غزل تنقید کے لیے پیشَ خدمت ہے

[شہزادسائل]

اس کو پھر خود ہی مٹایا گیا تھا پانی سے​

میرا جو نقش بنایا گیا تھا پانی سے​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

میں دیا تھا تبھی جلتا ہی رہا ساری رات​

صبح ہوتے ہی بجھایا گیا تھا پانی سے​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

کل مرا عکس جو اشکوں میں کسی کے ڈوبا​

پھر اسے ڈھونڈ کے لایا گیا تھا پانی سے​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

کیا قیامت کا وہ منظر تھا کہ پیاسہ نکلا​

زہر تک جس کو پلایا گیا تھا پانی سے​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

آئنہ پہلے پہل اندھا ہوا کرتا تھا​

نور اس کے لیے لایا گیا تھا پانی سے​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

آج دریا بھی سمندر کی طرح بھپرا ہے​

کیا مرا درد ملایاگیا تھا پانی سے​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

کھیت نے تب کہیں یہ فصل اگائی سائل​

بارہا اس کو ڈرایا گیا تھا پانی سے​

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔​

شہزاد سائلؔ​

​