غزل : رنگِ شب ہجراں بھی بہ اندازِ دگر ہے از :- نویدظفرکیانی

[نویدظفرکیانی]

رنگِ شب ہجراں بھی بہ اندازِ دگر ہے​

اِس درد کا عنواں بھی بہ اندازِ دگر ہے​

​

کام آتے نہیں ترکِ تعلق کے ارادے​

یہ منزلِ آساں بھی بہ اندازِ دگر ہے​

​

ہم شاخ سے ٹوٹے ہوئے پتوں کی طرح ہیں​

امیدِ بہاراں بھی بہ اندازِ دگر ہے​

​

سب سوختہ ساماں ہیں مکیں ہوں کہ مکاں ہوں​

شہروں کا چراغاں بھی بہ اندازِ دگر ہے​

​

شنوائی کا امکاں ہے نہ گویائی کا یارا​

احوالِ دل و جاں بھی بہ اندازِ دگر ہے​

​

لگتا ہے کہ اب کے میرے اندر سے اُٹھے گا​

اندازہء طوفاں بھی بہ اندازِ دگر ہے​

​

ہم بھی تو بدلتی ہوئی اقدار میں بہتے​

جب خاطرِ یاراں بھی بہ اندازِ دگر ہے​

​

​

نویدظفرکیانی​

 

[الف عین]

بہت خوب نوید، داد قبول کریں

 

[تبسم]

بہت عمدہ

 

[مہدی نقوی حجاز]

آہا، بہ انداز دگر ہے۔۔۔ کیا کہنے واہ۔

 

[قرۃالعین اعوان]

واہ!