محمد احسن سمیع راحلؔ
محفلین
عزیزان گرامی، آداب!
ایک غزل، نسبتاً تازہ، آپ کی بصارتوں کی نذر۔ امید ہے احباب اپنی قیمتی آراء سے ضرور نوازیں گے۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محفل میں کبھی میرا جو ذکر آئے اچانک
وہ پہلو بدلتے ہوئے شرمائے اچانک
پا کر تمہیں اس شخص کا سا حال ہے دل کا
مفلس سے جو ہو کر غنی اترائے اچانک!
صحراؤں میں اک آس لئے ایڑیاں رگڑیں
ہو معجزہ اور پانی نکل آئے اچانک
دانستہ نہ چاہا تھا برا تیرا کبھی بھی
نکلی تھی دلِ سوختہ سے ہائے اچانک
تھی کوئی کسر عشق میں باقی کہ جبھی تم
یوں ہجر کے صدمے سے سنبھل پائے اچانک
ظالم نے لیا دل بھی تو کچھ ایسے کہ جیسے
بچے کو کھلونا کوئی مل جائے اچانک
ہو کر رہی رسوائی کہ معنی ہی کچھ ایسے
اس نے مرے لفظوں کو تھے پہنائے اچانک
عاصی ہوں پہ مایوس نہیں ذاتِ صمد سے
ممکن ہے سوئے خلد وہ لے جائے اچانک!
کل تک تو جہاں بھر اسی راحلؔ پہ فدا تھا!
پھر ایسا ہوا کیا کہ سب اکتائے اچانک؟
ایک غزل، نسبتاً تازہ، آپ کی بصارتوں کی نذر۔ امید ہے احباب اپنی قیمتی آراء سے ضرور نوازیں گے۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محفل میں کبھی میرا جو ذکر آئے اچانک
وہ پہلو بدلتے ہوئے شرمائے اچانک
پا کر تمہیں اس شخص کا سا حال ہے دل کا
مفلس سے جو ہو کر غنی اترائے اچانک!
صحراؤں میں اک آس لئے ایڑیاں رگڑیں
ہو معجزہ اور پانی نکل آئے اچانک
دانستہ نہ چاہا تھا برا تیرا کبھی بھی
نکلی تھی دلِ سوختہ سے ہائے اچانک
تھی کوئی کسر عشق میں باقی کہ جبھی تم
یوں ہجر کے صدمے سے سنبھل پائے اچانک
ظالم نے لیا دل بھی تو کچھ ایسے کہ جیسے
بچے کو کھلونا کوئی مل جائے اچانک
ہو کر رہی رسوائی کہ معنی ہی کچھ ایسے
اس نے مرے لفظوں کو تھے پہنائے اچانک
عاصی ہوں پہ مایوس نہیں ذاتِ صمد سے
ممکن ہے سوئے خلد وہ لے جائے اچانک!
کل تک تو جہاں بھر اسی راحلؔ پہ فدا تھا!
پھر ایسا ہوا کیا کہ سب اکتائے اچانک؟
