غزل: جینے کو اے خدا رہا کیا ہے۔۔۔

[سید اِجلاؔل حسین]

(غالب کی زمین اتفاقیہ ہے۔ مطلع کہنے کے بعد احساس ہوا کہ یہ تو 'دل ناداں تجھے ہوا کیا ہے' والی زمین ہے)

جینے کو اے خدا رہا کیا ہے
کون جانے تری رضا کیا ہے

شبِ غم بیت جائے گی لیکن
صبحِ نو کے لیے بچا کیا ہے

بے وفائی پہ داد ملتی ہے
آخر اخلاص کی سزا کیا ہے

یہ زمانہ ہے دعوے داروں کا
وعدہ کیا ہے یہاں وفا کیا ہے

دل دُکھانا جو بن گیا معمول
بے ضمیری کی انتہا کیا ہے

اب کوئی جستجو نہیں باقی
اب نہ پُوچھو مجھے ہوا کیا ہے

دل کو مسمار کر گئے تم کیوں
گھر کو اپنے ہی کر دیا کیا ہے

نام انسانیت کا لیتے ہو
ظلم تم نے مگر کِیا کیا ہے

چلو اِجلؔال اب تو اُٹھ جاؤ
جام خالی ہے اب بچا کیا ہے​

الف عین
فاتح
محمد خلیل الرحمٰن
مزمل شیخ بسمل
قیصرانی
محمد وارث
متلاشی
محمد اسامہ سَرسَری
محمد بلال اعظم

 

[ابن رضا]

(غالب کی زمین اتفاقیہ ہے۔ مطلع کہنے کے بعد احساس ہوا کہ یہ تو 'دل ناداں تجھے ہوا کیا ہے' والی زمین ہے)

شبِ غم بیت جائے گی لیکن​

صبحِ نو کے لیے بچا کیا ہے​

صبحِ نو سے یہ اتنی بے زاری
محترم دوست ماجرہ کیا ہے


بہت عمدہ جناب، بہت خوش رہیں۔

 

[سید اِجلاؔل حسین]

صبحِ نو سے یہ اتنی بے زاری
محترم دوست ماجرہ کیا ہے


بہت عمدہ جناب، بہت خوش رہیں۔

زندگی ختم ہو گئی ساری
شیخ پوچھے ہیں ماجرا کیا ہے!

سلامت رہیے!

 

[ابن رضا]

زندگی ختم ہو گئی ساری
شیخ پوچھے ہیں ماجرا کیا ہے!

سلامت رہیے!

زندگی تو رواں ہی رہتی ہے
یہ بتائیے ذرا ہُوا کیا ہے

 

[سید اِجلاؔل حسین]

زندگی تو رواں ہی رہتی ہے
یہ بتائیے ذرا ہُوا کیا ہے

ہونے کو اب رہا ہے کیا باقی
سانس آنے کے اب سواکیا ہے

 

[ابن رضا]

ہونے کو اب رہا ہے کیا باقی
سانس آنے کے اب سواکیا ہے

اتنا مایوس بھی نہیں ہوتے
اب یہاں ایسا بھی بُرا کیا ہے

 

[محمد خلیل الرحمٰن]

بہت خوبصورت غزل ہے جناب۔ بہت بہت داد قبول فرمائیے

 

[سید اِجلاؔل حسین]

بہت خوبصورت غزل ہے جناب۔ بہت بہت داد قبول فرمائیے

خلیل بھائی،
اللہ آپ کو ڈھیروں خوشیاں نصیب فرمائے!
سلامت رہیے۔

 

[سلمان حمید]

شبِ غم بیت جائے گی لیکن
صبحِ نو کے لیے بچا کیا ہے

بہت عمدہ

 

[سید اِجلاؔل حسین]

شبِ غم بیت جائے گی لیکن
صبحِ نو کے لیے بچا کیا ہے

بہت عمدہ

آداب عرض ہے،
سلامت رہیے!

 

[محمد اسامہ سَرسَری]

سید اجلال کی غزل ہے خوب!
ہو کسی کی زمیں ، برا کیا ہے؟

 

[سید اِجلاؔل حسین]

سید اجلال کی غزل ہے خوب!
ہو کسی کی زمیں ، برا کیا ہے؟

سَرسَری جی سلامتی ہو قبول!
آپ جانیں، یہ سر پھرا کیا ہے

 

[سید اِجلاؔل حسین]

پاس اپنے ہنر نہیں کوئی
دل کے آزار ماسوا کیا ہے؟​

 

[محمد بلال اعظم]

شبِ غم بیت جائے گی لیکن
صبحِ نو کے لیے بچا کیا ہے

بے وفائی پہ داد ملتی ہے
آخر اخلاص کی سزا کیا ہے

اب کوئی جستجو نہیں باقی
اب نہ پُوچھو مجھے ہوا کیا ہے

نام انسانیت کا لیتے ہو
ظلم تم نے مگر کِیا کیا ہے

واہ بہت خوبصورت اشعار محترم اجلال صاحب
بہت سی داد قبول فرمائیں

 

[سید اِجلاؔل حسین]

شبِ غم بیت جائے گی لیکن
صبحِ نو کے لیے بچا کیا ہے

بے وفائی پہ داد ملتی ہے
آخر اخلاص کی سزا کیا ہے

اب کوئی جستجو نہیں باقی
اب نہ پُوچھو مجھے ہوا کیا ہے

نام انسانیت کا لیتے ہو
ظلم تم نے مگر کِیا کیا ہے

واہ بہت خوبصورت اشعار محترم اجلال صاحب
بہت سی داد قبول فرمائیں

غزل پسند کرنے اور ڈھیروں داد دینے پر تہ دل سے شکریہ قبول فرمائیں۔

جیتے رہیے!

 

[قیصرانی]

بہت عمدہ برادر۔ خوش رہیے

 

[سید اِجلاؔل حسین]

بہت عمدہ برادر۔ خوش رہیے

بہت شکریہ جناب۔

سدا سکھی رہیے!