غزل برائے اصلاح

[سعید احمد سجاد]

محترم الف عین صاحب اور دیگر احباب سے اصلاح کی درخواست ہے


رات بھر لکھتا رہا بس نیند کیا آتی مجھے
تم سے پہلا عشق تھا بس نیند کیا آتی مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہے کہیں گھنگرو کی چھن چھن اور کہیں حمدوثنا
رنگ سارے ہیں جدا بس نیند کیا آتی مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تنگ آئے ہیں امیر شہر سے سارے گدا
سوچتا ہوں فیصلہ بس نیند کیا آتی مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انتظار یار میں رہتی ہیں آنکھیں نیم وا
اک دریچہ ہے کھلا بس نیند کیا آتی مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ساز ہیں خاموش کیوں میں سوچتا شب بھر رہا
تو بتا رنگ حنا بس نیند کیا آتی مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چاند تاروں سے سنا ہے ورد تیرا باخدا
تیرا جلوہ مرحبا بس نیند کیا آتی مجھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیرگی سے پوچھ لو سجاد رونے کا سبب.
عمر بھر کی ہے سزا بس نیند کیا آتی مجھے

 

[الف عین]

ردیف تو دلچسپ ہے لیکن نباہی نہیں جا سکی ہر شعر میں ۔'بس' کی وجہ سے کچھ ایسے حالات بیان کرنے کی ضرورت تھی کہ ایسے حالات میں کیا نیند آتی!
تکنیکی طور پر درست ہے لیکن ردیف کو درست استعمال کرنے کی کوشش کریں اور روائز کریں غزل

 

[سعید احمد سجاد]

ردیف تو دلچسپ ہے لیکن نباہی نہیں جا سکی ہر شعر میں ۔'بس' کی وجہ سے کچھ ایسے حالات بیان کرنے کی ضرورت تھی کہ ایسے حالات میں کیا نیند آتی!
تکنیکی طور پر درست ہے لیکن ردیف کو درست استعمال کرنے کی کوشش کریں اور روائز کریں غزل

شکریہ سر میں کوشش کرتا ہوں