فرحان محمد خان
محفلین
غزل
جویانِ تازہ کاریِ گفتار کچھ کہو
تم بھی ہوئے ہو کاشفِ اَسرار کچھ کہو
شیشہ کہیں سے لاؤ شرابِ فرنگ کا
باقی جو تھی حکایتِ دل دار کچھ کہو
جانے بھی دو تغیرِ عالم کی داستاں
کس حال میں ہے نرگسِ بیمار کچھ کہو
بادل اٹھے ہیں چشمکِ برق و شرار ہے
منہ دیکھتے ہو صورتِ دیوار کچھ کہو
مطرب کو تازہ بیت سکھاؤ ہوا ہے نرم
گزرے کسی طرح تو شب تار کچھ کہو
ٹھہرا ہوا ہے وادیِ غم میں رمیدہ وقت
سمجھو بھی کچھ نزاکتِ بسیار کچھ کہو
زندہ دلانِ شوق نے رکھا بہار نام
اک موج خوں گئی سر گلزار کچھ کہو
آغاز ہر تغیرِ عالم کی حد ہوا
اس کی گلی کا سایۂ دیوار کچھ کہو
الجھے گا آج جی کہ ہوا پیچ پیچ ہے
بنتا نہیں کوئی رخِ گفتار کچھ کہو
جویانِ تازہ کاریِ گفتار کچھ کہو
تم بھی ہوئے ہو کاشفِ اَسرار کچھ کہو
شیشہ کہیں سے لاؤ شرابِ فرنگ کا
باقی جو تھی حکایتِ دل دار کچھ کہو
جانے بھی دو تغیرِ عالم کی داستاں
کس حال میں ہے نرگسِ بیمار کچھ کہو
بادل اٹھے ہیں چشمکِ برق و شرار ہے
منہ دیکھتے ہو صورتِ دیوار کچھ کہو
مطرب کو تازہ بیت سکھاؤ ہوا ہے نرم
گزرے کسی طرح تو شب تار کچھ کہو
ٹھہرا ہوا ہے وادیِ غم میں رمیدہ وقت
سمجھو بھی کچھ نزاکتِ بسیار کچھ کہو
زندہ دلانِ شوق نے رکھا بہار نام
اک موج خوں گئی سر گلزار کچھ کہو
آغاز ہر تغیرِ عالم کی حد ہوا
اس کی گلی کا سایۂ دیوار کچھ کہو
الجھے گا آج جی کہ ہوا پیچ پیچ ہے
بنتا نہیں کوئی رخِ گفتار کچھ کہو
عزیز حامد مدنی
1961ء
1961ء
