نظر لکھنوی غزل: رنگِ چمن میں اب بھی ہے حسنِ دلبرانہ ٭ نظرؔ لکھنوی

[محمد تابش صدیقی]

رنگِ چمن میں اب بھی ہے حسنِ دلبرانہ
دل کی روش ہے لیکن گلشن سے وحشیانہ

باران و بادِ صر صر، برقِ تپاں شبانہ
سو طرح کے مصائب، اک شاخِ آشیانہ

دورِ وصالِ جاناں، دورِ فراقِ جاناں
وہ زندگی حقیقت، یہ زندگی فسانہ

کیفِ وصال تیرا، دردِ فراق تیرا
پیغامِ زندگی وہ، یہ موت کا بہانہ

محوِ خرامِ گلشن تجھ کو خبر نہیں کیا
ہے طنز زندگی پر غنچوں کا مسکرانا

تیرے ہی دم سے شاید تھی زندگی گوارا
اب ہر نفس ہے جاں پر گویا کہ تازیانہ

غفلت کی نیند سے اٹھ فکرِ معاد کر کچھ
دو دن کی زندگی کا کیا ہے نظرؔ ٹھکانہ
٭٭٭
محمد عبد الحمید صدیقی نظرؔ لکھنوی​

 

[عرفان سعید]

رنگِ چمن میں اب بھی ہے حسنِ دلبرانہ
دل کی روش ہے لیکن گلشن سے وحشیانہ

باران و بادِ صر صر، برقِ تپاں شبانہ
سو طرح کے مصائب، اک شاخِ آشیانہ

دورِ وصالِ جاناں، دورِ فراقِ جاناں
وہ زندگی حقیقت، یہ زندگی فسانہ

کیفِ وصال تیرا، دردِ فراق تیرا
پیغامِ زندگی وہ، یہ موت کا بہانہ

محوِ خرامِ گلشن تجھ کو خبر نہیں کیا
ہے طنز زندگی پر غنچوں کا مسکرانا

تیرے ہی دم سے شاید تھی زندگی گوارا
اب ہر نفس ہے جاں پر گویا کہ تازیانہ

غفلت کی نیند سے اٹھ فکرِ معاد کر کچھ
دو دن کی زندگی کا کیا ہے نظرؔ ٹھکانہ
٭٭٭
محمد عبد الحمید صدیقی نظرؔ لکھنوی​

بہت ہی خوبصورت!
آپکے دادا جان کی کوئی کتابیں بھی شائع ہوئیں ہیں؟

 

[محمد تابش صدیقی]

بہت ہی خوبصورت!
آپکے دادا جان کی کوئی کتابیں بھی شائع ہوئیں ہیں؟

نعتیہ کلام 2005 میں چھپوایا تھا۔ اس کی ای بک بھی بنائی ہوئی ہے۔
البتہ غزلیات اور نظمیں میں نے خود ہی ٹائپ کی ہیں۔ اور ای بک تقریباً تیار ہے۔
کافی عرصہ سے ایک بزرگوار کو تبصرہ کے لیے کہا ہوا ہے، اور ان سے پوچھتے ہوئے بھی برا لگتا ہے۔ اس لیے کام رکا ہوا ہے۔

 

[عرفان سعید]

کافی عرصہ سے ایک بزرگوار کو تبصرہ کے لیے کہا ہوا ہے، اور ان سے پوچھتے ہوئے بھی برا لگتا ہے۔ اس لیے کام رکا ہوا ہے۔

محفل کے بزرگ کس مرض کی دوا ہیں؟

 

[محمد عدنان اکبری نقیبی]

محفل کے بزرگ کس مرض کی دوا ہیں؟

بھائی شاید آپ یہ بات بھول رہے ہیں کہ تابش بھائی محفلین کے ساتھ مدیر ہیں ،کیوں ہماری محفل کے رجسٹریشن کے دشمن ہوئے جاتے ہیں ۔

 

[محمد تابش صدیقی]

محفل کے بزرگ کس مرض کی دوا ہیں؟

ان کی جانب سے تو مسلسل دعاؤں اور تبصروں کا سلسلہ جاری رہتا ہے۔
اب ان سے کہہ بیٹھے ہیں، تو یہ بھی اچھا نہیں لگتا کہ ان کے مضمون کے بغیر ہی ای بک بنا دی جائے۔ ورنہ ای بک تو کب کی تیار مضمون کی راہ دیکھ رہی ہے۔

 

[عرفان سعید]

بھائی شاید آپ یہ بات بھول رہے ہیں کہ تابش بھائی محفلین کے ساتھ مدیر ہیں ،کیوں ہماری محفل کے رجسٹریشن کے دشمن ہوئے جاتے ہیں ۔

تابش بھائی کبھی آپ کی رجسٹریشن کے بارے ایسا کچھ نہیں کر سکتے۔

اگر ایسی بات ہوئی بھی تو
۔
۔
۔
بقیہ عمر آپ کو انٹرنیٹ پر ہی بین کر دیں گے۔

 

[محمد عدنان اکبری نقیبی]

تابش بھائی کبھی آپ کی رجسٹریشن کے بارے ایسا کچھ نہیں کر سکتے۔

اگر ایسی بات ہوئی بھی تو
۔
۔
۔
بقیہ عمر آپ کو انٹرنیٹ پر ہی بین کر دیں گے۔

نا بھیا دور کے ڈھول سہانے ہی بھلے ، ہمیں معاف ہی رکھیں ۔