فرحان محمد خان
محفلین
غزل
حرم کا آئنہ برسوں سے دُھندلا بھی ہے حیراں بھی
اک افسونِ برہمن ہے کہ پیدا بھی ہے پنہاں بھی
نہ جا اے نا خدا دریا کی آہستہ خرامی پر
اسی دریا میں خوابیدہ ہے موجِ تند جولاں بھی
کمالِ جاں نثاری ہو گئی ہے خاکِ پروانہ
اسے اکسیر بھی کہتے ہیں اور خاکِ پریشاں بھی
وداعِ شب بھی ہے اور شمع پر اک بانکپن بھی ہے
حدیثِ شوق بھی ہے قصۂ عمرِ گریزاں بھی
نہ آئی یاد تیری ، یہ بھی موسم کا تغیر تھا
کہ کشتِ شوق تھی پروردہ ہائے باد و باراں بھی
یہ دنیا ہے تو کیا اے ہم نفس تفسیرِ غم کیجے
وہی آدابِ محفل بھی وہی آدابِ زنداں بھی
شعاعِ مہر ہے اور التزامِ زخم و مرہم ہے
یہ داغِ لالہ بھی ہے شعلۂ لعلِ بدخشاں بھی
حرم کا آئنہ برسوں سے دُھندلا بھی ہے حیراں بھی
اک افسونِ برہمن ہے کہ پیدا بھی ہے پنہاں بھی
نہ جا اے نا خدا دریا کی آہستہ خرامی پر
اسی دریا میں خوابیدہ ہے موجِ تند جولاں بھی
کمالِ جاں نثاری ہو گئی ہے خاکِ پروانہ
اسے اکسیر بھی کہتے ہیں اور خاکِ پریشاں بھی
وداعِ شب بھی ہے اور شمع پر اک بانکپن بھی ہے
حدیثِ شوق بھی ہے قصۂ عمرِ گریزاں بھی
نہ آئی یاد تیری ، یہ بھی موسم کا تغیر تھا
کہ کشتِ شوق تھی پروردہ ہائے باد و باراں بھی
یہ دنیا ہے تو کیا اے ہم نفس تفسیرِ غم کیجے
وہی آدابِ محفل بھی وہی آدابِ زنداں بھی
شعاعِ مہر ہے اور التزامِ زخم و مرہم ہے
یہ داغِ لالہ بھی ہے شعلۂ لعلِ بدخشاں بھی
عزیز حامد مدنی
1956ء
1956ء