غزل برائے اصلاح

[Muhammad Ishfaq]

فاعلن فاعلن فاعلن
جب سے تیری ادا دیکھی ہے
ہم نے سر پر قضا دیکھی ہے

جس پہ کل ناز تھا مجھ کو
بدلی اس کی ہوا دیکھی ہے

غیر تو غیر ہیں ہم نے تو
اپنوں سے بھی جفا دیکھی ہے

کیوں مری جاں کا دشمن بنا
غلطی اس نے کیا دیکھی ہے

حق پہ اشفاق جو آ جائے
اس کو ملتی بقا دیکھی ہے

 

[الف عین]

دیکھی ہے ردیف ہی پسند نہیں آئی، ی کے اسقاط کی وجہ سے
جس پہ کل ناز تھا مجھ کو
... بحر سے خارج
حق پہ اشفاق....
ایضاً

 

[محمد احسن سمیع راحلؔ]

’’دیکھی ہے‘‘ کو ’’دیکھ لی‘‘ کرلیں ۔۔۔ ردیف کا مسئلہ حل ہوجائے گا، بیشتر اشعار معمولی رد و بدل کے ساتھ چل جائیں گے۔

 

[محمد خلیل الرحمٰن]

’’دیکھی ہے‘‘ کو ’’دیکھ لی‘‘ کرلیں ۔۔۔ ردیف کا مسئلہ حل ہوجائے گا، بیشتر اشعار معمولی رد و بدل کے ساتھ چل جائیں گے۔

خوبصورت صلاح

 

[Muhammad Ishfaq]

خوبصورت صلاح

اساتذہ اکرام کا بہت شکریہ۔

 

[Muhammad Ishfaq]

اصلاح کے بعد
فاعلن فاعلن فاعلن
جب بھی تیری ادا دیکھ لی
ہم نے سر پر قضا دیکھ لی

جس پہ کل ناز تھا مجھ کو
بدلی اس کی ہوا دیکھ لی

غیر تو غیر ہیں ہم نے تو
اپنوں سے بھی جفا دیکھ لی

کیوں مری جاں کا دشمن بنا
غلطی اس نے کیا دیکھ لی

حق پہ اشفاق جو آ گیا
اس کو ملتی بقا دیکھ لی

 

[محمد خلیل الرحمٰن]

ہماری صلاح

جس پہ کل ناز تھا مجھ کو
بدلی اس کی ہوا دیکھ لی

مصرع وزن میں نہیں اسے یوں کرسکتے ہیں
جس پہ کل ناز تھا، آج کیوں

غیر تو غیر ہیں ہم نے تو
اپنوں سے بھی جفا دیکھ لی

دوستوں کی جفا دیکھ لی

کیوں مری جاں کا دشمن بنا
غلطی اس نے کیا دیکھ لی

بات ایسی بھی کیا دیکھ لی

حق پہ اشفاق جو آ گیا
اس کو ملتی بقا دیکھ لی

دوسرے مصرع کو بدل کر کہہ لیجیے۔

 

[Muhammad Ishfaq]

ہماری صلاح


مصرع وزن میں نہیں اسے یوں کرسکتے ہیں
جس پہ کل ناز تھا، آج کیوں


دوستوں کی جفا دیکھ لی


بات ایسی بھی کیا دیکھ لی


دوسرے مصرع کو بدل کر کہہ لیجیے۔

بہت بہت شکریہ سر !

 

[الف عین]

جس پہ کل ناز تھا مجھ کو
بدلی اس کی ہوا دیکھ لی
خلیل بھائی نے پہلا مصرع تو وزن میں موزوں کر دیا ہے لیکن دوسرے میں بدلی کی ی کا اسقاط اچھا نہیں لگ رہا
اس کی بدلی ہوا... کر دو

 

[Muhammad Ishfaq]

درستی کے بعد
فاعلن فاعلن فاعلن
جب بھی تیری ادا دیکھ لی
ہم نے سر پر قضا دیکھ لی

جس پہ کل ناز تھا، آج کیوں
اس کی بدلی ہوا دیکھ لی

غیر تو غیر ہیں ہم نے تو
اپنوں کی بھی جفا دیکھ لی

کیوں مری جاں کا دشمن بنا
بات ایسی بھی کیا دیکھ لی

حق پہ اشفاق جو آ گیا
پھر اسی نے بقا دیکھ لی

 

[Muhammad Ishfaq]

جس پہ کل ناز تھا مجھ کو
بدلی اس کی ہوا دیکھ لی
خلیل بھائی نے پہلا مصرع تو وزن میں موزوں کر دیا ہے لیکن دوسرے میں بدلی کی ی کا اسقاط اچھا نہیں لگ رہا
اس کی بدلی ہوا... کر دو

جی بہت اچھا

 

[محمد خلیل الرحمٰن]

اپنوں کی بھی جفا دیکھ لی

اپنوں مکمل تقطیع نہیں ہوریا ہے بلکہ "اپنَ" پڑھا جارہا ہے۔

 

[الف عین]

غیر تو غیر ہیں ہم نے تو
اپنوں کی بھی جفا دیکھ لی
... اپنوں پر غور نہیں کیا تھا میں نے، اب دیکھا تو پہلے مصرع کا طویل کھنچتا 'تو' بھی اچھا نہیں لگتا ہے

حق پہ اشفاق جو آ گیا
پھر اسی نے بقا دیکھ لی
کس کی بقا؟ اگر اشفاق کی ہی بقا کی بات ہے تو 'پھر' اور 'اسی' کی اہمیت؟
اس نے اپنی بقا دیکھ لی
کر. سکتے ہو

 

[Muhammad Ishfaq]

غیر تو غیر ہیں ہم نے تو
اپنوں کی بھی جفا دیکھ لی
... اپنوں پر غور نہیں کیا تھا میں نے، اب دیکھا تو پہلے مصرع کا طویل کھنچتا 'تو' بھی اچھا نہیں لگتا ہے

حق پہ اشفاق جو آ گیا
پھر اسی نے بقا دیکھ لی
کس کی بقا؟ اگر اشفاق کی ہی بقا کی بات ہے تو 'پھر' اور 'اسی' کی اہمیت؟
اس نے اپنی بقا دیکھ لی
کر. سکتے ہو

بجا فرمایا آپ نے پھر ’’دوستوں‘‘ہی کرلیتے ہیں۔ااور آخری مصرع میں ’’اس نے اپنی بقا دیکھ لی‘‘کر لیتے ہیں۔
شکریہ سرجی۔