غزل قاضی
محفلین
فراق
ہم نے جِس طرح سبُو توڑا ہے ۔۔۔۔۔۔ ہم جانتے ہیں
دل ِپُر خُوں کی مئے ناب کا قطرہ قطرہ
جُوئے الماس تھا، دریائے شب ِنیساں تھا
ایک اک بُوند کے دامن میں تھی موج ِکوثر
ایک اک عکس حدیث ِحَرَم ِ اِیماں تھا
ایک ہی راہ پہنچتی تھی تَجلّی کے حضُور
ہم نے اُس راہ سے مُنھ موڑا ہے ۔۔۔۔۔۔ ہم جانتے ہیں
ماہ پاروں کے طِلسمات میں تیرا افسُوں
شیوہ و شعبدہ و رسم و روایات میں تُو
حرف و تقریر میں تُو، رمز و کنایات میں تُو
خواب کی بزم تِری، دیدہؑ بےخواب تِرا
صُبح کے نُور میں تُو، نیند بھری رات میں تُو
دِل کی دھڑکن کا تِرے قُرب کے لمحوں پہ مدار
ہم نے جِس طرح تجھے چھوڑا ہے ۔۔۔۔۔۔ ہم جانتے ہیں
مصطفٰی زیدی
(روشنی)
ہم نے جِس طرح سبُو توڑا ہے ۔۔۔۔۔۔ ہم جانتے ہیں
دل ِپُر خُوں کی مئے ناب کا قطرہ قطرہ
جُوئے الماس تھا، دریائے شب ِنیساں تھا
ایک اک بُوند کے دامن میں تھی موج ِکوثر
ایک اک عکس حدیث ِحَرَم ِ اِیماں تھا
ایک ہی راہ پہنچتی تھی تَجلّی کے حضُور
ہم نے اُس راہ سے مُنھ موڑا ہے ۔۔۔۔۔۔ ہم جانتے ہیں
ماہ پاروں کے طِلسمات میں تیرا افسُوں
شیوہ و شعبدہ و رسم و روایات میں تُو
حرف و تقریر میں تُو، رمز و کنایات میں تُو
خواب کی بزم تِری، دیدہؑ بےخواب تِرا
صُبح کے نُور میں تُو، نیند بھری رات میں تُو
دِل کی دھڑکن کا تِرے قُرب کے لمحوں پہ مدار
ہم نے جِس طرح تجھے چھوڑا ہے ۔۔۔۔۔۔ ہم جانتے ہیں
مصطفٰی زیدی
(روشنی)
شکریہ 
