غزل برائے اصلاح

[ارشد چوہدری]

افاعیل -- مفعول فاعلاتن مفعول فالاتن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو بات راز میں ہو کہنا نہ وہ کسی سے
سیکھی ہے بات میں نے لوگوں کی زندگی سے
---------------
تم کو خدا ملے گا کرتے رہو عبادت
رب کی رضا ملے گی تم کو تو بندگی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دُکھتا ہو دل کسی کا ایسی کرو نہ باتیں
ناراض ہو گا رب بھی ایسے ہی دل لگی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں ہوں فقیر رب کا رہنا مجھے ہے ایسا
میرے لئے ہے بہتر دنیا کی کیسری سے
---------------
اپنے نبی کی خاطر اپنی میں جان دے دوں
یا رب مجھے بچانا دنیا میں بزدلی سے
-----------------
اپنے میں دل کی باتیں شعروں میں کہہ رہا ہوں
کرتا ہوں یاد رب کو ایسے میں شاعری سے
------------
مطلوب مجھ کو تُو ہے رکھتا ہوں یاد تجھ کو
رکھنا ہی دور مجھ کو یا رب تُو خود سری سے
--------------
اپنا گدا بنا لے ارشد کو اے خدایا
رکھنا بچا کے اُس کو بندوں کی چاکری سے
---------------
نوٹ ۔۔محترم ، مجھے یاد نہیں کہ ( کیسری ) اس طرح ٹھیک ہے یا (قیصری ) پلیز تصحیح کر دیں

 

[ارشد چوہدری]

الف عین

 

[فلسفی]

جو بات راز میں ہو کہنا نہ وہ کسی سے
سیکھی ہے بات میں نے لوگوں کی زندگی سے

جو بات راز کی ہو کہنا نہ وہ کسی سے
شاید درست ہے۔

نوٹ ۔۔محترم ، مجھے یاد نہیں کہ ( کیسری ) اس طرح ٹھیک ہے یا (قیصری ) پلیز تصحیح کر دیں

قَیصَری، بمعنی بادشاہت درست لفظ ہے۔

 

[فاخر]

کیسری

چاچو!
کیسری کے معنی ہندی میں زعفرانی رنگ کے ہوتے ہیں سنسکرت اور ہندی میں زعفرانی رنگ کو ’’کیسری‘‘(kesree) بولتے ہیں ۔ لیکن آپ نے ’’قیصری‘‘ کے معنی میں ’’کیسری‘‘ لکھا ہے ؛اس لیے یہ لفظ ’’قیصری‘‘ہے ۔

 

[فاخر]

اپنے نبی کی خاطر اپنی میں جان دے دوں
یا رب مجھے بچانا دنیا میں بزدلی سے

بہت ہی خوبصورت !!!!!!!!!!!!!! اللہ قبول فرمائے آمین ثم آمین ۔

 

[الف عین]

و بات راز میں ہو کہنا نہ وہ کسی سے
سیکھی ہے بات میں نے لوگوں کی زندگی سے
--------------- فلسفی کا درست مشورہ ہے

تم کو خدا ملے گا کرتے رہو عبادت
رب کی رضا ملے گی تم کو تو بندگی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوسرے مصرعے میں رب کی بجائے 'اس' کی بہتر ہو گا

دُکھتا ہو دل کسی کا ایسی کرو نہ باتیں
ناراض ہو گا رب بھی ایسے ہی دل لگی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بے وجہ دل لگی سے' کیسا رہے گا؟

میں ہوں فقیر رب کا رہنا مجھے ہے ایسا
میرے لئے ہے بہتر دنیا کی کیسری سے
--------------- قیصری سے کیا بہتر ہے یہ تو واضح نہیں ہو سکا! پہلے مصرع میں بھی' ایسا' کی وضاحت نہیں

اپنے نبی کی خاطر اپنی میں جان دے دوں
یا رب مجھے بچانا دنیا میں بزدلی سے
----------------- درست

اپنے میں دل کی باتیں شعروں میں کہہ رہا ہوں
کرتا ہوں یاد رب کو ایسے میں شاعری سے
------------ میں اپنے دل کی..... .بہتر ہے
دوسرے میں الفاظ بدلیں

مطلوب مجھ کو تُو ہے رکھتا ہوں یاد تجھ کو
رکھنا ہی دور مجھ کو یا رب تُو خود سری سے
-------------- دوسرا مصرع واضح نہیں

اپنا گدا بنا لے ارشد کو اے خدایا
رکھنا بچا کے سے س کو بندوں کی چاکری سے
... درست

 

[ارشد چوہدری]

بہت ہی خوبصورت !!!!!!!!!!!!!! اللہ قبول فرمائے آمین ثم آمین ۔

فاخر بیٹے پسندیدگی او اصلاح کا شکریہ ۔میں نے پہلے ( قیصری ) لکھا ۔ بعد میں ایران کے بادشاہ کسری کی وجہ سے کنفیوض ہو گیا ۔ الف عین صاحب نے ابھی نہیں دیکھی ۔شائد کوئی اور بھی غلطیاں ہوں۔ برائے مہربانی آئندہ بھی میرے ٹوٹے پھوٹے الفاظ کو دیکھتے رہیں ۔آپ سب دوستوں کی محبْت کا شکریہ ۔

 

[ارشد چوہدری]

اصلاح کے بعد
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جو بات راز کی ہو کہنا نہ وہ کسی سے
سیکھی ہے بات میں نے لوگوں کی زندگی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم کو خدا ملے گا کرتے رہو عبادت
اُس کی رضا ملے گی تم کو تو بندگی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔
دُکھتا ہو دل کسی کا ایسی کرو نہ باتیں
ناراض ہو گا رب بھی بے وجہ دل لگی سے
۔۔۔۔۔۔۔۔۔۔۔۔۔۔۔۔۔۔۔۔۔۔
میں ہوں فقیر رب کا رکھے فقیراپنا
میرے لئے فقیری بہتر ہے قیصری سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنے نبی کی خاطر اپنی میں جان دے دوں
یا رب مجھے بچانا دنیا میں بزدلی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں اپنے دل کی باتیں شعروں میں کہہ رہا ہوں
میں چاہتا نہیں ہوں تعریف تو کسی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مطلوب مجھ کو تُو ہے رکھتا ہوں یاد تجھ کو
رکھنا ہی دور مجھ کو غیروں کی دوستی سے
۔۔۔۔۔۔۔۔۔۔۔۔۔۔۔۔۔۔۔۔۔۔۔
اپنا گدا بنا لے ارشد کو اے خدایا
رکھنا بچا کے اُس کو بندوں کی چاکری سے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

میں ہوں فقیر رب کا رکھے فقیراپنا
میرے لئے فقیری بہتر ہے قیصری سے
...... تین بار فقیر کا استعمال اچھا نہیں لگتا
اے میرے رب بنا لے مجھ کو فقیر اپنا
یا کوئی اور مصرع بہتر ہو گا

میں چاہتا نہیں ہوں تعریف تو کسی سے
۔۔۔ تو بھرتی کا بھی ہے اور مکمل فع کے وزن پر بھی

مطلوب مجھ کو تُو ہے رکھتا ہوں یاد تجھ کو
رکھنا ہی دور مجھ کو غیروں کی دوستی سے
۔۔۔۔۔۔۔۔۔۔۔۔ اب بھی تین الگ الگ مفاہیم ہیں
مطلوب....
رکھتا ہوں یاد...
دور رکھنا غیروں کی.....
اس شعر کو نکال ہی دیں