محمد احسن سمیع راحلؔ
محفلین
عزیزان گرامی، تسلیمات!
ایک پرانی غزل، جو ٖغالباً دس سال قبل کہی ہوگی، آپ سب کی بصارتوں کی نذر۔ امید ہے احباب اپنی قیمتی آراء سے نوازیں گے۔
ویسے یہ گوشہ کچھ روز سے کافی خاموش ہے، امید ہے یہ ہمارے قدموں کے سبزے کی وجہ سے نہیں ہوگا
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نجانے کب سے ویرانی کا ڈیرا تھا جہاں میرا
وہ آئے ہیں تو پررونق ہوا کچھ آستاں میرا
وہ دو موتی جو تیری چشمِ پُرنم سے چرائے تھے
بدوں ان کے بھلا کوئی خزانہ ہے کہاں میرا
مہِ روشن کی کیونکر ہو تمنا ظلمتِ شب میں
ترے عارض کی تابانی سے روشن ہے جہاں میرا
بدل دیتے ہیں طوفاں بھی کبھی صورت چٹانوں کی
عبث ہوگا نہیں کرنا کبھی آہ و فغاں میرا
مجھے اپنائے گا کامل، ترا دعویٰ تھا اے ہمدم!
تری نظروں سے کیسے رہ گیا پھر دل نہاں میرا؟
تمہی سے حالِ دل کہہ کر میں اپنا غم مٹاتا تھا
تمہارے بعد راحلؔ، کون ہے یاں مہرباں میرا
ایک پرانی غزل، جو ٖغالباً دس سال قبل کہی ہوگی، آپ سب کی بصارتوں کی نذر۔ امید ہے احباب اپنی قیمتی آراء سے نوازیں گے۔
ویسے یہ گوشہ کچھ روز سے کافی خاموش ہے، امید ہے یہ ہمارے قدموں کے سبزے کی وجہ سے نہیں ہوگا
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نجانے کب سے ویرانی کا ڈیرا تھا جہاں میرا
وہ آئے ہیں تو پررونق ہوا کچھ آستاں میرا
وہ دو موتی جو تیری چشمِ پُرنم سے چرائے تھے
بدوں ان کے بھلا کوئی خزانہ ہے کہاں میرا
مہِ روشن کی کیونکر ہو تمنا ظلمتِ شب میں
ترے عارض کی تابانی سے روشن ہے جہاں میرا
بدل دیتے ہیں طوفاں بھی کبھی صورت چٹانوں کی
عبث ہوگا نہیں کرنا کبھی آہ و فغاں میرا
مجھے اپنائے گا کامل، ترا دعویٰ تھا اے ہمدم!
تری نظروں سے کیسے رہ گیا پھر دل نہاں میرا؟
تمہی سے حالِ دل کہہ کر میں اپنا غم مٹاتا تھا
تمہارے بعد راحلؔ، کون ہے یاں مہرباں میرا