غزل

[صفی حیدر]

شب کی بے خوابی مجھ میں باقی ہے
دن کی بے تابی مجھ میں باقی ہے
بجھ گئے ہیں چراغ تاروں کے
شمع یہ کیسی مجھ میں باقی ہے
گو میں سورج کے سنگ چلتا ہوں
رات اک گہری مجھ میں باقی ہے
سب ہی گم ہو گئی ہیں آوازیں
اک صدا روتی مجھ میں باقی ہے
سانس گنتے ہو یہ سوچ کر میری
زندگی کتنی مجھ میں باقی ہے
میرے سب خواب مر گئے لیکن
آس کیوں تیری مجھ میں باقی ہے
تم ہی سوچوں میں بس گئے ہو صفی
بس یہ آزادی مجھ میں باقی ہے

 

[سید اسد معروف]

بہت اچھے۔

 

[مریم افتخار]

خیالات اچھے معلوم ہوتے ہیں بھیا۔۔۔
لیکن قافیے انکو نہیں کہتے شاید۔۔۔۔۔

 

[صفی حیدر]

خیالات اچھے معلوم ہوتے ہیں بھیا۔۔۔
لیکن قافیے انکو نہیں کہتے شاید۔۔۔۔۔

خیالات کو پسند کرنے کا شکریہ ۔ اپنی فہم کے مطابق لکھا ہے۔آپ اگر راہنمائی کریں تو آپ کا مشکور ہوں گا ۔
https://www.facebook.com/HasilIshaqLahasil/
یہ میرا شاعری کا پیج ہے ۔آپ اگر اس پر موجود میری کاوشوں کو دیکھ کر اپنے اپنی قیمتی رائے سے نوازیں تو آپ کا مشکور ہوں گا ۔

 

[صفی حیدر]

بہت اچھے۔

بہت شکریہ آپ کی حوصلہ افزائی کا ۔۔۔

 

[محمد وارث]

مطلع میں ایطا ہے۔ یعنی یہ کہ مطلع میں بے خوابی اور بے تابی قافیہ سے لگتا ہے کہ شاعر نے قافیہ "آبی" باندھا ہے یعنی بی اور اُس سے پہلے الف۔ لیکن دیگر اشعار میں قافیہ صرف "ای" ہو گیا ہے جیسے کیسی، گہری، کتنی، تیری وغیرہ۔

اگر تو مطلع کے قافیے تبدیل نہیں کرنے تو پھر ان کے ساتھ صحابی، عنابی، آبی،وہابی، شتابی، شرابی، کبابی، جوابی، قافیے لائیے نہیں تو مطلع کا قافیہ بدل دیں باقی قوافی درست ہو جائیں گے۔

 

[مریم افتخار]

میں بذاتِ خود ادنٰی طالبہ ہوں۔۔۔۔
میرا اشارہ اس طرف ہے کہ آپ دیکھئیے ردیف سے پہلے والے حروف ہم آواز نہیں ہیں سوائے خوابی اور تابی کے۔۔۔
کیسی ، گہری، روتی، کتنی ، تیری۔۔۔۔۔۔
یہ قافیے نہیں ہیں۔۔۔
اور قافیے ہی تو چاہیئیں غزل میں

 

[صفی حیدر]

مطلع میں ایطا ہے۔ یعنی یہ کہ مطلع میں بے خوابی اور بے تابی قافیہ سے لگتا ہے کہ شاعر نے قافیہ "آبی" باندھا ہے یعنی بی اور اُس سے پہلے الف۔ لیکن دیگر اشعار میں قافیہ صرف "ای" ہو گیا ہے جیسے کیسی، گہری، کتنی، تیری وغیرہ۔

اگر تو مطلع کے قافیے تبدیل نہیں کرنے تو پھر ان کے ساتھ صحابی، عنابی، آبی،وہابی، شتابی، شرابی، کبابی، جوابی، قافیے لائیے نہیں تو مطلع کا قافیہ بدل دیں باقی قوافی درست ہو جائیں گے۔

بہت بہت شکریہ آپ نے راہنمائی کی ۔یہ میری کم علمی کی وجہ سے ہوا ۔میں آپ کی دی ہوئی راہنمائی کی روشنی میں مطلع کے قافیہ کو بدل دوں گا ۔ آپ سے درخواست ہے کہ آئندہ بھی میری راہنمائی کرتے رہیے گا ۔آپ کی ہوئی اصلاح اور دی ہوئی راہنمائی میرے لیے بہت قیمتی ہے ۔

 

[صفی حیدر]

میں بذاتِ خود ادنٰی طالبہ ہوں۔۔۔۔
میرا اشارہ اس طرف ہے کہ آپ دیکھئیے ردیف سے پہلے والے حروف ہم آواز نہیں ہیں سوائے خوابی اور تابی کے۔۔۔
کیسی ، گہری، روتی، کتنی ، تیری۔۔۔۔۔۔
یہ قافیے نہیں ہیں۔۔۔
اور قافیے ہی تو چاہیئیں غزل میں

آپ نے درست نشاندہی کی ہے ۔ آئندہ ایسی غلطی نہیں ہو گی ۔آپ کی رائے کر مطابق درست کرنے کی کوشش کرتا ہوں ۔امید ہے آپ آئندہ بھی راہنمائی کرتی رہیں گی ۔

 

[ابن رضا]

جیسا کہ محترم محمد وارث صاحب نے بتایا مطلع کا قافیہ اگر دیکھیں تو بے خوابی اور بے تابی میں اصل لفظ بے خواب اور بے تاب ہیں اس حساب سے ب کو قافیے کا حرفِ روی مانا جائے گا اس لحاظ سے اگلے ابیات کے ہر قافیے میں ب کی تکرار لازم ہے اگر آپ کا مقصد ی کو حرفِ روی بنانا ہے تو مطلع کے ایک مصرع میں قافیہ ایسا لائیں جس کا آخری اصلی حرف ی ہو

 

[ابن رضا]

مطلع میں ایطا ہے۔ یعنی یہ کہ مطلع میں بے خوابی اور بے تابی قافیہ سے لگتا ہے کہ شاعر نے قافیہ "آبی" باندھا ہے یعنی بی اور اُس سے پہلے الف۔ لیکن دیگر اشعار میں قافیہ صرف "ای" ہو گیا ہے جیسے کیسی، گہری، کتنی، تیری وغیرہ۔

اگر تو مطلع کے قافیے تبدیل نہیں کرنے تو پھر ان کے ساتھ صحابی، عنابی، آبی،وہابی، شتابی، شرابی، کبابی، جوابی، قافیے لائیے نہیں تو مطلع کا قافیہ بدل دیں باقی قوافی درست ہو جائیں گے۔

سر ایطا کے حوالے سے تھوڑا اشکال دور فرما دیجیے۔ مطلع میں اعلاِن روی کے بعد اگلے ابیات کے قوافی میں مطابقت نہ ہونا تو اپنی جگہ موجو د ہے ہی مگر میرا اشکال مطلع کے قوافی میں ایطا کے حوالے سے ہے۔

قوافی
بے خوابی بروزن لابی
بے تابی

لفظ کی اصل حالت
خواب (خاب)
تاب

روی ب

ساکن الف ماقبل روی اسے ردف کہا جائے گا کہ حروف علت میں سے ہے

حرکت ماقبل الف فتحہ ہے جو کہ دونوں قوافی میں موجود ہے

ایطا کیوں کر ہے ان قوافی میں؟

 

[محمد وارث]

سر ایطا کے حوالے سے تھوڑا اشکال دور فرما دیجیے۔ مطلع میں اعلاِن روی کے بعد اگلے ابیات کے قوافی میں مطابقت نہ ہونا تو اپنی جگہ موجو د ہے ہی مگر میرا اشکال مطلع کے قوافی میں ایطا کے حوالے سے ہے۔

قوافی
بے خوابی بروزن لابی
بے تابی

لفظ کی اصل حالت
خواب (خاب)
تاب

روی ب

ساکن الف ماقبل روی الف ہےاسے ردف کہا جائے گا کہ حروف علت میں سے ہے

حرکت ماقبل الف فتحہ جو کہ دونوں موجود ہے

ایطا کیوں کر ہے ان قوافی میں؟

آپ نے درست فرمایا قوافی کا حرف روی بدلا ہے بجائے ایطا کے۔ مجھ سے ہی لکھنے میں غلطی ہو گئی۔

 

[صفی حیدر]

بہت شکریہ سر ۔آپ نے اپنی قیمتی رائے سے نوازا ۔

جیسا کہ محترم محمد وارث صاحب نے بتایا مطلع کا قافیہ اگر دیکھیں تو بے خوابی اور بے تابی میں اصل لفظ بے خواب اور بے تاب ہیں اس حساب سے ب کو قافیے کا حرفِ روی مانا جائے گا اس لحاظ سے اگلے ابیات کے ہر قافیے میں ب کی تکرار لازم ہے اگر آپ کا مقصد ی کو حرفِ روی بنانا ہے تو مطلع کے ایک مصرع میں قافیہ ایسا لائیں جس کا آخری اصلی حرف ی ہو

بہت شکریہ سر ۔آپ نے پہلے بھی میری راہنمائی کی تھی اور اب بھی میری معلومات میں اضافعہ کیا ۔مجھے قافیہ میں میں حرفِ روی کا کچھ اندازہ تو ہے لیکن اس غزل میں اسے برتنے میں چوک ہو گئی ۔آئندہ اس کا خیال رکھوں گا اور مطلع بھی آپ کی رائے کی روشنی میں تبدیل کر دوں گا ۔سر میرے ساتھ المیہ یہ ہی ہے کہ مجھے اساتذہ سخن کی صحبت نصیب نہیں ہو سکی اس لیے اصلاح کی برکتوں سے محروم ہوں ۔لیکن اب امید ہو چلی ہے کہ اس فورم پر آپ کی راہنمائی سے بہت کچھ سیکھنے اور اپنے فن کو نکھارنے میں مدد ملے گی ۔اپنی آئندہ کی کاوشوں پر آپ کی رائے کا منتظر رہوں گا۔

 

[صفی حیدر]

سر ایطا کے حوالے سے تھوڑا اشکال دور فرما دیجیے۔ مطلع میں اعلاِن روی کے بعد اگلے ابیات کے قوافی میں مطابقت نہ ہونا تو اپنی جگہ موجو د ہے ہی مگر میرا اشکال مطلع کے قوافی میں ایطا کے حوالے سے ہے۔

قوافی
بے خوابی بروزن لابی
بے تابی

لفظ کی اصل حالت
خواب (خاب)
تاب

روی ب

ساکن الف ماقبل روی اسے ردف کہا جائے گا کہ حروف علت میں سے ہے

حرکت ماقبل الف فتحہ ہے جو کہ دونوں قوافی میں موجود ہے

ایطا کیوں کر ہے ان قوافی میں؟

محترم سر ، حرف روی کا کچھ فہم تو ہے ۔آپ ایطا کے تصور کی کچھ وضاحت کر دیں ۔ ؟ ؟ ۔میرے علم میں اضافعہ ہو گا اور آپ کا شکر گزار ہوں گا ۔

 

[صفی حیدر]

آپ نے درست فرمایا قوافی کا حرف روی بدلا ہے بجائے ایطا کے۔ مجھ سے ہی لکھنے میں غلطی ہو گئی۔

بہت شکریہ سر ۔آپ کی مدد اور راہنمائی کا منتظر رہوں گا۔

 

[ابن رضا]

محترم سر ، حرف روی کا کچھ فہم تو ہے ۔آپ ایطا کے تصور کی کچھ وضاحت کر دیں ۔ ؟ ؟ ۔میرے علم میں اضافعہ ہو گا اور آپ کا شکر گزار ہوں گا ۔

http://www.urduweb.org/mehfil/threads/روشنی-پھیلتی-گئ%

 

[صفی حیدر]

http://www.urduweb.org/mehfil/threads/روشنی-پھیلتی-گئ%

سر آپ نے جو لنک دیا ہے اس کو کھولیں تو جواب آتا ہے ۔یہ صفحہ دستیاب نہیں۔ آپ اگر کوئی اور لنک دے سکیں یا کچھ وضاحت کر دیں تو میری کم علمی کا مداوا ہو جائے گا ۔