عرفان صدیقی غزل ۔ چراغ دینے لگے گا دھواں نہ چھو لینا ۔ عرفان صدیقی

[محمداحمد]

غزل ​

​

چراغ دینے لگے گا دھواں نہ چھو لینا​

تو میرا جسم کہیں میری جاں نہ چھو لینا​

​

زمیں چُھٹی تو بھٹک جاؤگے خلاؤں میں​

تم اُڑتے اُڑتے کہیں آسماں نہ چھو لینا​

​

نہیں تو برف سا پانی تمھیں جلا دے گا​

گلاس لیتے ہوئے اُنگلیاں نہ چھو لینا​

​

ہمارے لہجے کی شائستگی کے دھوکے میں​

ہماری باتوں کی گہرائیاں نہ چھو لینا​

​

اُڑے تو پھر نہ ملیں گے رفاقتوں کے پرند​

شکایتوں سے بھری ٹہنیاں نہ چھو لینا​

​

مروّتوں کو محبت نہ جاننا، عرفان​

تم اپنے سینے سے نوکِ سناں نہ چھو لینا​

​

عرفان صدیقی​

 

[فلک شیر]

عرفان صدیقی ...............کیا کہنے
عنایت کے لیے تشکر احمد بھائی...........
ان کا مجموعہ کلام موجود ہے آپ کے پاس؟

 

[محمداحمد]

عرفان صدیقی ...............کیا کہنے
عنایت کے لیے تشکر احمد بھائی...........
ان کا مجموعہ کلام موجود ہے آپ کے پاس؟

بہت شکریہ بھائی۔۔۔۔!

عرفان صدیقی کا مجموعہ میرے پاس پی ڈی ایٖف فارمیٹ میں موجود ہے جو کہ ایک دوست غالب ایاز سے ملا تھا۔

 

[فلک شیر]

بہت شکریہ بھائی۔۔۔ ۔!

عرفان صدیقی کا مجموعہ میرے پاس پی ڈی ایٖف فارمیٹ میں موجود ہے جو کہ ایک دوست غالب ایاز سے ملا تھا۔

میں نے بھی ایک دوست سے لے کے فوٹو کاپی کروایا تھا...............

 

[طارق شاہ]

ہمارے لہجے کی شائستگی کے دھوکے میں !​

ہماری باتوں کی گہرائیاں نہ چُھو لینا​

​

کیا کہنے ، کیا ہی اچھا ہے صاحب ​

احمد صاحب!​

تشکّراِس اِنتخابِ خوب شیئر کرنے پر ​

بہت خوش رہیں ​

 

[غدیر زھرا]

واہ خوب --

 

[عمر سیف]

بہت خوب

 

[محمداحمد]

ہمارے لہجے کی شائستگی کے دھوکے میں !​

ہماری باتوں کی گہرائیاں نہ چُھو لینا​

​

کیا کہنے ، کیا ہی اچھا ہے صاحب ​

احمد صاحب!​

تشکّراِس اِنتخابِ خوب شیئر کرنے پر ​

بہت خوش رہیں ​

واہ خوب --

بہت خوب

شکریہ

 

[نیرنگ خیال]

ہمارے لہجے کی شائستگی کے دھوکے میں​

ہماری باتوں کی گہرائیاں نہ چھو لینا​

​

واہ کیا کہنے۔۔۔ کیا زبردست انتخاب ہے۔۔۔ بہت عمدہ۔۔۔ ​

 

[فرحت کیانی]

زمیں چُھٹی تو بھٹک جاؤگے خلاؤں میں​

تم اُڑتے اُڑتے کہیں آسماں نہ چھو لینا​

بہت خوب۔ حسبِ روایت بہترین انتخاب۔ بہت شکریہ محمداحمد ! ​

ممکن ہو تو عرفان صدیقی کا مزید کلام بھی شیئر کریں پلیز۔ ​

 

[محمداحمد]

زمیں چُھٹی تو بھٹک جاؤگے خلاؤں میں​

تم اُڑتے اُڑتے کہیں آسماں نہ چھو لینا​

بہت خوب۔ حسبِ روایت بہترین انتخاب۔ بہت شکریہ محمداحمد ! ​

ممکن ہو تو عرفان صدیقی کا مزید کلام بھی شیئر کریں پلیز۔ ​

بہت شکریہ۔۔۔۔!

انشاءاللہ ! بشرط فرصت مزید کلام بھی شاملِ محفل کروں گا۔