یوسف سلطان
محفلین
"بارہ ماہ "
چیت
چیت مہینہ چڑھیا اڑیو میں ہن لبن جاواں گی
بانا پہن فقیراں والا گل وچ کفنی پاواں گی
لبھ کے سوہنا ماہی اپنا پیریں پے مناواں گی
غلام حضورشاہ دے آکھے لگ کے دُکھڑے میں سناواں گی
وساکھ
وساکھ وساکھی ٹرگئے لوکیں گھر وچہ بیٹھی رواںمیں
دن سارا میرا روندیاں گزریا ہنجو ہار پروواں میں
درد غماں وچہ رُڑ دی جاواں راتیں کدے نہ سوواں میں
غلام حضور شاہ پریشان ہاں ڈاہڈی کوٹھے چڑھ کھلوواں میں
جیٹھ
جدائیاں تیریاں مینوں غماں دا بالن بالیا سو
دردرپھراں میں لبھدی تینوں دیس کیڑا جا بھالیا سو
درد غماں دے کولے پا کے گھت کھٹالی گالیا سو
غلام حضورشاہ نوں لالچ لا کے گلاں دے وچہ ٹالیا سو
ہاڑ
چڑھے ہاڑ پاواں ہاڑے ماہی پھیرا نئیں پایا ای
درد غماں دی موئی نوں نواں وچھوڑا پایا ای
پر پر ودھی نال زخماں دی نوں تیر کلیجے لایا ای
غلام حضورشاہ دےآکھے لگ کے کھوتا کھوہ چا پایا ای
ساون
چڑھدے ساون کُڑیاں در تھیں پینگاں پایاں جے
نسیاں بھجیاں کڑیاں آون پینگاں جھوٹن آیاں جے
بدل گھٹاں نیں زور چا پایا ساون جھڑیاں لایاں جے
آخری مصرع مٹیا ہویا سی
بھادروں
بھادروںبھار پیا دل میرے کوئی سنے ناں فریاداں نوں
گھر وچہ بیٹھی دل پرچاواں کر کر یاد تیریاں یاداں نوں
دل نوں میں سمجھایا ڈاہڈا چھڈ دے سبھ سواداں نوں
غلام حضور شاہ بلاوے بیٹھا کوئی سندا نیئں واجاں نوں
اسوج
اسوج اساں کر کر تھکی دلاں دا مقصد پایا نہ
یاد کر کر راتیں ستی خواب دے وچہ وی آیا نہ
رو رو بیٹھی میں پچھتاواں رُوٹھیا یار منایا نہ
غلام حضور شاہ نوں طعنے ماراں دلاں دا مقصد پایا نہ
کاتک
چڑھدے کاتک ماہی نہ آیا میں ہن مر دی جانی آں
پچھلا وقت پھر ہتھ نہ آوے رو رو پئی پچھتانی آں
داد فریاد کوئی سنے نہ میری کونج وانگوں کرلانی آں
غلام حضور شاہ توں منگ دعائیں مانے پیا جوانیاں
مگھر
مگھر مار مکایا مینوں تیرے حجر وچھوڑے جے
زخماں تیریاں مار مکایا جیویں جسم تے پُھوڑِے جے
لہو سی میرے وچہ رہیا نہ کائی خون میرا نچوڑیا جے
غلام حضور شاہ سمجھاوے اوہناں نوں واگاں پچھاں چا موڑیا جے
پوہ
پوہ پکاراں کر کر تھکی گھرماہی نہ آوندا اے
مُل مِلے خرید میں لیندی بازار نہ کِتے وکیندا اے
زخماں نال میں پر پر ودھی مرہم مینوں نئیں لواندا اے
طعنے مارے مینوں بیٹھی حضور شاہ نہ سمجھاندا اے
ماگھ
ماگھ مہنے ماگهی آئی خوشیاں لوگ مناندے نے
میں وچاری گھر وچہ بیٹھی لوکیں میلے جاندے نے
گھر دے مرنے کر کر تھکی لوکیں عیش مناندے نے
غلام حضور شاہ سمجھاوے لوکاں تائیں کیوں ماگھ گواندے نے
غلام حضور شاہ
آخری تدوین:
