غزل: کیسے بھولوں میں مقدر کی ستم رانی کو: محمد حفیظ الرحمٰن

[محمد حفیظ الرحمٰن]

غزل​

محمد حفیظ الرحمٰن​

​

کیسے بھولوں میں مقدر کی ستم رانی کو​

جامہ خوش زیب دیا چاک گریبانی کو​

​

گھِر کے آئی تھی گھٹا ، کھل کے برستی بھی رہی​

تشنہ لب پھر بھی ترستے ہی رہے پانی کو​

​

کِس قدر لرزہ براندام عدو ہوتا ہے​

ناتواں ہاتھ جب اٹھتے ہیں نگہبانی کو​

​

میں نے ہر ایک خطا دل سے بھلا دی تیری​

تو نے بخشا نہ مری ایک ہی نادانی کو​

​

عمر تو صرف ہوئی کارِ زیاں میں اپنی​

اب فقیری میں چھپاتے ہیں تن آسانی کو​

​

 

[محمداحمد]

گھِر کے آئی تھی گھٹا ، کھل کے برستی بھی رہی​

تشنہ لب پھر بھی ترستے ہی رہے پانی کو​

عمر تو صرف ہوئی کارِ زیاں میں اپنی​

اب فقیری میں چھپاتے ہیں تن آسانی کو​

​

​

واہ واہ، بہت خوب!​

​

کیا ہی اچھی غزل ہے۔ بہت خوب ۔ خوش رہیے محترم​

 

[الف عین]

جیو خلیل، کیا چھپے ہوئے خزینے نکالے جا رہے ہیں، جب کہ اپنی عرفیت بدل لی ہے!!

 

[محمد خلیل الرحمٰن]

استادِ محترم ، یہ میرے چھوٹے بھائی ہیں، اور ادبی اور شعری ذوق ماشاء اللہ مجھ سے بہتر پایا ہے۔ میں ہی انھیں کھینچ کر محفل میں لایا ہوں۔ کل ان سے سن کر میں نے ہی ان کی غزل ٹائپ کی ہے۔

 

[ابن سعید]

بہت خوب، بہت عمدہ۔

 

[محمد وارث]

خوبصورت غزل ہے حفیظ صاحب، کیا کہنے بہت داد قبول کیجیے محترم۔

اور خلیل صاحب کا شکریہ آپ کو ادھر کی راہ دکھانے کیلیے، امید ہے تشریف لاتے رہیں گے۔

والسلام

 

[کاشفی]

واہ واہ۔ بہت ہی عمدہ غزل ہے۔۔بہت خوب!

 

[الف عین]

حفیظ واقعی اچھی غزل ہے، مجھے غلط فہمی تھی کہ تمہارے بھائی جان پوسٹ کر رہے ہیں!!
خلیل، شکریہ کہ حفیظ میاں کو یہاں لے آئے۔

 

[محمد خلیل الرحمٰن]

خوبصورت غزل ہے حفیظ صاحب، کیا کہنے بہت داد قبول کیجیے محترم۔

اور خلیل صاحب کا شکریہ آپ کو ادھر کی راہ دکھانے کیلیے، امید ہے تشریف لاتے رہیں گے۔

والسلام

شکریہ اور جزاک اللہ وارث صاحب

حفیظ واقعی اچھی غزل ہے، مجھے غلط فہمی تھی کہ تمہارے بھائی جان پوسٹ کر رہے ہیں!!
خلیل، شکریہ کہ حفیظ میاں کو یہاں لے آئے۔

شکریہ اور جزاک اللہ استادِ محترم

 

[امین عاصم]

گھِر کے آئی تھی گھٹا ، کھل کے برستی بھی رہی​

تشنہ لب پھر بھی ترستے ہی رہے پانی کو​

بہت خوب محترم محمد حفیظ الرحمان صاحب، دلی داد قبول کیجیے،​

والسلام ​

امین عاصمٓ​