرنے کا مشورہ دیا تھا
کرتے رہو ہمیشہ رب کا ہی شکر ارشد
لیکن اب دیکھ رہا ہوں کہ یہ شعر بھی دوسرے مصرعے کی وجہ سے واضح نہیں

 

[ارشد چوہدری]

محترم استاد جی --اگر مقطع کو اس طرح کر دوں تو ،کیا ٹھیک رہے گا
لازم ہے شکر رب کا تم پر سدا ہی ارشد
کرتے رہے ہمیشہ رب کے عباد جیسے

 

[ارشد چوہدری]

الف عین

 

[الف عین]

کرتے رہو ہمیشہ؟ درست ہے شعر