محمد وارث
لائبریرین
ولی دکنی کسی زمانے میں اردو کے پہلے شاعر مانے جاتے تھے، گو جدید تحقیق نے انکا یہ مرتبہ تو انکے پاس نہیں رہنے دیا لیکن ولی دکنی کو اب بھی اردو شاعری کا پہلا باقاعدہ اور اہم غزل گو شاعر ضرور مانا جاتا ہے اور مانا جاتا رہے گا۔
ولی دکنی کی ایک خوبصورت غزل جو مجھے بہت پسند ہے:
دل ہوا ہے مرا خرابِ سُخَن
دیکھ کر حُسن بے حجابِ سُخَن
راہِ مضمونِ تازہ بند نہیں
تا قیامت کُھلا ہے بابِ سُخَن
بزمِ معنی میں سر خوشی ہے اسے
جس کو ہے نشّۂ شرابِ سخن
جلوہ پیرا ہو شاہدِ معنی
جب زباں سوں اٹھے نقابِ سُخَن
گوھر اسکی نظر میں جا نہ کرے
جن نے دیکھا ہے آب و تابِ سخن
ہرزہ گویاں کی بات کیونکے سنے
جو سنا نغمۂ ربابِ سخن
ہے تری بات اے نزاکت فہم
لوح دیباچۂ کتابِ سخن
لفظِ رنگیں ہے مطلعِ رنگیں
نورِ معنی ہے آفتابِ سخن
شعر فہموں کی دیکھ کر گرمی
دل ہوا ہے مرا کبابِ سخن
عُرفی و انوَری و خاقانی
مجھ کوں دیتے ہیں سب حسابِ سُخَن
اے ولی دردِ سر کبھو نہ رہے
جو ملے صندل و گلابِ سخن
(ولی دکنی)
ولی دکنی کی ایک خوبصورت غزل جو مجھے بہت پسند ہے:
دل ہوا ہے مرا خرابِ سُخَن
دیکھ کر حُسن بے حجابِ سُخَن
راہِ مضمونِ تازہ بند نہیں
تا قیامت کُھلا ہے بابِ سُخَن
بزمِ معنی میں سر خوشی ہے اسے
جس کو ہے نشّۂ شرابِ سخن
جلوہ پیرا ہو شاہدِ معنی
جب زباں سوں اٹھے نقابِ سُخَن
گوھر اسکی نظر میں جا نہ کرے
جن نے دیکھا ہے آب و تابِ سخن
ہرزہ گویاں کی بات کیونکے سنے
جو سنا نغمۂ ربابِ سخن
ہے تری بات اے نزاکت فہم
لوح دیباچۂ کتابِ سخن
لفظِ رنگیں ہے مطلعِ رنگیں
نورِ معنی ہے آفتابِ سخن
شعر فہموں کی دیکھ کر گرمی
دل ہوا ہے مرا کبابِ سخن
عُرفی و انوَری و خاقانی
مجھ کوں دیتے ہیں سب حسابِ سُخَن
اے ولی دردِ سر کبھو نہ رہے
جو ملے صندل و گلابِ سخن
(ولی دکنی)
