محمد احسن سمیع راحلؔ
محفلین
عزیزانِ من، آداب!
ایک پرانی غزل آپ سب کی بصارتوں کی نذر، امید ہے احباب اپنی ثمین آراء سے نوازیں گے۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مختصر ہر خواب کی تعبیر ہے
’ایک صورت ایک ہی تصویر ہے‘
سو رہو بھوکے، کہ اب اس شہر میں
جرمِ غربت کی یہی تعزیر ہے
جو ملے، تیری طرفداری کرے
تیری باتوں میں عجب تاثیر ہے!
مجھ میں لاکھوں عیب ہیں، لیکن حضور
آپ کی آنکھوں میں بھی شہتیر ہے!
میں غمِ جاناں میں مٹ سکتا نہیں
یہ غمِ دوراں جو دامن گیر ہے
کیا برا ہے گر یہیں بس جائیں آپ
میرا دل بھی آپ کی جاگیر ہے!
جبکہ سارے فیصلے مل کر کئے!
ہر خطا کیونکر مری تقصیر ہے؟
لوٹنے والے کو یوں دھتکارنا!
یہ تو راحلؔ عشق کی تحقیر ہے!
ایک پرانی غزل آپ سب کی بصارتوں کی نذر، امید ہے احباب اپنی ثمین آراء سے نوازیں گے۔
دعاگو،
راحلؔ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مختصر ہر خواب کی تعبیر ہے
’ایک صورت ایک ہی تصویر ہے‘
سو رہو بھوکے، کہ اب اس شہر میں
جرمِ غربت کی یہی تعزیر ہے
جو ملے، تیری طرفداری کرے
تیری باتوں میں عجب تاثیر ہے!
مجھ میں لاکھوں عیب ہیں، لیکن حضور
آپ کی آنکھوں میں بھی شہتیر ہے!
میں غمِ جاناں میں مٹ سکتا نہیں
یہ غمِ دوراں جو دامن گیر ہے
کیا برا ہے گر یہیں بس جائیں آپ
میرا دل بھی آپ کی جاگیر ہے!
جبکہ سارے فیصلے مل کر کئے!
ہر خطا کیونکر مری تقصیر ہے؟
لوٹنے والے کو یوں دھتکارنا!
یہ تو راحلؔ عشق کی تحقیر ہے!
محاورہ آنکھ میں شہتیر کا ہے ، آنکھوں میں شہتیر کا نہیں ۔اسے یوں کہنے میں کیا حرج ہے: آپ کی بھی آنکھ میں شہتیر ہے
