داغ غزل - ساز، یہ کینہ ساز کیا جانیں - داغ دہلوی

[محمد وارث]

ساز، یہ کینہ ساز کیا جانیں
ناز والے نیاز کیا جانیں

کب کسی در کی جُبّہ سائی کی
شیخ صاحب نماز کیا جانیں

جو رہِ عشق میں قدم رکھیں
وہ نشیب و فراز کیا جانیں

پوچھئے مے کشوں سے لطفِ شراب
یہ مزہ پاک باز کیا جانیں

حضرتِ خضر جب شہید نہ ہوں
لطفِ عمرِ دراز کیا جانیں

جو گزرتے ہیں داغ پر صدمے
آپ بندہ نواز کیا جانیں

 

[فرخ منظور]

بہت اچھے وارث صاحب ! کیا اچھی غزل ہے -

 

[فاتح]

واہ! کمال کا کلام ہے۔ اس غزل کا مقطع تو بطور محاورہ استعمال ہوتا ہے۔ شکریہ جناب!

 

[محمد وارث]

شکریہ فرخ صاحب اور فاتح صاحب

 

[فرخ منظور]

ساز، یہ کینہ ساز کیا جانیں
ناز والے نیاز کیا جانیں

شمع رُو آپ گو ہوئے لیکن
لطفِ سوز و گداز کیا جانیں

کب کسی در کی جُبّہ سائی کی
شیخ صاحب نماز کیا جانیں

جو رہِ عشق میں قدم رکھیں
وہ نشیب و فراز کیا جانیں

پوچھئے مے کشوں سے لطفِ شراب
یہ مزا پاک باز کیا جانیں

جن کو اپنی خبر نہیں اب تک
وہ مرے دل کا راز کیا جانیں

حضرتِ خضر جب شہید نہ ہوں
لطفِ عمرِ دراز کیا جانیں

جو گزرتے ہیں داغ پر صدمے
آپ بندہ نواز کیا جانیں

(داغ دہلوی)

 

[عظیم اللہ قریشی]

میرے خیال میں بطور ضرب الامثال استعمال ہوتا ہے

 

[کاشفی]

داغ دہلوی مرحوم و مغفور رحمتہ اللہ علیہ کی خوبصورت غزل شیئر کرنے کے لیئے بیحد شکریہ۔۔
خدا تعالی داغ دہلوی کو کروٹ کروٹ جنت الفردوس عطا فرمائے۔۔آمین​

​

 

[عبد الرحمن]

جزاک اللہ خیرا وارث بھائی!
زبردست انتخاب ہے۔
پرانی لڑیوں سے آج ملا یہ مدفون خزانہ۔

 

[احمد بلال]

واہ ۔ بہت اچھی غزل ہے۔
حضرت خضر والا شعر پڑھ کے بے ساختہ غالب کا شعر یاد آگیا۔
"نہ ہو مرنا تو جینے کا مزہ کیا"