غزل برائے اصلاح

[ارشد چوہدری]

افاعیل -- مفعول فاعلاتن مفعول فاعلاتن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاتا نہیں ہے میرے دل سے خیال تیرا
میں جانتا ہوں ہے اب ملنا محال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا ہوں بند آنکھیں آتا ہے سامنے تُو
بُھولا نہیں ہوں اب تک میں تو جمال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں چاہ کر بھی اب تک بھولا نہیں ہوں تم کو
میرا نہیں ہے کچھ بھی ، ہے یہ کمال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چھوڑی نہیں ہے میں نے تیری تلاش اب بھی
پانا میں چاہتا ہوں اب بھی وصال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم مختلف تھے سب سے دنیا ہے میں نے دیکھی
دیکھا نہیں کسی میں جو تھا خصال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد بھلا نہ پایا تجھ کو کبھی بھی دل سے
کرتا ہے دل ہمیشہ مجھ سے سوال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

جاتا نہیں ہے میرے دل سے خیال تیرا
میں جانتا ہوں ہے اب ملنا محال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جاتا نہیں ہے دل سے میرے...
.... اب ہے ملنا محال....
بہتر ہو گا

کرتا ہوں بند آنکھیں آتا ہے سامنے تُو
بُھولا نہیں ہوں اب تک میں تو جمال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تو، بھی سے چھٹکارا پا لیں جلد ہی
حسن و جمال تیرا.. کہنے میں کیا حرج ہے ؟

میں چاہ کر بھی اب تک بھولا نہیں ہوں تم کو
میرا نہیں ہے کچھ بھی ، ہے یہ کمال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ شتر گربہ ہے، قافیہ بھی زبردستی کا لگتا ہے

چھوڑی نہیں ہے میں نے تیری تلاش اب بھی
پانا میں چاہتا ہوں اب بھی وصال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔' اب بھی' کم از کم ایک جگہ سے ہٹا دیا جائے

تم مختلف تھے سب سے دنیا ہے میں نے دیکھی
دیکھا نہیں کسی میں جو تھا خصال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ واضح نہیں

ارشد بھلا نہ پایا تجھ کو کبھی بھی دل سے
کرتا ہے دل ہمیشہ مجھ سے سوال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست لیکن ایک ہی بات بار بار اچھی نہیں لگتی

 

[ارشد چوہدری]

تبدیلیوں کے بعد دوبارا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاتا نہیں ہے دل سے میرے خیال تیرا
میں جانتا ہوں اب ہے ملنا محال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رہتی ہے یاد تیری میرے سدا ہی دل میں
بُھولا نہیں ہوں اب تک حُسن و جمال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاہا تھا بُھول جاؤں ، ایسا نہ کر سکا میں
ہے زندگی میں میری ہردم اکال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیری تلاش میری ہے زندگی کا مقصد
پانا میں چاہتا ہوں اب بھی وصال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔
مانا حسیں بہت ہیں تجھ سا نہیں ہے کوئی
دیکھا نہیں کسی میں جو تھا خصال تیرا
۔۔۔۔۔۔۔۔۔۔۔۔۔۔۔۔۔۔۔۔۔
آ جا کہ یاد تیری مجھ کو ستا رہی ہے
کرتا ہے دل ہمیشہ مجھ سے سوال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاتے ہیں جو بھی ارشد آتے نہیں کبھی بھی
اُس کو کو کیا خبر ہے ، ہو جو بھی حال تیرا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

باقی تو درست ہے لیکن یہ
جاتے ہیں جو بھی ارشد آتے نہیں کبھی بھی
اُس کو کو کیا خبر ہے ، ہو جو بھی حال تیرا
دو لخت لگتا ہے دوسرے مصرعے میں فنی غلطی سے قطع نظر کر کے بھی، دونوں کو الگ الگ مصرع سمجھتے ہوئے اس طرح درست ہوں گے
جاتے ہیں جو بھی ارشد آتے نہیں کبھی وہ
یا
اک بار جا کے ارشد آتا نہیں ہے کوئی

اُس کو بھی ہے خبر کیا ، ہو جو بھی حال تیرا
یا
اب اس کو تجھ سے مطلب. ہو جو.....