فرائی فِش ( ماوراء کی فرمائش )

[حجاب]

فرائی فِش۔
٪٪٪٪٪٪٪٪٪٪٪٪

اجزاء۔
٪٪٪٪٪٪٪٪

مچھلی ۔ ایک کلو ( فرائی کرنے کے لیئے ٹکڑے بنوا لیں )
لال مرچ پسی ہوئی ایک کھانے کا چمچ یا حسبِ ذائقہ۔
نمک حسبِ ذائقہ۔
پسا ہوا لہسن 2 کھانے کے چمچ ۔
سرکہ 3 سے 4 کھانے کے چمچ۔
اجوائن ایک چائے کا چمچ باریک پاؤڈر یا پیسٹ۔
بیسن آدھا پاؤ۔
آئل حسبِ ضرورت۔

ترکیب۔
٪٪٪٪٪٪٪٪٪٪٪
سب سے پہلے مچھلی کو نمک اور سرکہ لگا کر 15 سے 20 منٹ کے لیئے رکھ دیں اور پھر اچھی طرح دھو لیں۔اب لہسن ،اجوائن ، نمک اور مرچ کو اچھی طرح مچھلی کے ٹکڑوں پر لگا دیں۔اب ایک بڑی پلیٹ میں مصالحہ لگی مچھلی کے ٹکڑے اس طرح رکھیں کہ ٹکڑے آپس میں جڑے رہیں اب مچھلی کو کم از کم 2 گھنٹے کے لیئے فریج میں میرینیٹ ہونے کے لیئے رکھ دیں تا کہ مچھلی کا زائد پانی نکل جائے۔اب بیسن میں حسبِ ذائقہ نمک اور تھوڑی سی پسی ہوئی لال مرچ ملا کر آمیزہ بنا لیں ۔زیادہ گاڑھا آمیزہ نہ ہو۔آئل گرم کرکے مچھلی کے ٹکڑوں کو بیسن میں ڈبو کر درمیانی آنچ پر دونوں طرف سے گولڈن براؤن فرائی کرلیں۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪​

 

[ماوراء]

زبردست۔ میرے منہ میں پانی آ گیا ہے۔ بس یہ بتاؤ کہ مچھلی کون سی لینی ہے؟؟ میں اسے پہلی فرصت میں بناتی ہوں، بیسن والی اور فرائی مچھلی مجھے بہت پسند ہے۔

 

[حجاب]

ماوراء مجھے تو بغیر کانٹے والی مچھلی پسند ہے ۔ٹیونا فِش اچھی لگتی ہے یہی بنا لو تم بھی۔

 

[ماوراء]

حجاب نے اس کی تصویر بھی بھیجی تھی، وہ لگا رہی ہوں۔

 

[ماوراء]

فرائی مچھلی کی ایک تصویر میں بھی لگا دیتی ہوں، لیکن یہ اس ترکیب کی تصویر نہیں ہے۔

 

[حجاب]

ماوراء تصویر یہاں نہیں مچھلی کے سیخ کباب میں لگانی تھی ناوہاں لگاؤ ۔

 

[ماوراء]

او ہاں، وہ میں نے ابھی دیکھی ہے ترکیب، مجھے بھی یہی خیال آیا کہ سیخ کباب کی تصویر تھی وہ۔

 

[سارہ خان]

حجاب بالکل اس ہی ترکیب سے لہسن اور بیسن میں امی فرائی کرتی ہیں فش ۔۔۔ میں بھی بناتی ہوں کبھی کبھی ۔۔ لیکن زیادہ تر امی سے ہی بنواتی ہوں یہ ۔۔

 

[ماوراء]

حجاب، میں نے آج ٹرائی کر لی۔ بہت مزے کی بنی تھی۔

 

[حجاب]

بہت خوب ماوراء کانٹے چھری اور سلاد کے ساتھ مزے کی لگ رہی ہے ،دل چاہ رہا ہے کھانے کا ابھی فوراً م س ن کو بیماری لگ گئی ہے آج

 

[ماوراء]

اچھا۔۔میں تمھیں لنک دینے لگی تو تم غائب تھی۔ مجھے پتہ چل گیا کہ ایم ایس این نہیں چل رہا ہو گا۔ تم میرے بلاگ پر بھی دیکھ لینا۔

 

[ابن سعید]

میں بھی آزماتا ہوں یہ ترکیب عرصے سے کچھ بغیر کانٹے کی مچھلیاں فریج میں اکڑی پڑی ہیں۔

 

[شمشاد]

سعود بھائی اس دھاگے کا آخری پیغام دوسال اور تین دن پہلے کا ہے۔ تو کیا فرج میں مچھلیاں بھی تک کی پڑی ہیں؟

 

[ابن سعید]

اللہ اکبر!

شمشاد بھائی کھانا باسی ہوتے سنا تھا یہ ترکیبں کب سے باسی ہونے لگیں؟

 

[شمشاد]

ارے بھائی میں نے کب کہا کہ ترکیب باسی ہو گئی ہے۔ میں تو یہ پوچھ رہا تھا کہ مچھلیاں بھی کیا تب کی پڑی ہوئی ہیں؟

 

[زبیر حسین]

کوئی فوری ترکیب نہیں ہے کیا؟
دو تین گھنٹے لگا کر پکانے کا فی الحال وقت نہیں کوئی شارٹ کٹ چاہیے

 

[عسکری]

سمندروں کا سینہ چیر کر چل پڑے جوان ہم - مچھلی کھانے میں ٹرائی ماروں آج اسے