محمد احسن سمیع راحلؔ
محفلین
عزیزانِ گرامی، تسلیمات!
ایک غزل آپ سب کے ذوق کی نذر، امید ہے احباب اپنی قیمتی رائے سے ضرور نوازیں گے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوں دونوں ہاتھ خالی، تن پر قبا شہانا
یارب ظفرؔ سی میری، قسمت نہ تُو بنانا
میں ہوں فقط تمھارا، میرا یقین کرلو
لازم ہے ہجر سے کیا، الفت کو آزمانا؟
چھلنی ہے کب سے سینہ، دل میں رمق نہیں ہے
کس چیز پر رکھو گے، نظروں کا اب نشانہ؟
جس ہجر میں جلے ہم، تم اس میں کیسے نکھرے؟
اب کے ہنر یہ ہم کو لازم سکھا کے جانا
محفل میں جب ہیں دونوں، پھر کیا کمی کسی کی!
کچھ سننا ہم سے غزلیں، کچھ حالِ دل سنانا
وہ دن ہوا ہوئے جب، حاکم تھے ظرف والے
منظور اب نہ ہوگا، لہجہ بھی باغیانہ
بچے بلک رہے ہوں، جب بھوک سے اے واعظ
رہتا نہیں ہے ممکن، عہدِ خودی نبھانا
صدیقؓ ہوں، عمرؓ ہوں، عثمانؓ ہوں یا حیدرؓ
تاجِ جہاں ہے کامل، سرکارﷺ کا گھرانا
راحلؔ کی اپنی ہستی، یوں تو ہے ہیچ، لیکن
رکھتا ہے وہ قلندر، پیروں تلے زمانہ
ایک غزل آپ سب کے ذوق کی نذر، امید ہے احباب اپنی قیمتی رائے سے ضرور نوازیں گے۔
دعاگو،
راحلؔ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہوں دونوں ہاتھ خالی، تن پر قبا شہانا
یارب ظفرؔ سی میری، قسمت نہ تُو بنانا
میں ہوں فقط تمھارا، میرا یقین کرلو
لازم ہے ہجر سے کیا، الفت کو آزمانا؟
چھلنی ہے کب سے سینہ، دل میں رمق نہیں ہے
کس چیز پر رکھو گے، نظروں کا اب نشانہ؟
جس ہجر میں جلے ہم، تم اس میں کیسے نکھرے؟
اب کے ہنر یہ ہم کو لازم سکھا کے جانا
محفل میں جب ہیں دونوں، پھر کیا کمی کسی کی!
کچھ سننا ہم سے غزلیں، کچھ حالِ دل سنانا
وہ دن ہوا ہوئے جب، حاکم تھے ظرف والے
منظور اب نہ ہوگا، لہجہ بھی باغیانہ
بچے بلک رہے ہوں، جب بھوک سے اے واعظ
رہتا نہیں ہے ممکن، عہدِ خودی نبھانا
صدیقؓ ہوں، عمرؓ ہوں، عثمانؓ ہوں یا حیدرؓ
تاجِ جہاں ہے کامل، سرکارﷺ کا گھرانا
راحلؔ کی اپنی ہستی، یوں تو ہے ہیچ، لیکن
رکھتا ہے وہ قلندر، پیروں تلے زمانہ
نظر اور غلط دونوں ہی عربی کے الفاظ ہیں، پھر غلطیوں میں لام کا سکوت روا کیوں نہیں؟