فرحان محمد خان
محفلین
غزل
کرم کا بھی کوئی امکاں کُھلے تو بات چلے
اس التفات کا عنواں کُھلے تو بات چلے
کسی سے ہم بھی کہیں اس کی داستانِ وصال
مگر وہ زلفِ پریشاں کُھلے تو بات چلے
جفا یہ سلسلۂ صد ہزار عنواں ہے
قمیصِ یوسفِ کنعاں کُھلے تو بات چلے
طلسم شیوۂ یاراں کھلا تو کچھ نہ ہوا
کبھی یہ حبس دل و جاں کُھلے تو بات چلے
سفر ہے اور ستاروں کا اک بیاباں ہے
مسافروں سے بیاباں کُھلے تو بات چلے
سلگ رہا ہے افق بجھ رہی ہے آتشِ مہر
یہ رازِ ربطِ گریزاں کُھلے تو بات چلے
کس انتظار میں تھی روح خود نمائیِ گل
برس کے ابرِ بہاراں کُھلے تو بات چلے
کرم کا بھی کوئی امکاں کُھلے تو بات چلے
اس التفات کا عنواں کُھلے تو بات چلے
کسی سے ہم بھی کہیں اس کی داستانِ وصال
مگر وہ زلفِ پریشاں کُھلے تو بات چلے
جفا یہ سلسلۂ صد ہزار عنواں ہے
قمیصِ یوسفِ کنعاں کُھلے تو بات چلے
طلسم شیوۂ یاراں کھلا تو کچھ نہ ہوا
کبھی یہ حبس دل و جاں کُھلے تو بات چلے
سفر ہے اور ستاروں کا اک بیاباں ہے
مسافروں سے بیاباں کُھلے تو بات چلے
سلگ رہا ہے افق بجھ رہی ہے آتشِ مہر
یہ رازِ ربطِ گریزاں کُھلے تو بات چلے
کس انتظار میں تھی روح خود نمائیِ گل
برس کے ابرِ بہاراں کُھلے تو بات چلے
عزیز حامد مدنی
1956ء
1956ء
