محمد احسن سمیع راحلؔ
محفلین
عزیزانِ من، آداب!
ایک پرانی غزل آپ سب کے ذوقِ بسیار خوب کی نذر۔ یہ بتانے کی ضرورت نہیں کہ زمین کس کی ہے
امید ہے احباب اپنی ثمین آراء سے ضرور نوازیں گے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گر مقدر میں گرانی اور ہے
’’اپنے جی میں ہم نے ٹھانی اور ہے‘‘
دیکھنا! شاید دعا سن لی گئی؟
آج رنگِ آسمانی اور ہے!
ڈھونڈتے ہو کیوں وہاں رسمِ وفا
کوچۂ جاناں کا پانی اور ہے!
پھر رہِ یزداں میں جاں دے دیں گے ہم
’’کوئی دن گر زندگانی اور ہے‘‘
کوئی تو ہوگی غرض، جو آپ کی
آج ہم پر مہربانی اور ہے!
ٹوٹنا طے ہے انا کے بند کا
آج یادوں کی روانی اور ہے
لوگ کچھ خوش باش بھی ہیں شہر میں
میرا کیا! میری کہانی اور ہے
اے مسیحا! ٹھیر جا کچھ اور پل
بس اب اک زخمِ نہانی اور ہے
جانتے تو ہو تم احسنؔ کو، مگر
یارو! راحلؔ کی کہانی اور ہے!
ایک پرانی غزل آپ سب کے ذوقِ بسیار خوب کی نذر۔ یہ بتانے کی ضرورت نہیں کہ زمین کس کی ہے
امید ہے احباب اپنی ثمین آراء سے ضرور نوازیں گے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گر مقدر میں گرانی اور ہے
’’اپنے جی میں ہم نے ٹھانی اور ہے‘‘
دیکھنا! شاید دعا سن لی گئی؟
آج رنگِ آسمانی اور ہے!
ڈھونڈتے ہو کیوں وہاں رسمِ وفا
کوچۂ جاناں کا پانی اور ہے!
پھر رہِ یزداں میں جاں دے دیں گے ہم
’’کوئی دن گر زندگانی اور ہے‘‘
کوئی تو ہوگی غرض، جو آپ کی
آج ہم پر مہربانی اور ہے!
ٹوٹنا طے ہے انا کے بند کا
آج یادوں کی روانی اور ہے
لوگ کچھ خوش باش بھی ہیں شہر میں
میرا کیا! میری کہانی اور ہے
اے مسیحا! ٹھیر جا کچھ اور پل
بس اب اک زخمِ نہانی اور ہے
جانتے تو ہو تم احسنؔ کو، مگر
یارو! راحلؔ کی کہانی اور ہے!
