فرحان محمد خان
محفلین
غزل
بیتِ تازہ کی ہوا ، کوئے حریفاں کی ہوا
پیچ در پیچ چلی میرے گریباں کی ہوا
ایک دو نام تو ایسے درِ زنداں پہ ملے
سرپٹکتی ہوئی گزری ہے بیاباں کی ہوا
جب کسی تازہ تغیر سے بدلتا ہے اُفق
تیز تر چلتی ہے کچھ جنبشِ مژگاں کی ہوا
تیری آنکھوں کے مد و جزر میں ہنگامِ وصال
قعرِ دریا کے گہر جنبشِ مژگاں کی ہوا
خاک دل ایسی حریفانہ کہاں ہوتی ہے
خود طوافی کو چلی قبلۂ ویراں کی ہوا
بوسۂ لب کے تلے نیند کو عریاں کرنے
خفتہ پا آئی ہے خوابِ رخِ جاناں کی ہوا
زندگی کیا ہے اسیری ہے کہ آزادی ہے
اک رخِ دام پہ رمِ خوردہ غزالاں کی ہوا
اُڑتی پھرتی ہے بہ یک معرکۂ ریگِ سموم
حفتِ چشمِ شہاں کحلِ صفاہاں کی ہوا
خلوتِ خواب کے دامن میں لیے لالہ وگل
روحِ بازار نہ بن خواب فروشاں کی ہوا
اے فروغِ زرِ موباف و ثباتِ کاکل
نام رکھتی ہے ترا زلف پریشاں کی ہوا
بیتِ تازہ کی ہوا ، کوئے حریفاں کی ہوا
پیچ در پیچ چلی میرے گریباں کی ہوا
ایک دو نام تو ایسے درِ زنداں پہ ملے
سرپٹکتی ہوئی گزری ہے بیاباں کی ہوا
جب کسی تازہ تغیر سے بدلتا ہے اُفق
تیز تر چلتی ہے کچھ جنبشِ مژگاں کی ہوا
تیری آنکھوں کے مد و جزر میں ہنگامِ وصال
قعرِ دریا کے گہر جنبشِ مژگاں کی ہوا
خاک دل ایسی حریفانہ کہاں ہوتی ہے
خود طوافی کو چلی قبلۂ ویراں کی ہوا
بوسۂ لب کے تلے نیند کو عریاں کرنے
خفتہ پا آئی ہے خوابِ رخِ جاناں کی ہوا
زندگی کیا ہے اسیری ہے کہ آزادی ہے
اک رخِ دام پہ رمِ خوردہ غزالاں کی ہوا
اُڑتی پھرتی ہے بہ یک معرکۂ ریگِ سموم
حفتِ چشمِ شہاں کحلِ صفاہاں کی ہوا
خلوتِ خواب کے دامن میں لیے لالہ وگل
روحِ بازار نہ بن خواب فروشاں کی ہوا
اے فروغِ زرِ موباف و ثباتِ کاکل
نام رکھتی ہے ترا زلف پریشاں کی ہوا
عزیز حامد مدنی