غلام ربانی تاباں : نا رسائی میں فغاں کی آبرو ہے دوستو

[سید زبیر]

نا رسائی میں فغاں کی آبرو ہے دوستو​

عاشقی پیہم تلاش وجستجو ہے دوستو​

آئنہ خانے میں کیا رکھا ہے حیرت کے سوا​

جو نظر آتا ہے ' عکس آرزو ہے دوستو​

کچھ نہ کہہ کر بھی بہت کچھ کہہ دیا کرتے ہیں لوگ​

خامشی بھی ایک طرزِگفتگو ہے دوستو​

تاک میں صہبا'گلوںمیں بو' صبا میں پیچ و خم​

سب کرشمہ سازیِ ذوق و نمو ہے دوستو​

دل تو دیوانہ سہی لیکن ہوس کا کیا علاج​

ہوش کا دامن بھی محتاج ِ رفو ہے دوستو​

ہر قدم پر جل رہے ہیں راہ الفت میں چراغ​

ہر قدم پر نقش پائے جستجو ہے دوستو​

کوششِ عرضِ ہنرظاہر میں تاباں کی غزل​

اور در پردہ کسی سے گفتگو ہے دوستو​

​

'ذوق سفر ' غلام ربانی تاباں​

​

 

[امجد علی راجا]

بہت خوب شراکت زبیر بھیا!

 

[نایاب]

واہہہہہہہہہہ
کیا کہنے ۔۔۔۔۔۔۔۔۔۔۔
دل تو دیوانہ سہی لیکن ہوس کا کیا علاج
ہوش کا دامن بھی محتاج ِ رفو ہے دوستو
بہت خوب انتخاب

 

[مہ جبین]

کچھ نہ کہہ کر بھی بہت کچھ کہہ دیا کرتے ہیں لوگ
خامشی بھی ایک طرزِگفتگو ہے دوستو
تاک میں صہبا'گلوںمیں بو' صبا میں پیچ و خم
سب کرشمہ سازیِ ذوق و نمو ہے دوستو
واہ واہ کیا بہترین کلام شامل کیا ہے سید زبیر بھائی