غزل - یک رنگیِ حیات نے تڑپا دیا مجھے

[ایس فصیح ربانی]

غزل

یک رنگیِ حیات نے تڑپا دیا مجھے
غم کی سیاہ رات نے تڑپا دیا مجھے
یا دل کو زندگی کی تمنا نہیں رہی
یا خواہشِ ثبات نے تڑپا دیا مجھے
ہموار اس کی جیت کا رستہ کیا تھا آپ
پھر کیوں یہ اپنی مات نے تڑپا دیا مجھے
کتنی ہی آرزوؤں نے دل کو دیا قرار
کتنی ہی خواہشات نے تڑپا دیا مجھے
میں اس میں لمحہ لمحہ الجھتا چلا گیا
زنجیرِ حادثات نے تڑپا دیا مجھے
خاطر نہ کچھ لحاظ‘ مروت نہ کچھ خیال
تیری اس ایک بات نے تڑپا دیا مجھے
جس سے قرارِ جاں کی مجھے کچھ امید تھی
اس پھول جیسی ذات نے تڑپا دیا مجھے
میں تیری چاہتوں کی تمنا میں محو تھا
ہنس کر مری برات نے تڑپا دیا مجھے
زخم اس کی بے رخی کا ہرا تھا ابھی فصیحؔ
پھر اس کے التفات نے تڑپا دیا مجھے

شاہین فصیحؔ ربانی[/size

 

[محمد وارث]

خوب ہے فصیح صاحب

 

[ایس فصیح ربانی]

محمد وارث صاحب!
آپ کا بہت شکرگزار ہوں کہ حوصلہ افزائی فرمائی۔
بہت خوش رہیے

 

[زیف سید]

بہت خوب ربانی صاحب۔ خوب رواں دواں غزل کہی ہے۔ یہ اشعار خاص طور پر پسند آئے:

غزل


ہموار اس کی جیت کا رستہ کیا تھا آپ
پھر کیوں یہ اپنی مات نے تڑپا دیا مجھے

میں اس میں لمحہ لمحہ الجھتا چلا گیا
زنجیرِ حادثات نے تڑپا دیا مجھے



زخم اس کی بے رخی کا ہرا تھا ابھی فصیحؔ
پھر اس کے التفات نے تڑپا دیا مجھے

[/size

 

[محمود احمد غزنوی]

خاطر نہ کچھ لحاظ‘ مروت نہ کچھ خیال
تیری اس ایک بات نے تڑپا دیا مجھے
زخم اس کی بے رخی کا ہرا تھا ابھی فصیحؔ
پھر اس کے التفات نے تڑپا دیا مجھے
ان دو شعروں نے۔۔۔۔۔۔۔۔۔۔۔۔۔۔۔۔۔تڑپا دیا مجھے

 

[ایس فصیح ربانی]

محترم زیف سید صآاحب!
اس عنایت پر ممنون ہوں۔
بہت خوش رہیے

 

[ایس فصیح ربانی]

جناب محمود غزنوی صاحب!
شعروں کی پسندیدگی پر ممنون ہوں آپ کا۔
بہت خوش رہیے

 

[الف عین]

اچھی غزل ہے، مقطع بطور خاص پسند آیا

 

[ایس فصیح ربانی]

محترم الف عین صاحب!
غزل اور خصوصا مطلع پسند کرنے کی لیے آپ کا ممنون ہوں۔
بہت خوش رہیے۔

 

[کاظمی بابا]

پھر اس کے التفات نے تڑپا دیا مجھے

بہت خوب

 

[ایس فصیح ربانی]

محترم کاظمی صاحب! آپ کا بہت شکریہ