محمد احسن سمیع راحلؔ
محفلین
دو روز قبل یوٹیوب پر جنابِ خمارؔ بارہ بنکوی کو سن رہا تھا، جو اپنی دستخطی بحر متقارب میں ترنم سے شعر پڑھتے جارہے تھے۔ حضرتِ خمارؔ کو پہلی بار غالباً ۱۹۹۶ میں جشنِ قتیلؔ کی وڈیو کیسٹ کے توسط سے سنا تھا، مگر ان کا ترنم ذہن میں ایسا نقش ہوا کہ آج بھی کہیں بحرِ متقارب میں کوئی غزل پڑھنے سننے کو ملے تو لامحالہ ذہن ان کی طرز پر وہ اشعار گنگنانا شروع کردیتا ہے۔ بہرکیف، جنابِ خمارؔ کو سنتے سنتے کچھ اشعار اسی بحر میں موزوں ہوگئے، سوچا آپ احباب کی خدمت میں پیش کرتا چلوں۔ امید ہے احباب اپنی قیمتی آراء سے ضرور نوازیں گے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تماشا اب اپنا بناتے نہیں ہیں
ترے غم میں خود کو جلاتے نہیں ہیں
دلِ جاں بلب کو، سنواروں تو کیونکر؟
یہاں بھول کر بھی وہ آتے نہیں ہیں!
انہیں ظرف بھی دے، بمع حسن یارب
کسی کو وہ خاطر میں لاتے نہیں ہیں
نم آنکھوں نے چغلی یہ کی وقتِ رخصت
خوشی سے وہ پھولے سماتے نہیں ہیں
یہ فرقت کا ٖغم ہے، یا بدلا ہے فیشن؟
وہ زلفوں میں گل اب لگاتے نہیں ہیں!
ہوا کو ہے یوں بھی، یقیں جیتنے کا
کہ اب ہم دیا ہی جلاتے نہیں ہیں
ڈرا اب نہ تیغ و سناں سے، کہ ہم لوگ
کٹاتے تو ہیں، سر جھکاتے نہیں ہیں!
ہزیمت مقدر نہ ہو کیوں؟ کہ جب ہم
نصابِ جہاد اب پڑھاتے نہیں ہیں
نصیبوں سے ملتا ہے تمغہ یہ راحلؔ
میاں! داغِ دل یوں چھپاتے نہیں ہیں!
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تماشا اب اپنا بناتے نہیں ہیں
ترے غم میں خود کو جلاتے نہیں ہیں
دلِ جاں بلب کو، سنواروں تو کیونکر؟
یہاں بھول کر بھی وہ آتے نہیں ہیں!
انہیں ظرف بھی دے، بمع حسن یارب
کسی کو وہ خاطر میں لاتے نہیں ہیں
نم آنکھوں نے چغلی یہ کی وقتِ رخصت
خوشی سے وہ پھولے سماتے نہیں ہیں
یہ فرقت کا ٖغم ہے، یا بدلا ہے فیشن؟
وہ زلفوں میں گل اب لگاتے نہیں ہیں!
ہوا کو ہے یوں بھی، یقیں جیتنے کا
کہ اب ہم دیا ہی جلاتے نہیں ہیں
ڈرا اب نہ تیغ و سناں سے، کہ ہم لوگ
کٹاتے تو ہیں، سر جھکاتے نہیں ہیں!
ہزیمت مقدر نہ ہو کیوں؟ کہ جب ہم
نصابِ جہاد اب پڑھاتے نہیں ہیں
نصیبوں سے ملتا ہے تمغہ یہ راحلؔ
میاں! داغِ دل یوں چھپاتے نہیں ہیں!
