غزل :: دہر میں کس کی آبرو ہے اب :: سید ابوبکر مالکی ؔ۔ بھٹکل

[bhatkal]

غزل​

​

دہر میں کس کی آبرو ہے اب
ہر اک انساں لہو لہو ہے اب

کوئی معصوم بچ نہیں پایا
صرف مجرم ہی سرخرو ہے اب

شاعری کو نہ داد مل پائی
صرف محفل میں خوش گلو ہے اب

مجھ کو کچھ بھی نظر نہیں آتا
میری نظروں‌میں صرف تو ہے اب

میرے اپنے نہیں مِرے اپنے
تو ہی تو چارسُو ہے اب

اک نظر پیار سے اسے دیکھا
اس لیے وہ مِرا عدو ہے اب

جس کو کھویا نہیں کبھی میں نے
اس کو پانے کی جستجو ہے اب

سچ کہا اور ، بن گیا مجرم
سارا عالم ہے تند خو ہے اب

میری جانب تری نگاہیں کیوں
تیرے ہاتھوں میں بھی لہو ہے اب

کس طرح ہوگی اب تری پہچان
دوست دشمن کا ہُو بہو ہے اب

سیّد ابو بکر مالکی ؔ ، بھٹکلی​

(تحریری متن شامل کیا گیا۔)​

​

 

[الف عین]

اردو میں پوسٹ کیا کریں، اس لئے یہ بھی کہنا غلط ہے کہ املا کی غلطی ہے۔۔۔۔ تحریر ہو تو غلطی بھی کہا جائے!!

 

[مغزل]

بجا فرمایا بابا جانی ( الف عین ) آپ نے ۔۔۔
---------------
سیّد ابو بکر مالکی ؔ صاحب آپ سے التماس گزار ہوں کہ اپنا کلام تحریری شکل میں شامل کیا کیجے ۔یہ فورم کے قواعد میں سے ایک ہے ۔
کئی ایک املا کی اغلاط نظر آئیں جنہیں درست کرکے تحریری شکل میں شامل کردیا گیا ہے ۔غزل پر ہدیہ تبریک پیش ہے گر قبول افتد ۔۔
بہر کیف و بہر حال میرا منصب نہیں کہ بزرگان کے کلام پر کچھ عرض کرسکوں تاوقتیکہ اجازت نہ مل جائے ۔۔
والسلام

 

[الف عین]

میاں محمود، املا کی اغلاط تو تمہاری پوسٹ میں بھی ایک عدد اور دستخط میں بھی ایک عدد نظر آ رہی ہے!!!
’قاعدہ‘ درست ہے، ’قائدہ‘ بر وزن فائدہ غلط۔ یہ شاید قائد اعظم نے سب کی املا کی مٹی پلید کی ہے!!
اور کیا گیتوں کی زبان میں املا بھی بدل جاتی ہے۔ یا یہ ’مہن‘ دوسرا لفظ ہے۔

 

[الف عین]

اور ہاں، یہ مالکی میاں بھی بزرگ نہیں، نوجوان ہی ہیں۔ ان سے ڈرنے کی ضرورت نہیں۔

 

[مغزل]

اور ہاں، یہ مالکی میاں بھی بزرگ نہیں، نوجوان ہی ہیں۔ ان سے ڈرنے کی ضرورت نہیں۔

شکریہ بابا جانی میں نے تبدیلی کردی ہے ۔ آپ ہیں ناں ہمارے ساتھ کیوں ڈریں کسی نوجوان بزرگ سے ۔۔