غزل برائے اصلاح

[ارشد چوہدری]

افاعیل -- مفعول فاعلاتن مفعول فاعلاتن
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتا نہیں ہے جا کے جیسے کبھی بھی پانی
آئے کبھی نہ ایسے ہی لوٹ کر جانی (آتی نہیں پلٹ کر ایسے کبھی جوانی )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا ہوں یاد تجھ کو آ جا کبھی پلٹ کر
موسم حسیں ہے کتنا اور رات ہے سہانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتا ہے یاد مجھ کو تیرا وہ آ کے ملنا
دہرا دیں پھر سے مل کر بچپن کی وہ کہانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم نے دیا تھا مجھ کو رومال ریشمی جو
اب تک ہے پاس میرے وہ پیار کی نشانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھ کو ہے پیار تجھ سے وہ آج بھی پُرانا
مجھ کو ہیں یاد اب بھی باتیں وہ سب پُرانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے انتظار تیرا تجھ کو بُلا رہا ہوں
آ جا اگر ہے تجھ کو وہ دوستی نبھانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد بُھلا نہ پایا تجھ کو کبھی بھی دل سے
تجھ سے ہی چاہتا ہے شادی وہ پھر رچانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

الف عین

 

[الف عین]

آتا نہیں ہے جا کے جیسے کبھی بھی پانی
آئے کبھی نہ ایسے ہی لوٹ کر جانی (آتی نہیں پلٹ کر ایسے کبھی جوانی )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نل کا پانی تو روزانہ وقت مقررہ پر آ جاتا ہے! اس پانی کی تعریف define کی جائے تو درست ہو گا

کرتا ہوں یاد تجھ کو آ جا کبھی پلٹ کر
موسم حسیں ہے کتنا اور رات ہے سہانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کبھی پلٹ کر اچھا نہیں لگتا، لفظ بدل کر دیکھیں
دوسرا بھی
موسم ہے خوبصورت اور رات بھی سہانی
بہتر ہو گا اگرچہ ر۔ر کی تکرار ہے

آتا ہے یاد مجھ کو تیرا وہ آ کے ملنا
دہرا دیں پھر سے مل کر بچپن کی وہ کہانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

تم نے دیا تھا مجھ کو رومال ریشمی جو
اب تک ہے پاس میرے وہ پیار کی نشانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

مجھ کو ہے پیار تجھ سے وہ آج بھی پُرانا
مجھ کو ہیں یاد اب بھی باتیں وہ سب پُرانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ درست

ہے انتظار تیرا تجھ کو بُلا رہا ہوں
آ جا اگر ہے تجھ کو وہ دوستی نبھانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ دوستی نبھانے کا تعلق انتظار اور بلانے سے؟

ارشد بُھلا نہ پایا تجھ کو کبھی بھی دل سے
تجھ سے ہی چاہتا ہے شادی وہ پھر رچانی
۔۔۔۔۔۔ بڑھاپے میں دوسری شادی؟
پھر رچانی سے ظاہر ہوتا ہے کہ ایک بار شادی ہو چکی ہے! پھر کیا طلاق ہو گئی؟
مذاق کی باتوں کا برا نہیں مانتا!

 

[الف عین]

ٹیگ کے لیے ایک علیحدہ مراسلے کی ضرورت نہیں، غزل کے متن میں ہی شروع یا آخر میں کر دیا کریں
مراسلات کی تعداد دوگنی کرنا مقصد ہو تو بات دوسری ہے!

 

[ارشد چوہدری]

تصحیح کے بعد الف عین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتا نہیں ہے جا کے جیسے ندی کا پانی
آئے کبھی نہ ایسے ہی لوٹ کر جوانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا ہوں یاد تجھ کو اور منتظر ہیں آنکھیں
موسم ہے خوبصورت اور رات بھی سہانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتا ہے یاد مجھ کو تیرا وہ آ کے ملنا
دُہرا دیں پھر سے مل کر بچپن کی وہ کہانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم نے دیا تھا مجھ کو رومال ریشمی جو
اب تک ہے پاس میرے وہ پیار کی نشانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھ کو ہے پیار تجھ سے وہ آج بھی پُرانا
مجھ کو ہیں یاد اب بھی باتیں وہ سب پُرانی
۔۔۔۔۔۔۔۔۔۔۔۔۔۔۔۔۔۔۔۔۔۔۔
میں منتظر ہوں جس کا آئے گا وہ کبھی تو
آ جا اگر ہے تجھ کو وہ دوستی نبھانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد بُھلا نہ پایا تجھ کو کبھی بھی دل سے
تجھ سے ہی چاہتا ہے شادی وہ اب رچانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
( مقطع یوں بھی ہو سکتا ہے )
تجھ بِن اداس ارشد رہتا ہے آ کے دیکھو
ہے حال جو بھی اُس کا کہتا نہیں زبانی
یا
ارشد بُھلا نہ پایا تجھ کو کبھی بھی دل سے
مجھ کو ستا نہ ایسے آ جا تُو دل کے جانی
یا
ارشد بُھلا نہ پایا تجھ کو کبھی بھی دل سے
آ جا تُو اِس سے پہلے میت پڑے اُٹھانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

[ارشد چوہدری]

تصحیح کے بعد الف عین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتا نہیں ہے جا کے جیسے ندی کا پانی
آئے کبھی نہ ایسے ہی لوٹ کر جوانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرتا ہوں یاد تجھ کو اور منتظر ہیں آنکھیں
موسم ہے خوبصورت اور رات بھی سہانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتا ہے یاد مجھ کو تیرا وہ آ کے ملنا
دُہرا دیں پھر سے مل کر بچپن کی وہ کہانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تم نے دیا تھا مجھ کو رومال ریشمی جو
اب تک ہے پاس میرے وہ پیار کی نشانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجھ کو ہے پیار تجھ سے وہ آج بھی پُرانا
مجھ کو ہیں یاد اب بھی باتیں وہ سب پُرانی
۔۔۔۔۔۔۔۔۔۔۔۔۔۔۔۔۔۔۔۔۔۔۔
میں منتظر ہوں جس کا آئے گا وہ کبھی تو
آ جا اگر ہے تجھ کو وہ دوستی نبھانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ارشد بُھلا نہ پایا تجھ کو کبھی بھی دل سے
تجھ سے ہی چاہتا ہے شادی وہ اب رچانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
( مقطع یوں بھی ہو سکتا ہے )
تجھ بِن اداس ارشد رہتا ہے آ کے دیکھو
ہے حال جو بھی اُس کا کہتا نہیں زبانی
یا
ارشد بُھلا نہ پایا تجھ کو کبھی بھی دل سے
مجھ کو ستا نہ ایسے آ جا تُو دل کے جانی
یا
ارشد بُھلا نہ پایا تجھ کو کبھی بھی دل سے
آ جا تُو اِس سے پہلے میت پڑے اُٹھانی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

محترم ۔۔میں مذاق کی بات کا بُرا نہیں مناتا بلکہ میں سمجھتا ہوں کہ مذاق سے تعلق ،انڈر سٹینڈنگ ،فرینکنیس اور باہمی ربط زیادہ مضبوط ہوتا ہے۔ اُستاد شاگرد کا رشتہ اپنی جگہ۔ ویسے بھی اس قسم کی شاعری میں حقیقت تو ہے نہیں یہ تو لفظوں کا کھیل ہے ۔ باقی رہی حقیقت ،تو حقیقت یہ ہے کہ ایک ہی کھونٹے سے بندھے ساری عمر گزار دی ۔ وہی شریکِ حیات بھی ہے کزن بھی ہے دوست ،ہمدرد اور غمگساربھی ہے۔ اُسی سے پیار کیا اور اُسی عزّت بھی کی،ہاں البتہ بچپن کی ایک دوستی بہت یاد آتی ہے۔۔جس کو وہ بھی جانتی ہے کہ میرے ساتھ کتنی مخلص تھی۔بلکہ ایک دن مذاق میں کہہ بیٹھا کہ جنّت میں تمہارے علاوہ مانگوں گا تو اُسکو۔اس بات پر اس نے غصْہ کر لیا کہ کیا میری محبّت اور قربانیوں میں کوئی کمی رہی ہے جو اب بھی اُس کو یاد کرتے ہو تو اُس کو دکھی دیکھ کر معذرت بھی کی اور آئندہ اس کے سامنے اسے یاد نہیں کیا۔ آپ نے آج چھیڑا ہے تو کچھ آپ بیتی شیئر کر لی ہے

 

[الف عین]

آئے کبھی نہ ایسے ہی لوٹ کر جوانی
کی بہ نسبت یہ بہتر نہیں؟
آتی نہیں ہے ایسے ہی لوٹ کر جوانی

میں منتظر ہوں جس کا آئے گا وہ کبھی تو
آ جا اگر ہے تجھ کو وہ دوستی نبھانی
اب بھی دو لخت لگ رہا ہے

تجھ بِن اداس ارشد رہتا ہے آ کے دیکھو
ہے حال جو بھی اُس کا کہتا نہیں زبانی
مقطع بہتر ہے لیکن الفاظ بدل کر
اس کا جو حال ہے وہ، خود آ کے دیکھ لو تم
ارشد تو چپ ہے، کچھ بھی کہتا نہیں زبانی