مبارکباد فادرز ڈے

[زیک]

آج فادرز ڈے ہے۔ محفلین کو بہت مبارک ہو۔

 

[الشفاء]

الٰلھم اغفر لابی وارفع درجاتہ۔۔۔
اے اللہ۔ میرے والدصاحب کی مغفرت فرما اور ان کے درجات بلند فرما۔۔۔ آمین۔۔۔

 

[نایاب]

جو اپنے والد کو یاد رکھتے ہیں ان سب کو فادرز ڈے مبارک ۔
مجھے تو صبح سے جتنی بار یہ مبارک پڑھنے کو ملی ۔۔ یہی دعا زباں پر آئی ۔۔۔۔۔

الٰلھم اغفر لابی وارفع درجاتہ۔۔۔
اے اللہ۔ میرے والدصاحب کی مغفرت فرما اور ان کے درجات بلند فرما۔۔۔ آمین۔۔۔

 

[عبدالقیوم چوہدری]

بابا جانی
بستر پہ بیمار پڑے تھے
بابا جانی کروٹ لے کر
ہلکی سی آواز میں بولے
بیٹا کل کیا منگل ہو گا
گردن موڑے بِن میں بولا
بابا کل تو بُدھ کا دِن ہے
بابا جانی سُن نہ پائے
پھر سے پوچھا کل کیا دِن ہے
تھوڑی گردن موڑ کے میں نے
لہجے میں کُچھ زہر مِلا کے
منہ کو کان کی سِیدھ میں لا کے
دھاڑ کے بولا بُدھ ہے بابا
بُدھ ہے بابا۔۔بُدھ ہے بابا
آنکھوں میں دو موتی چمکے
سُوکھے سے دو ہونٹ بھی لرزے
لہجے میں کُچھ شہد مِلا کے
بابا بولے بیٹھو بیٹا
چھوڑو دِن کو دِن ہیں پُورے
تُم میں میرا حصہ سُن لو
بچپن کا اِک قِصّہ سُن لو
یہی جگہ تھی میں تھا تُم تھے
تُو نے پُوچھا رنگ برنگی
پھولوں پر یہ اُڑنے والی
اِس کا نام بتاؤ بابا
گال پہ بوسہ دے کر میں نے
پیار سے بولا تِتلی بیٹا
تُو نے پُوچھا کیا ہے بابا
پِھر میں بولا تِتلی بیٹا
تِتلی تِتلی کہتے سُنتے
ایک مہینہ پُورا گُذرا
ایک مہینہ پُوچھ کے بیٹا
تِتلی کہنا تُو نے سِیکھا
ہر اِک نام جو سِیکھا تُو نے
کِتنی بار وہ پُوچھا تُو نے
تیرے بھی تو دانت نہیں تھے
میرے بھی اَب دانت نہیں ہیں
تیرے پاس تو بابا تھے نا
باتیں کرتے کرتے تُو تو
تھک کے گود میں سو جاتا تھا
تیرے پاس تو بابا تھے نا
میرے پاس تو بیٹا ہے نا
بُوڑھے سے اِس بَچے کی بھی
بابا ہوتے سُن بھی لیتے
تیرے پاس تو بابا تھے نا
میرے پاس تو بیٹا ہے نا
میرے پاس تو بیٹا ہے نا

عابی مکھنوی
۔۔۔۔
اللہ پاک سے دعا گو ہوں کہ جس جس کے والد اس دنیا سے رخصت ہو گئے ہیں سب کو کروٹ کروٹ جنت نصیب فرمائیں۔ آمین
اور جن کے والد حیات ہیں انھیں ان کی بھر پور خدمت کرنے کی ہمت اور طاقت عطا فرمائیں۔ آمین

 

[قیصرانی]

ہمارے ہاں تو نہیں ہے، لیکن پھر بھی جہاں جہاں ہے، ان لوگوں کو مبارکباد ہو

 

[عمر سیف]

میرا تو ہر دن فادر ڈے ہے ۔۔ اللہ رسول کے نام کے بعد اپنے والد کی مغفرت کی دعا کرنا معمول بن گیا ہے ۔۔۔
اللہ پاک ان کی مغفرت فرمائے آمین ۔۔

 

[قیصرانی]

میرا تو ہر دن فادر ڈے ہے ۔۔ اللہ رسول کے نام کے بعد اپنے والد کی مغفرت کی دعا کرنا معمول بن گیا ہے ۔۔۔
اللہ پاک ان کی مغفرت فرمائے آمین ۔۔

ثم آمین

 

[زیک]

آج صبح آنکھ کھلی تو پہلے الفاظ سنے "ہیپی فادرز ڈے ڈیڈی"۔ پھر بیٹی نے خود بنایا ہوا کارڈ دیا-

ناشتے کے بعد ابو کو سکائپ کیا اور گپ شپ لگائی۔

سنا ہے کہ بیٹی اور بیوی شام میں کہیں ڈنر پر لے جا رہے ہیں مگر جگہ صیغہ راز میں ہے

 

[قیصرانی]

آج صبح آنکھ کھلی تو پہلے الفاظ سنے "ہیپی فادرز ڈے ڈیڈی"۔ پھر بیٹی نے خود بنایا ہوا کارڈ دیا-

ناشتے کے بعد ابو کو سکائپ کیا اور گپ شپ لگائی۔

سنا ہے کہ بیٹی اور بیوی شام میں کہیں ڈنر پر لے جا رہے ہیں مگر جگہ صیغہ راز میں ہے

اپنے ہی گھر میں اقلیت ہونا کیسا لگتا ہے

 

[زیک]

اپنے ہی گھر میں اقلیت ہونا کیسا لگتا ہے

بہت اچھا

 

[حاتم راجپوت]

آج فادرز ڈے ہے۔ محفلین کو بہت مبارک ہو۔

شکریہ۔ آپ کو بھی مبارک ہو ۔

 

[سید شہزاد ناصر]

الٰلھم اغفر لابی وارفع درجاتہ۔۔۔
اے اللہ۔ میرے والدصاحب کی مغفرت فرما اور ان کے درجات بلند فرما۔۔۔ آمین۔۔۔

اور یہ ہی دعا میرے دل سے بھی نکلی

 

[زیک]

زبردست سٹیک! بیٹی نے بہترین سٹیک ہاؤس کا انتخاب کیا تھا

 

[سید شہزاد ناصر]

زبردست سٹیک! بیٹی نے بہترین سٹیک ہاؤس کا انتخاب کیا تھا

آپ کے کتنے بچے ہیں؟

 

[زیک]

آپ کے کتنے بچے ہیں؟

ایک

 

[سید شہزاد ناصر]

ایک

اللہ آپ کی فیملی کو ہمیشہ اپنی رحمت کے سائے میں رکھے آمین

 

[لئیق احمد]

اے رب کریم میرے والدین کو صحت و تندرستی اور لمبی عمر عطافرما۔ اور ہمیں ان کی خدمت کی توفیق عطا فرما۔ آمین