غزل: کدی خیال وی آیا نئیں سی دُھپے وی ٹھر جانئیں۔۔۔انور مسعود

[بھلکڑ]

غزل
ایویں اوہنوں تڑھیاں دِتیاں کوچ اساں کر جانائیں
اوہدے شہروں دُوجی تھانویں کیہڑا کافر جانائیں

عشق نہ جس دے پلّے اُ س نے ہونائیں لیراں لیراں
جس نوں کوئی کھچ نہ ہووے اُس نے کھلر جانا ئیں

خواباں وچ تکیاں نئیں سن ساڑن والیاں چھانواں
کدی خیال وی نئیں سی دُھپے وی ٹھر جانائیں

شاخاں جیہڑے ساوے پتر کُچھڑ چائے ہوئے
پیلی رُت وچ خورے ایہناں کِدھر کِدھر جانائیں

رونق پچھوں ہونی اے کُجھ گُوہڑی اور اُداسی
میلے نے کُجھ ہور وی کلیاں لوکاں نوں کر جانائیں

منزل تے جا اپڑے انورؔ پے گئے جیہڑے پینڈے
پُچھدے والے پُچھدے رہ گئی کِتھوں تیکر جانائیں

​

 

[بھلکڑ]

 

[نیرنگ خیال]

عشق نہ جس دے پلّے اُ س نے ہونائیں لیراں لیراں
جس نوں کوئی کھچ نہ ہووے اُس نے کھلر جانا ئیں

واہ کیہہ کہنے سرکاراں۔۔۔ ودیا تے ڈونگا کلام لبھ کے شامل کیتا اے۔۔۔ وسدے رہو۔۔۔

 

[تلمیذ]

رونق پچھوں ہونی اے کُجھ گُوہڑہور اُداسی
میلے نے کُجھ ہور وی کلیاں لوکاں نوں کر جانائیں

واہ واہ سبحان اللہ۔
انور مسعود ہوراں دا ایہہ رنگ وی وکھرا ای اے۔!

ونڈن لئی شکریہ، باسم جی۔ جزاک اللہ!

 

[نایاب]

بلے بلے بھلکڑ سرکاراں ۔ کی کمال کلام شریک محفل کیتا اے ۔۔۔۔۔۔
شاخاں جیہڑے ساوے پتر کُچھڑ چائے ہوئے
پیلی رُت وچ خورے ایہناں کِدھر کِدھر جانائیں

 

[عاطف بٹ]

عشق نہ جس دے پلّے اُ س نے ہونائیں لیراں لیراں
جس نوں کوئی کھچ نہ ہووے اُس نے کھلر جانا ئیں

واہ، بوہت عمدہ انتخاب اے۔

 

[حاتم راجپوت]

شاخاں جیہڑے ساوے پتر کُچھڑ چائے ہوئے۔۔۔
واہ سرکاراں واہ۔۔۔ دل کھچ لیا ایس نے تے۔۔
انور مسعود صاحب اپنے وقت دے اک ظالم تے ڈونگھے شاعرنیں۔۔۔
بہت ودھیا جی۔۔ وسدے رہوو۔۔۔

 

[فلک شیر]

تخلیق کار خوش نصیب ہندا اے، کہ تخلیق کر سکدا اے .............خیال اوہدے تے ورہدے نیں تے لفظ اوس پانی نال ذہن اچ اگدے نیں........فیر شاعر اوہناں لفظاں نوں روک نہیں سکدا.............ایہہ اوہدے واسطے زندگی موت دا مسئلہ ہندا اے..........ایہہ دھکے نال کیتا کم نہیں ہوندا اے........ایہہ ہو جاندا اے.....اتے دتی گئی غزل ایہدی عمدہ مثال اے کہ پانی دی طراں وگدے خیال نیں...............
سبحان اللہ............
انور مسعود ہوری ایویں ای ایس مرتبے تے فائز نہیں.................اوہنا کول موجود سامان گھٹ لوکاں کول اے۔۔۔۔۔۔۔۔۔۔۔۔۔۔بہت ای گھٹ

 

[عمراعظم]

خواباں وچ تکیاں نئیں سن ساڑن والیاں چھانواں
کدی خیال وی نئیں سی دُھپے وی ٹھر جانائیں
واہ جی واہ بھلکڑ سائیں۔۔۔ ودھیا تے ڈونگھا کلام۔ جیندے تے وسدے رہو۔

 

[عمر سیف]

بہت خوب