غزل ۔۔۔۔گنگناتی جا ہوا، نغمے لٹاتی جا ہوا ۔۔۔۔۔۔۔۔۔ عزیز بلگامی

[عندلیب]

غزل ۔۔۔۔۔۔۔۔۔۔ عزیز بلگامی​

گنگناتی جا ہوا، نغمے لٹاتی جا ہوا
پھر خس و خاشاک سے دامن بچاتی جا ہوا
میری لے میں لے ذرا تو بھی ملاتی جا ہوا
پھر مرے عزم و یقیں کے گیت گاتی جا ہوا
لوگ شعلوں کو ہوا دینے کے خواہشمند ہیں
نفرتوں کی آگ بھڑکی ہے، بجھاتی جا ہوا
خانۂ دل کی گھٹن کو دور کرنے کے لیے
تُو ذرا وقتِ سحر چپکے سے آتی جا ہوا
میں دلوں میں پیار کا جادو جگاتا ہوں عزیز
میرے نغمے کوچہ کوچہ گنگناتی جا ہوا

 

[کاشفی]

بہت خوب!۔۔۔

 

[ابو لبابہ]

جاوید اختر کی شاعری شئیر کر رہا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جسم دمکتا، زلف گھنیری، رنگیں لب، آنکھیں جادو
سنگِ مرمر، اودا بادل، سرخ شفق، حیراں آہو

بھکشو دانی، پیاسا پانی، دریا ساگر، جل گاگر
گلشن خوشبو، کوئل کُوکُو، مستی دارُو، میں اور تو

بانبی ناگن، چھایا آنگن، گھُنگھرو چھن چھن، آشا من
آنکھیں کاجل، پربت بادل، وہ زلفیں اور یہ بازو

راتیں مہکی، سانسیں دہکی، نظریں بہکی، رُت لہکی
سپن سلونا، پریم کھلونا، پھول بچھونا، وہ پہلو

تم سے دوری، یہ مجبوری، زخمِ کاری، بیداری
تنہا راتیں، سپنے کاٹیں، خود سے باتیں، میری خُو

 

[ابو لبابہ]

ایک اور غزل جناب
کسی نام والی بے نام کے لئے۔۔۔۔۔۔۔۔۔۔۔۔۔۔


تمھاری چاہتوں کا جس لمحے سورج اُبھرتا ہے
تو اُس کی نرم کرنوں سے میرا چہرا نکھرتا ہے

تمھاری دوستی کی بارشیں جب مجھ پے برستی ہیں
تو ان کے سامنے بہتا ہوا دریا ٹہرتا ہے

تمھاری پیاری باتوں سے میری پُرنور ہیں آنکھیں
اس نور کو پانے کو ہر تارا ترستا ہے

اُس وقت ہر غم کو فقط تم سے ہی کہوں میں
قسمت کا تنگ گہرا جب مجھ کو جکڑتا ہے

قدرتی بارش کا اک وقت ہوتا ہے
پر پورا سال مجھ پر یہ بادل برستا ہے

کہتے ہیں لوگ پھولوں سے گلشن میں ہے مہک
در حقیقت تیرا وجود سے ہر گل مہکتا ہے

 

[ایم اے راجا]

بہت خوب، شکریہ شیئر کرنے کے لیئے ، عندلیب صاحبہ

 

[ایم اے راجا]

بہت خوب ابو لبابہ صاحب، مگر کیا ہی اچھا ہوتا کہ آپ درج بالا غزلیں الگ دھاگے میں پروتے