غزل

[اقرار مصطفی]

یوں بابِ حسنِ یار کھلا میرے سامنے
مرنے سے پہلے آئی قضا میرے سامنے

صدیوں کی پیاس،چور بدن اور مسافتیں
منزل ملی نہ رستہ رہا میرے سامنے۔۔۔۔۔۔۔

جس کی سخن وری کا تھا شہرِ ادب میں شور
ابھری نہ کیوں پھر اُس کی صدا میرے سامنے

جب بجھ گئے چراغ تو پھر دم بخود ہے کیوں
مغرور کس لیے ہے ہوا میرے سامنے۔۔۔۔۔!

بے انتہا خوشی تھی چھپائے نہ چھپ سکی
جب تُو نے میرا نام لیا میرے سامنے۔۔۔۔

ماں!تُو بھی جا کے موت کے پہلو میں سو گئی
اب کون دے مجھ کو دعا میرے سامنے

اقرار میں بھی کرتا نہ کیوں اُس کی ذات کا
ہر روپ میں عیاں تھا خدا میرے سامنے
اقرار مصطفی

 

[سید عاطف علی]

اب کون دے مجھ کو دعا میرے سامنے

واہ خوب ۔
اس مصرع میں شاید 'گا' چھوٹ گیا غلطی سے۔

 

[شکیب]

بہت اچھی غزل ہے اقرار صاحب!

بے انتہا خوشی تھی چھپائے نہ چھپ سکی
جب تُو نے میرا نام لیا میرے سامنے۔

زبردست۔

 

[شکیب]

آپ نے اپنا تعارف نہیں کرایا۔ یہاں ایک نئی لڑی بنا کر پیش کیجیے۔
تعارف و انٹرویو

 

[اقرار مصطفی]

واہ خوب ۔
اس مصرع میں شاید 'گا' چھوٹ گیا غلطی سے۔

جی، بلکل، لکھنے میں رہ گیا

 

[اقرار مصطفی]

بہت اچھی غزل ہے اقرار صاحب!

زبردست۔

متشکرم