فرحان محمد خان
محفلین
غزل
شمارِ درد کے پیدا ہوئے ہیں کچھ امکاں
بدل کے شیشۂ ساعت ہوا ہے شیشۂ جاں
اب اس قدر نہ بڑھا دستِ چارہ ساز کی بات
رکھی تھی زخم نے بنیادِ کاوشِ درماں
خدا گواہ کہ تیرے سوا مجھے بھی نہیں
کسی سے زنجشِ بے جا کا اس قدر بھی گماں
بڑھا گئی خطِ پیمانۂ وفا دل کا
لہو میں ڈوب کے بے اختیار نوکِ سناں
مسافروں کو فقط سایۂ درخت ملا
ہزار بابِ کرم صد ہزار پرسشِ جاں
شعاعَ مہر سے اک چشمِ نیم وا کی طرح
فضائے صبح میں روشن ہے روزنِ زنداں
ہزار مہر ہیں اور اک اُفق کی بے بابی
بساطِ دیدہ بینا ، تغیرات جہاں
چراغِ خلوتِ جاناں تجھے خدا رکھے
زمیں سے تا بہ افق چھا رہا ہے ایک دھواں
یہی تھی زخمۂ تارِ رگِ گلو آخر
یہ نوکِ خار نہ تھی عندلیبِ نوحہ کناں
ترے نثار رویے نہیں بدلتے ہیں
ہزار کوس کی منزل ہو درمیاں مری جاں
شمارِ درد کے پیدا ہوئے ہیں کچھ امکاں
بدل کے شیشۂ ساعت ہوا ہے شیشۂ جاں
اب اس قدر نہ بڑھا دستِ چارہ ساز کی بات
رکھی تھی زخم نے بنیادِ کاوشِ درماں
خدا گواہ کہ تیرے سوا مجھے بھی نہیں
کسی سے زنجشِ بے جا کا اس قدر بھی گماں
بڑھا گئی خطِ پیمانۂ وفا دل کا
لہو میں ڈوب کے بے اختیار نوکِ سناں
مسافروں کو فقط سایۂ درخت ملا
ہزار بابِ کرم صد ہزار پرسشِ جاں
شعاعَ مہر سے اک چشمِ نیم وا کی طرح
فضائے صبح میں روشن ہے روزنِ زنداں
ہزار مہر ہیں اور اک اُفق کی بے بابی
بساطِ دیدہ بینا ، تغیرات جہاں
چراغِ خلوتِ جاناں تجھے خدا رکھے
زمیں سے تا بہ افق چھا رہا ہے ایک دھواں
یہی تھی زخمۂ تارِ رگِ گلو آخر
یہ نوکِ خار نہ تھی عندلیبِ نوحہ کناں
ترے نثار رویے نہیں بدلتے ہیں
ہزار کوس کی منزل ہو درمیاں مری جاں
عزیز حامد مدنی