غزل:پیار سارا دکھا نہیں دیں گے! (مہدی نقوی حجازؔ)

[مہدی نقوی حجاز]

غزل (تازہ)

پیار سارا دکھا نہیں دیں گے
ہم تمہیں آسرا نہیں دیں گے

تم ہمیں پیارے ہو سو ہم تم کو
جینے کی بد دعا نہیں دیں گے

ہم سے جاں مانگی اس فرشتے نے
اور ہم نے کہا نہیں دیں گے

اس کو جاں دے کے اس سے دل چاہا
اور صنم نے کہا نہیں دیں گے!

آسمانی ہیں، ہم کو چھیڑو گے!؟
کیا زمیں کو ہلا نہیں دیں گے!

ہم سخی ہیں، رضائے رب مانگو
کیا سمجھتے ہو؟ کیا نہیں دیں گے؟

ہم پیمبر کی آل میں سے ہیں
کیسے بوئے خدا نہیں دیں گے؟

بندے تیرے ہیں اور تو یار اپنا
یار کو ہم دغا نہیں دیں گے

آسماں ٹوٹے میرے دشمن پر
ہم زمینی سزا نہیں دیں گے

ہم بھی حضرت حجازؔ ہیں، مالک!
جان ہم بے بہا نہیں دیں گے

مہدی نقوی حجازؔ

 

[عندلیب]

عمدہ !!

 

[مہدی نقوی حجاز]

عمدہ !!

آداب، بہت شکریہ۔

 

[نیرنگ خیال]

تم ہمیں پیارے ہو سو ہم تم کو
جینے کی بد دعا نہیں دیں گے

واہ۔۔۔ کیا خوبصورت غزل ہے۔۔ لاجواب حضور۔۔ بہت سی داد قبول فرمائیے۔۔۔

اس کو جاں دے کے اس سے دل چاہا
اور سنم نے کہا نہیں دیں گے!

یہ "سنم" کا کیا مطلب ہے۔۔ میں نے یہ لفظ پہلی بار پڑھا ہے۔

 

[مہدی نقوی حجاز]

تم ہمیں پیارے ہو سو ہم تم کو
جینے کی بد دعا نہیں دیں گے

واہ۔۔۔ کیا خوبصورت غزل ہے۔۔ لاجواب حضور۔۔ بہت سی داد قبول فرمائیے۔۔۔

اس کو جاں دے کے اس سے دل چاہا
اور سنم نے کہا نہیں دیں گے!

یہ "سنم" کا کیا مطلب ہے۔۔ میں نے یہ لفظ پہلی بار پڑھا ہے۔

جناب بہت شکریہ۔ بہت محبت۔
یہ "سنم" در اصل ٹائپو زدہ "صنم" ہے۔ تدوین شدہ!

 

[مقدس]

واہ واہ واہ

 

[ابن رضا]

واہ واہ کیا بات ہے جناب بہت خوب۔شاد رہیں

اس شعر پہ ذرا نظر فرمالیں کہ میرا اور ہم کا امتزاج ہے یہاں

آسماں ٹوٹے میرے دشمن پر
ہم زمینی سزا نہیں دیں گے

اور اس شعر کی ذرا صراحت سے وضاحت فرما دیں

ہم سخی ہیں، رضائے رب مانگو (یہاں سخاوتِ ذاتی کی بات ہے بمعنی ہم اور مانگنےکے لیے رضائے رب کہا جا رہا ہے۔)
کیا سمجھتے ہو؟ کیا نہیں دیں گے؟ (لاجواب)

تمام ابیات میں آپ نے تم سے تکلم فرمایا ہے سوائے اس شعر کے

بندے تیرے ہیں اور تو یار اپنا
یار کو ہم دغا نہیں دیں گ

 

[نایاب]

واہہہہہہہہہہہہہہہ
بہت خوب
بہت سی دعاؤں بھری داد ۔۔۔۔۔۔
یہ "دعوی دوستی " تو دل کے تار چھیڑ گیا ۔ محترم نقوی بھائی
بندے تیرے ہیں اور تو یار اپنا
یار کو ہم دغا نہیں دیں گے

 

[مزمل شیخ بسمل]

بہت خوب۔ کیا بات ہے۔

 

[ماہی احمد]

بہت عمدہ!

 

[مہدی نقوی حجاز]

واہ واہ واہ

آداب! سلامت رہیں!

 

[مہدی نقوی حجاز]

واہ واہ کیا بات ہے جناب بہت خوب۔شاد رہیں

اس شعر پہ ذرا نظر فرمالیں کہ میرا اور ہم کا امتزاج ہے یہاں

آسماں ٹوٹے میرے دشمن پر
ہم زمینی سزا نہیں دیں گے

اور اس شعر کی ذرا صراحت سے وضاحت فرما دیں

ہم سخی ہیں، رضائے رب مانگو (یہاں سخاوتِ ذاتی کی بات ہے بمعنی ہم اور مانگنےکے لیے رضائے رب کہا جا رہا ہے۔)
کیا سمجھتے ہو؟ کیا نہیں دیں گے؟ (لاجواب)

تمام ابیات میں آپ نے تم سے تکلم فرمایا ہے سوائے اس شعر کے

بندے تیرے ہیں اور تو یار اپنا
یار کو ہم دغا نہیں دیں گ

محبت حضور!

شترگربہ متکلم میں لاگو نہیں ہوتا جناب، یعنی میں، ہم (میرے ہمارے) دونوں کا استعمال ایک ہی شعر میں جائز ہے۔
شعر کی وضاحت چاہی ہے تو عرض ہے کہ وہی:
بات بین السطور ہوتی ہے
شعر میں حاشیہ نہیں ہوتا
توجہ کی ضرورت ہوتی ہے۔ ایک اشارہ یہ ہے کہ ہم رضائے الٰہی کے مالک ہیں۔ یعنی ہم جس سے خوش ہیں رب اس سے راضی۔

 

[مہدی نقوی حجاز]

واہہہہہہہہہہہہہہہ
بہت خوب
بہت سی دعاؤں بھری داد ۔۔۔ ۔۔۔
یہ "دعوی دوستی " تو دل کے تار چھیڑ گیا ۔ محترم نقوی بھائی
بندے تیرے ہیں اور تو یار اپنا
یار کو ہم دغا نہیں دیں گے

سرکار بہت محبت، مسلسل خیر۔

 

[مہدی نقوی حجاز]

بہت خوب۔ کیا بات ہے۔

شکریہ جناب۔ آداب!

 

[مہدی نقوی حجاز]

بہت عمدہ!

بہت آداب محترمہ!

 

[الف عین]

خوب غزل کہی ہے۔ لیکن حاصل غزل شعر میں حروف کا حذف ہونا اچھا نہیں لگ رہا۔ درست تو ہے۔۔ جینے اور پیارے کی ’ےُ کا اسقاط ناگوار ہوا مجھے تو۔

 

[محمد بلال اعظم]

واہ واہ مہدی بھائی
اس خوبصورت غزل پہ ڈھیروں داد
لا جواب
بہت مزہ آیا پڑھ کے۔

 

[مہدی نقوی حجاز]

خوب غزل کہی ہے۔ لیکن حاصل غزل شعر میں حروف کا حذف ہونا اچھا نہیں لگ رہا۔ درست تو ہے۔۔ جینے اور پیارے کی ’ےُ کا اسقاط ناگوار ہوا مجھے تو۔

تعریف کے لیے شکریہ جناب۔ میں دیکھتا ہوں اس شعر کو۔

 

[مہدی نقوی حجاز]

واہ واہ مہدی بھائی
اس خوبصورت غزل پہ ڈھیروں داد
لا جواب
بہت مزہ آیا پڑھ کے۔

بہت شکریہ، شاد و آباد رہیں۔ مسلسل خیر۔

 

[محمد علم اللہ]

بندے تیرے ہیں اور تو یار اپنا
یار کو ہم دغا نہیں دیں گے
دل جیت لیا آپ نے تو سرکار