غزل

[Wajih Bukhari]

جمالِ نو تبسّم سے ترے ایجاد پائے گا

قدم کی خاک پر تازہ جہاں بنیاد پائے گا


مجاور بت کدے دیکھ لے تجھ کو تو پھر دل میں

طریقِ بت پرستی کی جگہ الحاد پائے گا


نہیں ہے لَوٹنا مجھ کو تری آنکھوں کے ساحل سے

کوئی اب ریت پر مٹتی مری رُوداد پائے گا


جدا ہوتے ہوئے یہ سوچ کر تکلیف کم ہوگی

بہت سے چاہنے والے تُو میرے بعد پائے گا


رہوں گا منتظر تیرا، مری جانب چلا آئیں

کبھی جو بھول کر دل میں تُو میری یاد پائے گا


مبارک ہے جبیں تیری، ترے اقبال سے عالَم

زمیں پر خاتمۂِ ظلم و استبداد پائے گا


توجّہ سے زیادہ ہے ترے اِغماض میں جادو

ترا مسحور کیا اب قوّتِ فریاد پائے گا!


سُلا دے گا انا کو لمس تیرا نرم ہاتھوں سے

پگھلتا خود کو قربت میں دلِ فولاد پائے گا


دریچوں میں تری آنکھوں کے کوئی جھانک کر دیکھے

مچلتا قلب میں طوفانِ برق و رعد پائے گا

۔--- ۔--- ۔--- ۔---